Josua 13:25 - Vakavakadewa Vou kei na iVola tale eso

²⁵ Na nodra vanua sa wili kina o Jaseri kei na koro kece e Kiliati, na veimama ni nodra vanua na Amoni me yaco sara ki Aroeri, ena tokalau kei Repa.

Ai Vola Tabu (Vakadewa Makawa Vakavoutaki 2021)

²⁵ Ia sa nodra yasana ko Jaseri, kei na koro kecega mai Kiliati, ka dua na kena wase ni kedra vanua na luve i Amoni, ka yaco ki Aroeri, oqori sa donui Rapa;

AI VOLA TABU

²⁵ Ia sa nodra yasana ko Yaseri, kei na koro kecega mai Kiliati, ka dua na wase ni kedra vanua na luve i Amoni, ka yaco ki Aroeri, o qori sa donui Rapa;

Vakavakadewa Makawa

²⁵ Ia sa nodra yasana ko Jaseri, kei na koro kecega mai Kiliati, ka dua na kena wase ni kedra vanua na luve i Amoni, ka yaco ki Aroeri, oqori sa donui Rapa;

Ai Vola Tabu Ena Vakavakadewa Vou

²⁵ Na nodra vanua sa wili kina o Jaseri kei na koro kece e Kiliati, na veimama ni nodra vanua na Amoni me yaco sara ki Aroeri, ena tokalau kei Repa.

Josua 13:25 Iomraidhean Croise

2 Samuela 11:1

Ena vula i tubutubu, na gauna ka ra dau lako kina i vala na tui, a qai talai Joape o Tevita kei ira na nona turaganivalu, kei ira kecega na Isireli; era a ravuti ira na luve i Amoni, ka buku na druadrua mai Rapa. A tiko ga mai Jerusalemi o Tevita.

2 Samuela 12:26

A sa tomana voli ga o Joape na nona valuti Rapa, ka nodra koro levu na luve i Amoni, ka sa voleka sara ni vesuka vakaukauwa na koro turaga o ya.

2 Samuela 24:5

Era a kosova na Joritani ka la'ki keba voli ena ceva kei Aroeri, o ya na koro levu ka koto e lomadonu ni buca ena vanua o Kata. Mai kea, era sa qai lako vaka ki na vualiku ki Jaseri,

1 Veigauna 26:31

A sa liutaki ira na kawa i Epironi o Jiraia. Ena i ka 40 ni yabaki ni veiliutaki vakatui i Tevita, a sa vakayacori e dua na veivakatarogi me baleta na nodra kawa na vuvale i Epironi, ka mani kunei kina ni so na sotia yaloqaqa mai na vuvale oqo era sa la'ki vakaitikotiko mai Jaseri ena nodra vanua na kai Kiliati.

1 Veigauna 6:81

o Esiponi kei Jaseri.

Aisea 16:8

Sa vakarusai na i teitei volekati Esiponi, Ka vakarusai na veivaini mai Sipima, Na veivaini sa caka mai kina na waini, Sa dau vakamatenitaki ira na i liuliu. Ena dua na gauna e a tete sara ki Jasa kei na vanua dravuisiga, Ka vakakina na ra vaka ki na Waitui Mate.

Aisea 17:2

Era sa na biu lala tu na veikoro e Siria ka tawa mudu. Era na yaco me vanua ni vakacegu ni sipi kei na bulumakau; Ka na sega ni dua me na vakasavi ira.

Jeremaia 48:32

Au na tagicaki ira na kai Sipima, o sa vaka e dua na vaini sa yaco na tabana, ki na Wasa Damudamu ka yaco sara ki Jaseri. Ia oqo na vuamu ena vula i katakata kei na nomu vaini sa vakarusai.

Isikeli 21:20

mo vakatakilakilataka e dua na sala, me yaco yani ki Rapa, na nodra koro na kawa i Amoni, kei Juta talega, kei Jerusalemi na koro vakabai.

Emosi 1:14

Ia ka'u na vakacaudreva na buka ena bai mai Rapa, me na vakama na kena veitikotiko ni valu kaukauwa. Ena ia na qoqolou ena siga ni valu, ka na laba na cagi me vaka na covulaca.

Tiko mai na Lekutu 21:32

A qai tala o Mosese eso me ra yamata ki Jaseri; ka ra a kovea na kena veikoro lalai, ka vakasevi ira na Amoraiti era tiko kina.

Tiko mai na Lekutu 32:35

Ataroci, Sofani, Jaseri, Jokipa,

Vakarua 2:19

Ia o ni sa na qai volekata yani na nodra vanua na luve i Amoni, ni kakua ni vakasagai ira, se, valuti ira. Au na sega ni solia vei kemuni e dua na nodra tiki ni qele na luve i Amoni me nomuni i votavota, baleta ni'u sa solia oti vei ira na kawa i Loti.”

Vakarua 3:11

(A sa qai vo taudua voli ga o Oki na tui Pasani vei ira na vo-ni-bula ni Refaimi. Na nona kisinimate, sa buli ena vatu, e va na mita na kena balavu, ka volekata na rua na mita na kena raba. E se rawa ni raici na yavu ni vatu oqo e Rapa, e dua na nodra koro levu na luve i Amoni.)

Josua 13:11

A sa wili talega kina o Kiliati, kei na yasana era sa tiko kina na kai Kesuri kei ira na kai Meka, na ulunivanua taucoko o Erimoni kei Pasani taucoko me yaco yani ki Salika.

Josua 13:24

A sa solia o Mosese vei ira na veivuvale ni mataqali i Kata e dua na i wase ni vanua me nodra.

Josua 13:26

A sa vakatekivu mai Esiponi na nodra vanua, ka yaco yani ki Ramaci Misipe kei Pitonimi, mai Meeneimi ki na i yalayala kei Tipiri.

Josua 21:39

Esiponi, kei Jaseri, vata kei na vanua veico a dui wavoliti iratou.

Dauveilewai 5:17

Na yavusa o Kiliati era sa toka mai na tokalau ni Joritani, ka ra toka volekata na waqa na yavusa o Tani. Na yavusa o Aseri sa toka ravita ga na baravi; era sa tiko ga ena nodra toba.