Josua 11:6 - Vakavakadewa Vou kei na iVola tale eso

⁶ Sa qai vosa vei Josua o Jiova ka tukuna, “Mo kakua ni rerevaki ira. Ena gauna vata oqo ni mataka, au sa na vakamatei ira kece sara ena vuku i Isireli. Mo ni taya me cavuka na uwa ni yava ni nodra ose kece ka vakama na nodra qiqi ni valu.”

Ai Vola Tabu (Vakadewa Makawa Vakavoutaki 2021)

⁶ Sa qai kaya vei Josua ko Jiova, “Mo kakua ni rere e na vukudra, ni ka'u na soli ira kece me vakamatei e na matadra na Isireli, e na mataka, ni sa vakaoqo na mata-ni-siga; ko na tava na tularua ni nodra ose, ka vakama e na bukawaqa na nodra qiqi-ni-valu.”

AI VOLA TABU

⁶ A sa kaya vei Josua ko Jiova, Mo kakua ni rere o na vukudra: ni kaʼu na soli ira kece me vakamatei e na matadra na Isireli, o na sabogibogi, ni sa vakaoqo na mata-ni-siga; ko na vakalokilokitaka na nodra veiose, ka vakama o na buka na nodra veivale-vodoki.

Vakavakadewa Makawa

⁶ Sa qai kaya vei Josua ko Jiova, Mo kakua ni rere e na vukudra: ni ka'u na soli ira kece me vakamatei e na matadra na Isireli, e na mataka, ni sa vakaoqo na mata-ni-siga; ko na tava na tularua ni nodra ose, ka vakama e na bukawaqa na nodra qiqi-ni-valu.

Ai Vola Tabu Ena Vakavakadewa Vou

⁶ Sa qai vosa vei Josua ko Jiova ka tukuna, “Mo kakua ni rerevaki ira. Ena gauna vata oqo ni mataka, au sa na vakamatei ira kece sara ena vuku i Isireli. Mo ni taya me cavuka na uwa ni yava ni nodra ose kece ka vakama na nodra qiqi ni valu.”

Josua 11:6 Iomraidhean Croise

2 Samuela 8:4

A taura mai vua o Tevita e 1,700 na lewe ni mataivalu vodo ose kei na 20,000 na lewe ni mataivalu ni vanua. A sa maroroya eso na ose me veirauti kei na dua na drau na qiqi ni valu, ka vakacacani ira na vo ni qiqi.

2 Tui 6:16

A sa kaya o koya, Mo kakua ni rere, ni ra sa lewe vuqa cake era tiko vei kedaru, ka lewe lailai era tiko kei ira.

2 Veigauna 20:16

Ni lako sobu ni mataka, ka la'ki vala kei ira; raica, era na muria cake mai na i cabecabe ki Sisi; ia o ni na kunei ira ena boto ni buca, ena tokalau ni veikau o Jirueli.

NA SAME 46:10

A sa kaya o koya, “Ni muduka na nomuni veivaluvaluti ka kila ni sai au ga na Kalou, Ka'u sa qaqa ena kedra maliwa na veimatanitu Ka qaqa e vuravura taucoko.”

NA SAME 46:11

Sa tiko vata ga kei keda o Jiova ni lewevuqa Sa noda i drodro na Kalou i Jekope. Vua na i liuliu ni sere. A nodra Same na luve i Kora.

NA SAME 46:9

Sa muduka o koya na i valu e vuravura taucoko Sa musulaka na dakaititi, vakarusa na moto Ka vakama na i sasabai ena buka.

Vosavakaibalebale 20:7

Era sa kalougata na gone e yalodina na tamadra ka ra cakava na ka e dodonu.

Aisea 30:16

O ni sa qai nakita mo ni dro mai vei ira na kemuni meca, Ena nomuni vodoki ira na ose daucici sara. Ia ni dro sara. O ni nanuma era sa totolo na nomuni ose, Ia era na totolo cake o ira era vakasavi kemuni.

Aisea 31:1

Ena yaco na veika ca vei ira era la'ki kere veivuke ki Ijipita. Era sa vakararavi ki na veiqiqinivalu kei na ose, Kei ira na sotia. Ia era sa sega ni vakararavi Vei Jiova na Kalou Yalo Savasava ni Isireli, Se kere veivuke vua.

Isikeli 39:9

Era a lako yani na tiko ena veikoro vaka-Isireli, ka ra la'ki vakacaudreva ka vakama na veiyaragi ni valu, na i sasabai lalai, na dakaititi kei na gasau, na i ula, kei na moto, ka ra na vakama ena bukawaqa ka yabaki vitu;

Osea 14:3

Ena sega ni vakabulai keimami rawa o Asiria, ka sa sega ni taqomaki keimami rawa na ose ni valu. Keimami na sega tale vakadua ni tukuna vakaoqo vei ira na neimami kalou matakau ni ra sa neimami Kalou. I Jiova, ni vakatakila mada na nomuni yalololoma vei ira sa luveniyali, ni sa sega e dua me vukei ira.”

Neumi 2:13

Sa qai kaya na Kalou o Jiova, “Oi au na kemu meca! Au na vakama vakadua na nomu qiqinivalu. Era na vakamatei na nomu sotia ena i valu, ka'u na kauta tani mai vei iko na veika kece o taura mai vei ira na tani. Ena sega tale vakadua ni qai rogoci na domodra na nomu i talaki.”

Vakarua 7:16

Ni vakarusa sara vakadua na veimatanitu kece sa solia vei kemuni o Jiova na nomuni Kalou ka mo ni kakua sara ni lomani ira. Ni kakua ni qarava na nodra kalou matakau, baleta ni na vakaleqai kemuni.

Josua 10:8

Sa qai tukuna vei Josua o Jiova, “Mo kakua ni rerevaki ira. Au sa solia oti vei iko me nomu na qaqa. Ena sega sara ni dua vei ira me vorati iko rawa.”

Josua 11:5

Era sa cokovata na tui kece oqori kei na nodra mataivalu, ka lako vata mai, ka tara na nodra keba ena bati ni wai o Meromi me ra valuti ira na Isireli.

Josua 11:7

Era sa qai lako yani vakasauri o Josua kei na nona mataivalu ka valuti ira ena wai o Meromi.

Josua 11:9

A sa vakayacora vei ira o Josua me vaka sa vakaroti koya kina o Jiova, a sa taya cavuka na uwa ni yava ni nodra ose kece, ka vakama na nodra qiqi ni valu.

Josua 3:5

Sa qai vosa vei ira na tamata o Josua, ka kaya, “Mo ni vakasavasavataki kemuni ni na vakayacora o Jiova na cakacaka mana levu vei kemuni ni mataka.”

Dauveilewai 20:28

A dauveiqaravi kina o Finiasi na luve i Iliesa ka luve i Eroni ena gauna o ya, ka kaya, “Me keimami lako cake me veivala vata kei ira na weka i keimami na Penijamini se me keimami vakasuka?” A qai sauma o Jiova ka kaya, “Ni lako cake, ni'u na soli ira ki na ligamuni ni mataka.”

Dauveilewai 7:9

Ena bogi o ya a kaya vei Kitione o Jiova, “Mo tucake, mo sa kaba na nodra i tikotiko na meca, ka ni'u sa soli ira oti ki na ligamu.

1 Samuela 11:9

Era a qai kaya vei ira na tamata era a talai mai Jepesi, “Ni la'ki tukuna vakaoqo vei ira na nomuni tamata ni ra na vakabulai ni bera na sigalevu ni mataka.” Ena gauna era rogoca kina na i tukutuku oqo na kai Jepesi, sa tuburi ira na marau levu