Josua 18:10 - Vakavakadewa Vou kei na iVola tale eso

¹⁰ Sa qai vakawiri madigi o Josua me tarogi Jiova kina ena vukudra ka solia vei ira yadua na vo ni mataqali i Isireli e yadua na i votavota ni vanua.

Ai Vola Tabu (Vakadewa Makawa Vakavoutaki 2021)

¹⁰ ka sa vakawiri madigi e na vukudra ko Josua mai Sailo, e na mata i Jiova, ka wasea mai kina na vanua ko Josua kivei ira na Isireli, me vaka na kedrai wasewase.

AI VOLA TABU

¹⁰ A sa kitaka na veidigidigi vei ira ko Josua mai Silo, e na mata i Jiova: ka wasea maikina na vanua ko Josua kivei ira na luve i Isireli, me vaka na nodra wasewase.

Vakavakadewa Makawa

¹⁰ A sa vakawirimadigi vei ira ko Josua mai Sailo, e na mata i Jiova: ka wasea maikina na vanua ko Josua kivei ira na Isireli, me vaka na kedrai wasewase.

Ai Vola Tabu Ena Vakavakadewa Vou

¹⁰ Sa qai vakawiri madigi o Josua me tarogi Jiova kina ena vukudra ka solia vei ira yadua na vo ni mataqali i Isireli e yadua na i votavota ni vanua.

Josua 18:10 Iomraidhean Croise

1 Veigauna 24:5

Ia me vaka ni ra tiko na i vakalesilesi ni vale tabu kei ira na qase ni lotu ena nodrau kawa ruarua o Iliesa kei Icama, a sa ia na vakawiri madigi me digitaki kina na nodra i tavi me ra qarava.

Niemaia 11:1

Era sa la'ki vakoro tiko mai Jerusalemi o ira na nodra i liuliu na Isireli, ka ra sa vakawiri madigi na vo ni lewenivanua me digitaki kina e dua na vuvale mai na veiyatini na vuvale me la'ki tiko ena koro tabu o Jerusalemi, ia o ira na kena vo me ra tiko ga ena veikoro lelevu kei na veikoro lalai tale eso.

NA SAME 47:4

Sa digitaka vei keda na vanua eda tiko kina oqo, Na nodra i votavota dokai na nomuni tamata sa dau loloma o koya.

NA SAME 61:5

O ni sa rogoca na noqu veivosa ni yalayala, na Kalou, O ni sa qai solia vei au na nodra i votavota era sa rokovi kemuni.

Vosavakaibalebale 18:18

Kevaka e rau sa veileti tiko e rua na tamata kaukauwa ena mataveilewai, ena rawa ni walia na nodrau leqa na vakawiri madigi.

Jeremaia 7:12

Ni lako mada ki Sailo, na vanua au a digitaka taumada me'u dau qaravi kina, ka raica na ka au sa cakava kina baleta na nodra ca na noqu tamata na Isireli.

Isikeli 47:22

Mo ni sa na vota me i votavota me nomuni kei ira na vulagi era tiko kei kemuni, ka ra sa vakaluveni kei kemuni. Ia me ra tautauvata o ira kei kemuni na Isireli sucu i taukei dina; era sa na vakaivotavota vata kei kemuni ena veimataqali e Isireli.

Isikeli 48:29

Sa i koya oqo na vanua mo ni vota me dui nodra i votavota na veimataqali i Isireli, ka sai ira oqo na nodra i votavota e vuqa, sa kaya na Kalou o Jiova.

Maika 2:5

O koya oqo, ni sa yaco mai na gauna me vakalesui tale kina na vanua vei ira na tamata i Jiova, sa na sega kina ni dua na nomudou i votavota.

Tiko mai na Lekutu 34:16

A vosa vei Mosese o Jiova, ka kaya,

Maciu 27:35

Era sa qai vakoti koya ki na kauveilatai, ka ra vota na nona i sulu ena vakawirimadigi.

Joni 17:2

Me vaka ni o ni sa solia vua na lewa me baleti ira na tamata kecega, sa rawa kina vua me solia na bula tawamudu vei ira yadua o ni sa solia vua.

Cakacaka 13:19

E a qai vakawabokotaka e vitu na matanitu ena vanua o Kenani, ka solia na nodra vanua vei ira na Isireli me ra taukena

Cakacaka 26:18

O iko mo na la'ki dolava na matadra, me ra saumaki mai na butobuto ki na rarama, mai na kaukauwa i Setani ki vua na Kalou; me bokoci kina na nodra i valavala ca, ka ra na okati vata kei ira era sa vakasavasavataki me ra nona na Kalou ena nodra sa vakabauti au.’

Kolosa 1:12

Ni vakavinavinaka vua na Tamada, o koya sa vakarautaki kemuni me da wasei rawa ena nodra i votavota na yalosavasava ena matanitu ni rarama.

Josua 14:2

Me vaka na i vakaro i Jiova vei Mosese, e sa votai na nodra vanua na ciwa veimama na mataqali ena ra ni uciwai na Joritani ena vakawiri madigi.

Josua 14:5

Era sa wasea na qele o ira na Isireli me vaka sa vakaroti Mosese kina o Jiova.

Josua 18:11

E a solia e liu na nodra vanua na veivuvale ena mataqali i Penijamini. Sa koto na nodra vanua ena veimama ni mataqali i Juta kei na mataqali i Iosefo.

Josua 18:6

Mo ni vola na i vakamacala ni yalayala ni tiki ni qele vituvitu oqori, ka kauta mai vei au. Au na qai vakawiri madigi, ena vukumuni, ka taro i vakasala vei Jiova na noda Kalou.

Josua 18:8

Era sa qai gole yani o ira na la'ki vola na i vakamacala ni vanua ni sa vakaroti ira oti o Josua ena i vakaro oqo: “Mo ni lakova na vanua taucoko sara, ka droinitaka vakamatata na i yalayala, ka kauta tale mai vei au. Au na qai vakawiri madigi ka taro i vakasala vei Jiova ena vukumuni ena vanua oqo o Sailo.”

Josua 18:9

Era a qai lako yani ka lakova na vanua taucoko, wasea vakavitu, ka vola vakamatata na kedra dui yalayala kei na kedra veikoro. Ni oti o ya era sa qai lesu tale mai vei Josua ki na keba e Sailo.

Josua 19:51

Oqo na veivotavota ni vanua e rau a vota na bete levu o Iliesa kei Josua na luve i Nuni kei na turaga ni mataqali nodra yavusa na Isireli ka wasei ena vakawiri madigi e Sailo ena mata i Jiova, ena matamata ni Vale ni Veitavaki. Era a vakaotia e kea na votai ni vanua.

Josua 23:4

Au a sa vota oti me nodra i votavota na nomuni veimataqali na nodra vanua na veimatanitu era sa vo tiko ka vakakina na veimatanitu au sa vakamalumalumutaka oti, me tekivu mai na Uciwai na Joritani ena tokalau, ka yacova yani na Wasa Meditereni ena ra.