Josua 14:6 - Vakavakadewa Vou kei na iVola tale eso

⁶ Ena dua na siga, era sa lako mai vei Josua e Kilikali eso na tamata mai na mataqali i Juta. A dua vei ira, o Kelevi na luve i Jifune, a sa tukuna vei Josua, “O sa kila na vosa sa tukuna o Jiova vei Mosese na tamata ni Kalou mai Katesi Banea me baleti kedaru.

Ai Vola Tabu (Vakadewa Makawa Vakavoutaki 2021)

⁶ Era qai lako mai vei Josua ki Kilikali ko ira na Juta; a sa kaya vua ko Kelepi na luve i Jifune, na Kenisaiti, “O sa kila na vosa ka kaya vei Mosese, e na vukudaru, mai Ketesa-banea.

AI VOLA TABU

⁶ Era qai lako mai vei Josua na luve i Juta e Kilikali: a sa kaya vua ko Kalepi na luve i Yifune, na luve i Kinasi, O sa kila na vosa ka kaya vei Mosese, na tamata ni Kalou, ko Jiova, e na vukudaru, mai Ketesa-parinea.

Vakavakadewa Makawa

⁶ Era qai lako mai vei Josua ki Kilikali ko ira na Juta: a sa kaya vua ko Kelepi na luve i Jifune, na Kenisaiti, O sa kila na vosa ka kaya vei Mosese, e na vukudaru, mai Ketesa-parinea.

Ai Vola Tabu Ena Vakavakadewa Vou

⁶ Ena dua na siga, era sa lako mai vei Josua e Kilikali eso na tamata mai na mataqali i Juta. A dua vei ira, o Kelevi na luve i Jifune, a sa tukuna vei Josua, “O sa kila na vosa sa tukuna ko Jiova vei Mosese na tamata ni Kalou mai Katesi Banea me baleti kedaru.

Josua 14:6 Iomraidhean Croise

1 Tui 13:1

A sa lako mai Juta e dua na tamata ni Kalou ki Peceli, ni a vosa vua o Jiova, ka yaco yani i kea ni sa tucake tu o Jeropoama ena i tutu ni cabocabonisoro me ia na vakacaboisoro.

1 Tui 13:14

A sa lako muria na tamata ni Kalou, ka kunei koya ni dabe tiko ena ruku ni dua na vuni oki; a kaya vua, “O iko beka na tamata ni Kalou ka lako mai Juta?” A sa kaya, “Io, sai au oqo.”

2 Tui 4:16

A sa kaya vua o Ilaisa, “Ena gauna vata oqo ena yabaki vou, o sa na roqota voli e ligamu e dua na luvemu tagane.” A sa kaya na marama, “E segai noqu turaga, mo ni kakua mada ni lasutaka na nomuni vada. Oi kemuni na tamata ni Kalou!”

2 Tui 4:42

A lako mai e dua na tamata mai Pealisalisa; a kauta mai vua na tamata ni Kalou na madrai ni sevu, e ruasagavulu na i buli madrai sa caka mai na i sevu ni barile e tamusuki ena yabaki o ya, kei na sola ni sila bulabula eso. A sa kaya o Ilaisa, “Solia vei ira na tamata me ra kania.”

2 Tui 4:9

A sa kaya na marama vua na turaga watina, “Raica, au sa kila ni sa tamata yalosavasava o koya ka dau lako tiko mai ki ke.

2 Tui 8:11

A sa qai wanonovi koya matua sara vakadede o Ilaisa me yacova ni sa madua o Eseeli. A vakasauri ni sa tagi na tamata ni Kalou.

2 Tui 8:7

A sa lako ki Tamasiko o Ilaisa ena gauna e tauvi mate tiko kina o Penietati na tui Siria. Ni sa tukuni vua na tui ni tiko voli e kea o Ilaisa,

1 Veigauna 23:14

Ia oi rau na luve i Mosese, na tamata ni Kalou, erau sa wili vei ira na Livai.)

NA SAME 90:1

Turaga, sai kemuni ga na neimami i tikotiko ni veitabagauna.

Jeremaia 35:4

ka kauti ira ki na Valenisoro. A kauti ira yani ki na tiki ni vale sa nei luve i Enani na luve i Ikitalia, na tamata ni Kalou. Na rumu ni vale oqo e volekata na nodra rumu ni vale na vakailesilesi ena dela ni rumu ni vale i Maseia na luve i Salumi na i vakatawa ni katuba, ni Valenisoro.

Tiko mai na Lekutu 13:26

Era sa qai lako yani vei rau o Mosese kei Eroni, kei ira kecega na lewenivanua taucoko ni Isireli e Katesi ena vanua lala mai Perana; ka tukutuku vei rau, kei ira kece talega na lewenivanua, ka vakaraitaka vei ira na vuata ni vanua.

Tiko mai na Lekutu 13:30

Sa qai vagalui ira na tamata o Kelevi e mata i Mosese, ka kaya, “Me da cavu tu ena gauna sara ga oqo, ka taukena na vanua; ni sa rawa vei keda me da vakamalumalumutaka.”

Tiko mai na Lekutu 13:6

mai na mataqali Juta, o Kelevi na luve i Jifune;

Tiko mai na Lekutu 14:24

Ia me vaka ni sa duatani na yalo i Kelevi na noqu tamata, ni sa muri au tikoga ena yalona taucoko, ka'u na kauti koya ki na vanua ka sa la'ki butuka, ka ra na taukena talega o ira na nona kawa.

Tiko mai na Lekutu 14:30

Au a yalataka mo ni la'ki bula kece ena vanua o ya, ia sa sega ni yaco vakakina oqo vei kemuni, ka vakavo ga o rau o Kelevi na luve i Jifune kei Josua na luve i Nuni.

Tiko mai na Lekutu 14:6

Sa qai dresulaka na nodrau i sulu me vakaraitaka na nodrau rarawa levu o Josua na luve i Nuni kei Kelevi na luve i Jifune, e rua vei ira na yamata ka la'ki rai vanua,

Tiko mai na Lekutu 26:65

Ni sa kaya vakaoqo ena vukudra o Jiova, Era na mate vakaidina, o ira kecega ena vanua lala. Sa sega tale ni vo bula e dua vei ira, vakavo ga o rau o Kelevi na luve i Jifune, kei Josua na luve i Nuni.

Tiko mai na Lekutu 32:12

e sega sara, ka qai vakavo ga o rau o Kelevi na luve i Jifune na Kenisaiti, kei Josua na luve i Nuni, ni rau sa muri Jiova ena lomadrau taucoko.’

Vakarua 33:1

Sai koya oqo na vosa ni veivakalougatataki a cavuta o Mosese, na tamata ni Kalou, vei ira na Isireli ni bera ni mate yani.

Vakarua 34:10

Me tekivu mai na gauna o ya, a sega ni bau dua tale na parofita e Isireli me vakataki Mosese ni a veivosaki kei Jiova ni rau sa veirai mata.

Vakarua 34:5

A mate mai kea o Mosese; ena vanua o Moapi me vaka na ka a kaya o Jiova.

1 Timoci 6:11

Ia o iko e dua na tamata ni Kalou, mo tarovi iko mai na veika kece sara oqo. Mo vakasaqara matua ga na yalododonu, na i tovo vakalou, na vakabauta, na loloma, na vosota vakadede, kei na yalomalua.

2 Timoci 3:17

ka me yaco kina vua na tamata ni Kalou me vakarautaki koya vinaka sara ki na kena cakacakataki na veika vinaka kece sara.

Josua 10:43

Ni sa oti o ya, a lesu tale ki na nona keba mai Kilikali o Josua kei na nona mataivalu.

Josua 14:14

Era sa taukeni Epironi tikoga na kawa i Kelevi na luve i Jifune na Kenisaiti, ena vuku ni nona a talairawarawa ena yalodina vua o Jiova na Kalou ni Isireli.

Josua 15:17

Sa qai vakamalumalumutaka na koro o ya o Ocinieli na luve i Kenasi, ka sa soli Akesa vua o Kelevi me watina.

Josua 4:19

Era sa lako kosova ka cabe ki na tai kadua ni Joritani na Isireli ena i katini ni siga ena i matai ni vula, ka ra la'ki vakaitikotiko e Kilikali ena tokalau kei Jeriko.