Josua 11:3 - Vakavakadewa Vou kei na iVola tale eso

³ Sa vakau i tukutuku talega vei ira na kai Kenani ena tai ruarua ni Joritani, na Amoraiti, na Itaiti, na Perisaiti, kei ira na Jepusaiti ena vanua veidelana, ka vakakina o ira na Aivaiti ka ra tiko ena ruku ni ulunivanua o Erimoni ena vanua o Misipa.

Ai Vola Tabu (Vakadewa Makawa Vakavoutaki 2021)

³ kivei ira talega na kai Kenani sa tiko mai na tokalau, mai na ra talega, kei ira na Amoraiti, kei ira na Itaiti, kei ira na Perisaiti, kei na Jepusaiti era sa tiko mai na vanua veiulunivanua, kei ira na Aivaiti sa tiko e ruku i Erimoni, e na tiki ni vanua ko Misipa.

AI VOLA TABU

³ kivei ira talega na kai Kenani sa tiko mai na tu i cake, mai ra talega, kei ira na luve i Amori, kei ira na luve i Eci, kei ira na lewe ni Veikoro lalai, kei na kai Jepusa era sa tiko mai na veiulu-ni-vanua, kei ira na luve i Evi sa tiko e ruku i Erimoni, e na tiki ni vanua ko Misipa.

Vakavakadewa Makawa

³ kivei ira talega na kai Kenani sa tiko mai na tu-i-cake, mai ra talega, kei ira na Amoraiti, kei ira na Itaiti, kei ira na Perisaiti, kei na Jepusaiti era sa tiko mai na veiulu-ni-vanua, kei ira na Aivaiti sa tiko e ruku i Erimoni, e na tiki ni vanua ko Misipa.

Ai Vola Tabu Ena Vakavakadewa Vou

³ Sa vakau i tukutuku talega vei ira na kai Kenani ena tai ruarua ni Joritani, na Amoraiti, na Itaiti, na Perisaiti, kei ira na Jepusaiti ena vanua veidelana, ka vakakina o ira na Aivaiti ka ra tiko ena ruku ni ulunivanua o Erimoni ena vanua o Misipa.

Josua 11:3 Iomraidhean Croise

Vakatekivu 31:49

A sa kaya talega o Lepani, “Me qai yadravi iko kei au matua o Jiova ni daru sa tawase ka dui tiko tani.” A sa vakatoka kina me yacana o Misipa.

2 Samuela 24:16

Ia ni sa dodoka na ligana na agilosi vaka ki Jerusalemi me vakarusa, a qai veivutuni o Jiova ena vuku ni nodra vakatotogitaki na tamata, a kaya vua na agilosi ka vakarusai ira tiko na tamata, “Sa rauta oqo; mo tarova na ligamu.” A tu na agilosi i Jiova ena rara ni samu sila nei Arauna na Jepusaiti.

2 Samuela 24:7

Era sa qai lako vaka ki na ceva ki na koro levu sa vakabai o Taia, kei na nodra veikoro kecega na Aivaiti, kei ira na kai Kenani, ka yaco sara ki Perisepa ena ceva kei Juta.

1 Tui 15:22

A kacivi ira raraba kecega na Juta o Asa na tui, sega ni vo e dua, ka ra la'ki kauta tani na veivatu tuva mai Rama, kei na kena kauvaro a tara tiko kina o Rama; a la'ki tarai Kipa kina ka nei Penijamini, kei Misipa o Asa na tui.

1 Tui 9:20

Vei ira na tamata kece ka ra vo vei ira na Amoraiti, na Itaiti, na Perisaiti, na Aivaiti kei na Jepusaiti (era sega ni kai Isireli o ira oqo),

NA SAME 133:3

Sa vaka na tegu ena ulunivanua o Erimoni, Ka lutu sobu yani ena veidelana mai Saioni. O ya na vanua sa yalataka kina o Jiova na nona veivakalougatataki, Na bula e sega ni mudu. A Sere ni cabecabe.

NA SAME 89:12

O ni a cakava na vualiku kei na ceva Ka rau sere ena reki vei kemuni o Ului Tapori kei Ului Eremoni.

Sere i Solomoni 4:8

Daru mai lako vata mai na veiulunivanua e Lepanoni, na watiqu; Daru mai lako vata mai Lepanoni. Mo siro mai na dela ni ulunivanua o Emana, Mai na Dela i Siniri kei na Dela i Erimoni, Mai na nodra vanua na laione kei na leopate.

Jeremaia 40:10

Oi au ga, au na tiko e Misipa me'u na matataki kemuni vei ira na kai Papiloni ni ra lako mai ki ke. Ia sa rawa mo ni kumuna ka maroroya na nomuni waini, vuanikau, kei na waiwai; ka vakaitikotiko ena veikoro o ni taura.”

Jeremaia 40:6

A lako o Jeremaia vei Ketalaia na luve i Aikami ki Misipa ka la'ki tiko vei ira na tamata, ka ra vo tu ena vanua o ya.

Jeremaia 41:14

Era a vuki na tamata ka dro vei Jonani.

Jeremaia 41:3

A vakamatei ira kece talega na Jiu era tiko kei Ketalaia mai Misipa o Isimeli, ka vakakina o ira na sotia ni Papiloni sa tiko e kea.

Tiko mai na Lekutu 13:29

O ira na Amalekaiti era tiko ena ceva ni vanua, ka ra tiko ena vanua veidelana o ira na Itaiti, o ira na Jepusaiti, kei ira na Amoraiti; o ira na kai Kenani era tiko tikiva na wasawasa kei na bati ni Joritani.

Vakarua 4:48

Na vanua era taukena e tekivu mai na koro o Aroeri ena bati ni uciwai na Arinoni, ka mua vaka ki na vualiku me yaco ki na Ulunivanua o Sirioni, o ya na Ulunivanua o Erimoni.

Vakarua 7:1

Ena kauti kemuni o Jiova na nomuni Kalou ki na vanua mo ni la'ki taukena ka tawana, ia ena vakasavi ira yani e vuqa sara na matanitu e matamuni, o ira na Itaiti, na Kakesaiti, na Amoraiti, na kai Kenani, na Perisaiti, na Ivaiti vata kei ira na Jepusaiti, e vitu na matanitu era lewe levu ka kaukauwa cake mai vei kemuni.

Josua 11:17

Me vakatekivu mai na ulunivanua o Alaki volekati Sia me yaco sara yani ki Peali-kata ena buca kei Lepanoni ena ruku ni ulunivanua o Erimoni. A sa vesuki ira tiko na tui kece oqo, o Josua, ena dua na gauna balavu.

Josua 11:8

A sa solia o Jiova me ra qaqa na Isireli; era sa ravuravu na Isireli ka vakasavi ira yani vaka ki na vualiku me yaco sara yani ki Sitoni Levu kei Misirefoci-meimi, ka yaco sara ki na buca o Misipa ena tokalau. Era sa vala tiko me yacova sara ni sa sega tale ni dua na meca e vo.

Josua 13:11

A sa wili talega kina o Kiliati, kei na yasana era sa tiko kina na kai Kesuri kei ira na kai Meka, na ulunivanua taucoko o Erimoni kei Pasani taucoko me yaco yani ki Salika.

Josua 13:5

na nodra vanua na Kipali; o Lepanoni taucoko ki na tokalau me vakatekivu mai Peali-kata ena ceva ni ulunivanua o Erimoni me yaco sara ki na i curucuru ki Emaci.

Josua 15:38

Tilani, Misipe, Jokicieli,

Josua 15:63

Ia era mani sega ni vakasavi ira tani rawa na Jepusaiti era a tiko e Jerusalemi o ira na Juta. Era tiko ga na Jepusaiti e Jerusalemi vata kei ira na kai Juta me yacova na siga edaidai.

Josua 18:26

Misipe, Kifira, Mosa,

Josua 3:10

Oqo na i vakatakilakila o ni na kila kina ni sa tu vata kei kemuni o Jiova na Kalou bula, ka na vakasavi ira vakaidina na Kenanaiti, na Itaiti, na Ivaiti, na Perisaiti, na Kakesaiti, na Amoraiti kei ira na Jepusaiti mai na matamuni o koya.

Dauveilewai 20:1

Era a qai lako kece mai na Isireli mai Tani me yaco sara ki Perisepa, mai Kiliati ka sa dua na i soqosoqo levu sara me ra dua bauga ena mata i Jiova e Misipa.

Dauveilewai 21:5

Era a qai kaya na Isireli, “O cei vei keda na mataqali e Isireli era a sega ni la'ki soqoni vei Jiova? Ni a sa bubuluitaki oti kina me baleti ira era sega ni lako mai vei Jiova ki Misipa ni a tukuni kina, “O koya oqo me moku mate.”

Dauveilewai 21:8

Era a kaya, “E dua tale beka ena mataqali e Isireli e sega ni lako cake vei Jiova ki Misipa?” Sa qai kune ni sega ni dua mai Jepesa e Kiliati me tiko kei ira na i soqosoqo.

Dauveilewai 3:3

E lima na turaga ni Filisitia kei ira na kai Kenani taucoko, kei ira na Ivaiti, ka ra sa vakaitikotiko ena veiulunivanua e Lepanoni me tekivu mai Ului Peali Erimoni ka yaco sara ki na i curucuru ki Emaci.

Dauveilewai 3:5

O koya oqo era sa bula maliwai ira kina na kai Kenani na Itaiti, na Amoraiti, na Perisaiti, na Ivaiti, kei ira talega na Jepusaiti o ira na Isireli;

1 Samuela 10:17

A vakasoqoni ira vata mai na tamata vei Jiova o Samuela e Misipa;