Josua 15:11 - Vakavakadewa Vou kei na iVola tale eso

¹¹ Mai kea sa gole yani na i yalayala ki na ulunivanua ena vualiku kei Ekironi, gole vaka ki Sikironi, sivita na ulunivanua o Beala, gole yani ki Japinieli ka yaco sara na i yalayala ki wasawasa.

Ai Vola Tabu (Vakadewa Makawa Vakavoutaki 2021)

¹¹ A sa lako yani nai yalayala ki na yasana kei Ekironi vaka ki na vualiku, a sa volai nai yalayala ki Sikironi, ka lako yani ki na Ulunivanua ko Peala, ka yala ki Japinieli; ia nai mudumudu ni yalayala na waitui.

AI VOLA TABU

¹¹ a sa lako yani nai yalayala ki na yasana kei Ekironi vaka ki na tokalau: a sa volai nai yalayala ki Sikironi, ka lako yani ki na ulu-ni-vanua ko Peala, ka yala ki Yapinieli; ia nai mudumudu ni yalayala na waitui.

Vakavakadewa Makawa

¹¹ a sa lako yani nai yalayala ki na yasana kei Ekironi vaka ki na tokalau: a sa volai nai yalayala ki Sikironi, ka lako yani ki na ulu-ni-vanua ko Peala, ka yala ki Japinieli; ia nai mudumudu ni yalayala na waitui.

Ai Vola Tabu Ena Vakavakadewa Vou

¹¹ Mai kea sa gole yani na i yalayala ki na ulunivanua ena vualiku kei Ekironi, gole vaka ki Sikironi, sivita na ulunivanua o Beala, gole yani ki Japinieli ka yaco sara na i yalayala ki wasawasa.

Josua 15:11 Iomraidhean Croise

2 Tui 1:16

A sa tukuna vua na tui, “Sai koya oqo na vosa i Jiova: ‘Ena vuku ni nomu a talai iratou na talaki me tarogi Pealisipupi na kalou ni Ekironi, e kena i balebale li oqori ni sa sega na Kalou e Isireli me la'ki tarogi kina na nona vosa? O koya oqo, o na sega kina ni na bula tale mai na i mocemoce o davo koto kina oqori, ia o na mate dina ga.’ ”

2 Tui 1:6

E ratou sa kaya vua, “Sa lako cake mai e dua na tamata me tavaki keitou, ka sa kaya me keitou mai vakadewataka ni sa vosa vakaoqo o Jiova vei kemuni na tui, ‘Sa sega li na Kalou e Isireli? A cava na vuna o sa talatala kina me la'ki tarogi o Pealisipupi na kalou ni Ekironi? Ena ka oqo, o na sega ni bula cake tale kina mai na nomu mavoa bibi; ia o na mate vakaidina ga!’ ”

2 Veigauna 26:6

A lako yani o Usaia, ka vala kei ira na kai Filisitia, ka basuraka sobu na bai mai Kaca, na bai mai Japine, kei na bai mai Asitoti; ka tara eso na koro mai Asitoti, kei na veivanua eso ena kedra maliwa na kai Filisitia.

Tiko mai na Lekutu 34:6

Ena yasamuni ki na ra, na Wasa Meditereni kei na kena veibaravi, oqo me nomuni i yalayala ni vanua ena yasana ki na ra.

Josua 15:10

ka wavoki yani vaka ki na ra kei Beala ka gole yani ki na vanua veidelana o Sia, ka muria na vualiku ni yasa ni ulunivanua o Jiarimi se, o Kisaloni, ka gole sobu ki Pecisemesi ka takoso yani ki Timina.

Josua 15:12

Na kena i yalayala ena ra na baravi ni Wasa Meditereni. Sai koya oqori na i yalayala ni vanua ka kovuta na nodra i votavota na lewe ni veivuvale ni mataqali i Juta.

Josua 15:45

O Ekironi kei na kena veikoro lalai kece sara,

Josua 15:9

Sa qai gole vakadodonu mai na dela ni ulunivanua ki na veivurevure ni wai i Nefitoa, ka lako yani ki na veikoro volekata na ulunivanua o Efironi. Mai kea a gole na i yalayala vaka ki Beala se o Kiriaci Jiarimi,

Dauveilewai 1:18

Era a valuta ka taura na vanua o Qasa na Juta kei na veivanua volekati Asikiloni ena kena veiyasana kecega, kei Ekironi, kei na kena veiyasana talega.

1 Samuela 17:52

Era sa qai lamata cake mai o ira na Isireli kei ira na Juta, ka ra kaila, ka cici muri ira na kai Filisitia me yaco sara ki Kaca kei na matamata ni koro mai Ekironi.

1 Samuela 5:10

Era a qai vakauta na Kato ni Veiyalayalati i Ekironi, e dua talega na nodra koro levu na kai Filisitia. Ia ni sa yaco yani e kea, era sa qoqolou mai na lewenikoro ni ra kaya, “Era sa kauta mai oqo vei keda na Kato ni Veiyalayalati ni Kalou ni Isireli, me mai vakamatei keda kei ira na kai noda!”

1 Samuela 5:8

Ena ka oqo, era sa talai kina eso na tamata me ra vakasoqoni iratou vata mai na tui Ijipita e ratou lewe lima, ka tarogi iratou, “A cava me da vakayacora ena vuku ni Kato ni Veiyalayalati ni Kalou ni Isireli?” Era a kaya, “Me kau yani i Kaca na Kato ni Veiyalayalati.” Era a mani kauta sara yani i Kaca, e dua tale na nodra koro levu na kai Filisitia.

1 Samuela 7:14

Ia a vakasukai tale vei ira na Isireli na veikoro era a kovea na kai Filisitia, mai Ekironi ka me yaco i Kaca; era a taura tale na Isireli na nodra vanua mai vei ira na kai Filisitia. A sa yaco talega na tiko veisaututaki ena kedra maliwa na Isireli kei ira na kai Kenani.