Josua 15:8 - Vakavakadewa Vou kei na iVola tale eso

⁸ ka cabeta cake na buca i Peniinomi ena ceva ni baba ka toka kina o Jerusalemi, na nodra koro na Jepusaiti. Mai kea a gole cake na i yalayala ki na dela ni ulunivanua ka toka ena ra ni Buca o Inomi ena ucu ni Buca o Refaimi ka gole ki na vualiku.

Ai Vola Tabu (Vakadewa Makawa Vakavoutaki 2021)

⁸ A sa lako cake nai yalayala mai na buca ni luve i Inomi, ki na yasana vaka ki na ceva vei ira na Jepusaiti (ko ya ko Jerusalemi). A sa lako cake nai yalayala ki na tuatua sa qarava na buca nei Inomi sa donuya na ra, oqori mai nai cavacava ni nodra buca na luve i Refeimi vaka ki na vualiku;

AI VOLA TABU

⁸ a sa lako cake nai yalayala mai na buca ni luve i Inomi, ki na yasana kivaka ki na ceva vei ira na kai Jepusa, a ya ko Jerusalema: a sa lako cake nai yalayala ki na tuatua sa qarava na buca nei Inomi sa donuya na ra, o qori mai nai otioti ni nodra buca na luve i Refei kivaka ki na mata ni tokalau:

Vakavakadewa Makawa

⁸ a sa lako cake nai yalayala mai na buca ni luve i Inomi, ki na yasana vaka ki na ceva vei ira na Jepusaiti, (ko ya ko Jerusalemi): a sa lako cake nai yalayala ki na tuatua sa qarava na buca nei Inomi sa donuya na ra, oqori mai nai otioti ni nodra buca na luve Refei vaka ki na tokalau:

Ai Vola Tabu Ena Vakavakadewa Vou

⁸ ka cabeta cake na buca i Peniinomi ena ceva ni baba ka toka kina o Jerusalemi, na nodra koro na Jepusaiti. Mai kea a gole cake na i yalayala ki na dela ni ulunivanua ka toka ena ra ni Buca o Inomi ena ucu ni Buca o Refaimi ka gole ki na vualiku.

Josua 15:8 Iomraidhean Croise

2 Samuela 5:18

Era a lako mai na kai Filisitia, ka ra tuvai ira vakaivalu ena buca o Refeimi.

2 Samuela 5:22

Era a mani lesu tale mai na kai Filisitia, ka taura lesu na buca o Refeimi.

2 Tui 23:10

A sa vakacacani Tofeci talega o Josaia na tui, ka oqo na vanua ni vakacaboisoro ki na kalou tani ena Buca kei Inomi, me kakua kina ni dua tale na tamata me vakacabora na luvena tagane se na luvena yalewa me i soro kama vua na kalou o Moloke.

1 Veigauna 11:4

A sa lako o Tevita na tui kei ira kece na Isireli ka ra valuta na koro levu o Jerusalemi. A kilai tu na koro oqo ena gauna o ya me o Jepusa, ka ra tiko voli kina na Jepusaiti, o ira na i taukei ni vanua.

2 Veigauna 28:3

A bau la'ki vakama talega o koya na ka boi vinaka ena Buca o Inomi, ka sa vakacabori ira me ra i soro kama na luvena ena bukawaqa, me vaka na nodra i valavala velavela na veimatanitu tani, ka vakasavi ira tani kina o Jiova e matadra na Isireli.

Niemaia 11:30

o Sanoa, o Atulama kei na kedratou veikoro lalai; o Lakisi kei na kena veivanua ni teitei; o Aseka kei na kena veikoro lalai. Na vanua era a tawana na kawa i Juta a tekivu mai Perisepa ena ceva ka kauta ki na buca o Inomi mai na vualiku.

Aisea 17:5

Ena qai yaco o Isireli me vaka e dua na buca, Sa tamusuki oti na kena sila, Ka na lala tu me vaka e dua na vanua ena buca o Refaimi, Ni sa tamusuki oti na kena vuata.

Jeremaia 19:14

Ia, au sa qai biuti Tofeci na vanua e a talai au kina o Jiova me'u la'ki vunautaka kina na nona vosa. Au a qai lako ka la'ki tu ena lomanibai ni Valenisoro ka tukuna vei ira kece na tamata,

Jeremaia 19:2

Ka curu ena matamata ni koro o Poliseti vaka ki na Qakilo kei Inomi. Me'u la'ki vunautaka e kea na vosa ni Turaga, ka a solia vei au.

Jeremaia 19:6

Ia, oqo sa kaya o Jiova, “Ena yaco mai na gauna, ena sega tale ni vakatokai kina na vanua oqo me yacana o Tofeci se na Qakilo kei Inomi. Ia ena vakatokai me yacana na Qakilo ni Veivakamatei.

Josua 15:63

Ia era mani sega ni vakasavi ira tani rawa na Jepusaiti era a tiko e Jerusalemi o ira na Juta. Era tiko ga na Jepusaiti e Jerusalemi vata kei ira na kai Juta me yacova na siga edaidai.

Josua 18:16

Sa gole sobu na i yalayala ki na ruku ni ulunivanua ka irova sobu na Buca o Peni-Inomi, ena muana ki na vualiku ni Buca i Refaimi. Sa qai cici vaka ki na ceva ka curuma na Buca i Inomi ena ceva ni tokaitua ni Jepusaiti ka gole yani ki Enirokeli.

Josua 18:28

Sela, Elefi, Jepusa o ya o Jerusalemi, Qibea kei Kiriaci-jiarimi: e tini ka va na koro lelevu kei na kedra veikoro lalai. Oqo na nodra i votavota ka soli vei ira na veivuvale ni mataqali i Penijamini, me ra taukena.

Dauveilewai 1:21

Ia o ira na Penijamini era a sega ni vakasavi ira tani na Jepusaiti era tiko e Jerusalemi, ka ra sa mani tiko ga kina na Jepusaiti e Jerusalemi vata kei ira na Penijamini me yacova na siga oqo.

Dauveilewai 1:8

Era a kabai Jerusalemi na mataivalu i Juta ka vakamalumalumutaka. Era a vakamatei na kena tamata ka vakamai na koro.

Dauveilewai 19:10

A sega tale ni via tiko e kea na Livai, ka sa mani lako yani, kei na watina lailai, na nodrau dauveiqaravi, na nodrau asa kei na i yaya.