Josua 18:1 - Vakavakadewa Vou kei na iVola tale eso

¹ Ni ra sa vakamalumalumutaka na vanua, era a qai soqoni vata e Sailo o ira kece na Isireli, ka birika e kea na Vale ni Veitavaki.

Ai Vola Tabu (Vakadewa Makawa Vakavoutaki 2021)

¹ A ra sa soqoni vata nai soqosoqo taucoko ni Isireli mai Sailo, ka vakatura cake kina na vale ni veitavaki. A sa vakamalumalumutaki vei ira na vanua.

AI VOLA TABU

¹ A RA sa soqo vata nai vavakoso taucoko ni luve i Isireli mai Silo, ka vakatura cake kina na vale gatu ni veitata. A sa vakamalumalumutaki na vanua e matadra.

Vakavakadewa Makawa

¹ A ra sa soqoni vata nai soqosoqo taucoko ni Isireli mai Sailo, ka vakatura cake kina na vale ni veitavaki. A sa vakamalumalumutaki vei ira na vanua.

Ai Vola Tabu Ena Vakavakadewa Vou

¹ Ni ra sa vakamalumalumutaka na vanua, era a qai soqoni vata e Sailo o ira kece na Isireli, ka birika e kea na Vale ni Veitavaki.

Josua 18:1 Iomraidhean Croise

2 Samuela 7:6

Au se sega mada ni bau tiko ena dua na vale tudei me vakatekivu mai na siga ka'u a kauti ira cake mai kina na Isireli mai Ijipita, me yacova na siga edaidai, ia au a tiko voli ga ena valelaca.

1 Tui 14:2

A sa kaya o Jeropoama vua na watina, “Mo tucake, ka vakalecaleca me vaka e dua na yalewa tani, mo kakua ni kilai kina ni o sa wati Jeropoama, ka lako ki Sailo: raica, sa tiko mai kea o Eaija na parofita, o koya a tukuna vei au ni'u na nodra tui na tamata oqo.

1 Tui 14:4

A cakava vakakina na wati Jeropoama, a cavutu ka lako yani ki Sailo, ki na vale i Eaija. Ia a sega tu ni rai rawa o Eaija, ni a buwawa na matana ni sa qase sara o koya.

1 Tui 2:27

A sa vakasavi Epaiaca o Solomoni me kakua tale ni veiqaravi vakabete vei Jiova; oqo me vakayacori kina na vosa i Jiova me baleta na vuvale vakabete nei Ilai mai Sailo.

Niemaia 9:24

Era a qai lako yani na nodra kawa ka taura na vanua me nodra, o ya ni o ni a vakamalumalumutaki ira taumada na i taukei ni vanua - o ya o ira na kai Kenani, o ira o ni a soli ira sara ga ki ligadra, vata kei ira na nodra tui kei ira na lewe ni vanua, ka me ra vakayagataki ira me vaka ga na ka era vinakata.

NA SAME 78:60

A sa biuta na nona valelaca mai Sailo o koya Na vanua sa tiko kina ena kedra maliwa na tamata.

NA SAME 78:66

Sa vakasavi ira lesu na kena meca o koya Ena druka veivakamaduataki e sega ni oti rawa.

Jeremaia 26:6

Au na cakava na vale oqo me vakataki Sailo, ka ra na vakayagataka na veimatanitu kecega e vuravura na yaca ni koro oqo me vaka e ka beci ka veivakamaduataki.

Jeremaia 26:9

A cava na ka sa kaya kina ena yaca ni Turaga ni na vakataki Sailoa na Valenisoro oqo, ka na vakarusai na koro oqo, ka na sega ni dua me na tiko kina?” Era a osodrigi na tamata era wavoliti Jeremaia ena Valenisoro.

Jeremaia 41:5

era a yaco mai e walusagavulu na tamata mai Sikemi, Sailo kei Samaria. Era a toroya tani na kumidra, ka dresulaka na nodra i sulu, ka tavalaka na yagodra. Era a kau sila kei na ka boi vinaka me la'ki cabori ena Valenisoro.

Tiko mai na Lekutu 32:22

a sa vakamalumalumutaki na vanua ena mata i Jiova; ni oti o ya, o ni na qai lesu, o ni na qai galala mai na nomuni yalayala vei Jiova, kei ira na Isireli; ia o ni na taukena na vanua oqo ena mata i Jiova.

Cakacaka 7:45

E muri, ni sa dewa mai na valelaca vei ira na noda qase era sa qai kauta tiko mai ni ra sa lako vata mai kei Josua ena nodra sa mai tawana na nodra vanua na veimatanitu ka a sa vakasavi ira na Kalou ena nodra sa toso tiko mai na noda qase. Ia sa mani mai tiko ga e kea me yacova na gauna i Tevita.

Josua 18:2

E lewe vitu na mataqali i Isireli, ka sa vo tiko me votai na nodra i votavota ni qele.

Josua 18:8

Era sa qai gole yani o ira na la'ki vola na i vakamacala ni vanua ni sa vakaroti ira oti o Josua ena i vakaro oqo: “Mo ni lakova na vanua taucoko sara, ka droinitaka vakamatata na i yalayala, ka kauta tale mai vei au. Au na qai vakawiri madigi ka taro i vakasala vei Jiova ena vukumuni ena vanua oqo o Sailo.”

Josua 19:51

Oqo na veivotavota ni vanua e rau a vota na bete levu o Iliesa kei Josua na luve i Nuni kei na turaga ni mataqali nodra yavusa na Isireli ka wasei ena vakawiri madigi e Sailo ena mata i Jiova, ena matamata ni Vale ni Veitavaki. Era a vakaotia e kea na votai ni vanua.

Josua 21:2

Era sa vosa vei rau mai Sailo ena vanua o Kenani, ka tukuna, “E a vakarota o Jiova ena gusu i Mosese me soli vei keimami eso na koro me keimami tiko kina kei na vanua veico e volita me ra maroroi kina na neimami manumanu yava i va.”

Josua 22:12

Ia, ni ra rogoca na i tukutuku o ya o ira na vo ni luve i Isireli, era sa lako taucoko yani ki Sailo, me ra la'ki valuti iratou na mataqali ena tai tokalau ni Joritani.

Josua 22:19

Kevaka sa sega ni kilikili me ia na vakacaboisoro ena nomuni vanua, mo ni lako mai ki na vanua i Jiova, na vanua sa tu kina na nona vale tabu, ka mai tawana e dua na vanua vei keimami. Mo ni kakua ga ni vakauyalomuni ka vorati Jiova, se vakatubura mai vei keda na tamata dauvakau yalodra, ni kemuni sa tara tale e dua na i cabocabonisoro tani me i kuri ni cabocabonisoro i Jiova na noda Kalou.

Josua 22:9

Era sa qai lesu tale ki na nodra dui vanua o ira na mataqali i Rupeni, na mataqali i Kata kei na dua na veimama ni mataqali i Manasa. Era sa veitalatala kei ira na vo ni lewe i Isireli mai Sailo ena vanua o Kenani, me ra lako yani ki na nodra vanua, o ya na vanua o Kiliati, era a taukena me vaka sa vakaroti ira kina o Jiova ena gusu i Mosese.

Dauveilewai 18:31

A tiko ga e kea na matakau i Maika ena veigauna kecega a tiko kina e kea na Valelaca sa qaravi kina na Kalou a tu e Sailo.

Dauveilewai 21:12

Ia era sa kunea e Jepesa e Kiliati e va na drau na yalewa era sa sega ni tara tagane, ka kauti ira oqo ki na i tikotiko ki Sailo, o ya ena vanua o Kenani.

Dauveilewai 21:19

Era mani kaya, “Raica, sa yaco tiko na solevu vakayabaki vei Jiova e Sailo, o ya ena vualiku kei Peceli, ena tokalau ni salatu ka gole vaka ki Peceli vaka talega ki Sikemi, ena ceva kei Lapona.”

1 Samuela 1:24

Ia ni sa kali oti na gone, sa qai kauti koya ki Sailo kei na dua na bulumakau tagane yabaki tolu, kei na 10 na kilokaramu na falawa, kei na dua na bola kuli-ni-manumanu ka sinai ena waini. A sa kauti Samuela o tinana ena gauna e se gone lailai sara kina ki na Vale i Jiova mai Sailo.

1 Samuela 1:3

A sa dau lako cake mai na nona koro ena veiyabaki o Ilikana me la'ki sokalou ka vakacabora na nona i madrali vei Jiova ni lewevuqa mai Sailo, na vanua ka rau tiko kina o Ofinai kei Finiasi. Oi rau oqo erau luvei Ilai tagane ka rau bete talega i Jiova.