Josua 17:11 - Vakavakadewa Vou kei na iVola tale eso

¹¹ Ena loma ni vanua o Isikari kei Aseri, sa nodra na Manasa o Peci-siani, Ipiliami, vata kei na veikoro lalai kece ka voliti rau, ka vakakina o Doro ena baravi, Edoa, Tanaki, Mekito kei na kena veikoro lalai.

Ai Vola Tabu (Vakadewa Makawa Vakavoutaki 2021)

¹¹ Ia sa nodra na Manasa, mai Isakari kei Aseri, ko Peci-siani kei na kena veikoro, kei Ipiliami kei na kena veikoro, kei ira na kai Doa kei na kena veikoro, kei ira na kai Edoa kei na kena veikoro, kei ira na kai Tenaki kei na kena veikoro, kei ira na kai Mikito kei na kena veikoro, sa tolu na vanua.

AI VOLA TABU

¹¹ Ia sa nodra na Manase, e Isakari kei Aseri, ko Peci-siani kei na kena Veikoro, kei Ipiliami kei na kena veikoro, kei ira na kai Tori kei na kena veikoro, kei ira na kai Eni-tori kei na kena Veikoro, kei ira na kai Teenaki kei na kena Veikoro, kei ira na kai Mikito kei na kena veikoro, sa tolu na vanua.

Vakavakadewa Makawa

¹¹ Ia sa nodra na Manasa, mai Isakari kei Aseri, ko Peci-siani kei na kena veikoro, kei Ipiliami kei na kena veikoro, kei ira na kai Toa kei na kena veikoro, kei ira na kai Edoa kei na kena veikoro, kei ira na kai Teenaki kei na kena veikoro, kei ira na kai Mikito kei na kena veikoro, sa tolu na vanua.

Ai Vola Tabu Ena Vakavakadewa Vou

¹¹ Ena loma ni vanua o Isikari kei Aseri, sa nodra na Manasa o Peci-siani, Ipiliami, vata kei na veikoro lalai kece ka voliti rau, ka vakakina o Doa ena baravi, Edoa, Tanaki, Mekito kei na kena veikoro lalai.

Josua 17:11 Iomraidhean Croise

2 Samuela 21:12

a lako o Tevita ka kauta na suidrau o Saula kei Jonacani na luvena, mai vei ira na kai Jepesi mai Kiliati. (Era a butakoca mai na rara ni soqo ni koro mai Peci Sani, ena vanua ka ra a vakaliligi rau kina o ira na kai Filisitia, ena siga era vakamatei Saula kina e Ului Qiliboa.)

1 Tui 9:15

E a vakayagataki ira na tamata cakacaka vakabobula o Solomoni na tui me tara na Valenisoro kei na valenitui; o ya me ra buluta ena qele na yasana ki na tokalau, ka tara na bainikoro levu. E a vakayagataki ira talega ena kena tara cake tale na koro o Asori, o Mekito, kei Keseri.

2 Tui 9:27

Ni sa raica o Esaia na tui Juta na veika sa yaco, a sa dro ki na koro o Peci Ekani. A cici muri koya o Jeu, ka vakaroti ira na nona tamata, “Dou vakamatei koya talega!” Era a vakamavoataki koya ena gauna e kauta cake kina na nona qiqinivalu ena i cabecabe ki Kuri, ka voleka ki na koro o Ipiliami. Ia sa sasaga voli ga me la'ki yacova na koro levu o Mekito, ka mate e kea.

1 Veigauna 6:70

A soli talega me nodra na koro o Aneri kei Pilami vata kei na vanua veico sa tu volivolita na nodra vanua na i wase ni mataqali o Manasa ena ra.

1 Veigauna 7:29

Ia era a lewa na kawa i Manasa na veikoro o Peci Siani, o Teeanaki, o Mekito, o Doa kei na kena veikoro e volita. Oqo na veivanua era a tiko kina na kawa i Iosefo na luve i Isireli.

2 Veigauna 35:22

Ia sa bese ga ni gole tani mai vua o Josaia; a sa mani lako vakavuni ga yani me rawa ni vala tikoga kina kei koya. A sa sega ni vakarogorogo o Josaia ki na vosa i Niko ka sa lako mai na gusu ni Kalou, ka sa lako ga yani me vala ena buca o Mekito.

NA SAME 83:10

Era a vakarusai mai Edoa, Ka sa vuca na yagodra e dela ni qele.

Jeremaia 49:2

Sa vinaka, ena yaco mai na gauna au na cakava kina me ra rogoca na tamata mai na koro o Rapa na domo ni valu. Ena biu me rusa tu na koro levu kei Amoni ka ra kama yavu ki na qele na kena veikoro lalai. Ia sa na qai taura lesu tale o Isireli na nona vanua.

Sakaraia 12:11

Ena gauna o ya, ena levu sara na tagi mai Jerusalemi me vaka na levu ni tagicaki i Etati Rimoni ena buca mai Mekitou.

Josua 11:2

kei ira kece na tui ena vanua veidelana ki na vualiku, vei ira talega ena Buca o Joritani ka koto ena ceva ni drano o Kalili, kei na buca ena baravi volekati Doro.

Josua 12:21

na tui Tenaki, na tui Mekito,

Josua 12:23

na tui Doro e koto e baravi, na tui Koimi e Kalili,

Josua 16:9

vata kei na koro lelevu kei na koro lalai eso, ka toka ena nodra vanua na Manasa, ia a soli ga me nodra na Ifereimi.

Josua 17:10

Sa nodra na Ifereimi na vanua ena ceva, ka nei Manasa na vanua ena vualiku, ia sa kedrau i yalayala ena ra na Wasa Meditereni. Ena vualiku ni vua-i-ra o Aseri, kei Isikari ena vua-i-cake.

Josua 17:16

Era a qai tukuna na luve i Iosefo, “E qiqo ka lailai sara vei keimami na vanua veidelana; ia era vaqiqi ni valu kaukamea o ira na kai Kenani ka ra tiko e buca. E vaka talega kina o ira na kai Kenani e Peci-siani kei na kena veikoro ka tiko ena buca o Jesireli.”

Dauveilewai 1:27

O ira na yavusa i Manasa era a sega ni vakatalai ira laivi na tamata era tiko ena veikoro lelevu e Peci Siani, kei Tenaki, kei Toro, kei Ipiliami, kei Mekito, kei na kena veikoro lalai e volekata; ia o ira na kai Kenani era sa bula voli ga ena vanua o ya.

Dauveilewai 5:19

Mai Tenaki, ena wai lailai e Mekito, era sa sota vata kina na tui ka ra vala; era sa vala na tui eso ni Kenani, ia era sa sega ga ni kauta lesu e dua na siliva.

1 Samuela 28:7

Sa qai vakaroti ira na nona tamata o Saula ka kaya, “Ni vakasaqara mada mai e dua na yalewa sa daucurumi, me'u la'ki tarogi koya.” Era a qai kaya vua na nona tamata, “Raica, sa tiko mai Edoa e dua na yalewa sa daucurumi.”

1 Samuela 31:10

Era a ciqira na nona i yaragi ena burekalou i Aseteroci; ka ra vakota na yagona ki na bainikoro mai Pecisani.

1 Samuela 31:12

era a cavutu o ira kecega na tamata qaqa, ka lako ena bogi taucoko o ya, ka la'ki kauta sobu na yago i Saula, kei na yagodratou na luvena, mai na bainikoro mai Pecisani, ka kauta tale mai ki Jepesi, ka vakama kina.