Josua 11:20 - Vakavakadewa Vou kei na iVola tale eso

²⁰ A sa vakaukauwataka na yalodra o Jiova me ra tu ka vala kei ira na Isireli, me na rawa kina me ra vakawabokotaki vakadua ena sala sa sega kina na loloma. A sa yaco oqo me vaka na ka sa vakaroti Mosese kina o Jiova.

Ai Vola Tabu (Vakadewa Makawa Vakavoutaki 2021)

²⁰ Ni sa vu vei Jiova na kena vakaukauwataki ni yalodra, me ra la'ki veivaluti kei ira na Isireli, me vakamatei ira sara ko koya, ka me ra kakua ni lomani, ia me vakarusai ira ga ko koya, me vaka ka vakarota vei Mosese ko Jiova.

AI VOLA TABU

²⁰ ni sa mai vei Jiova na vakaukauwataki ni yalodra, me ra laʼki veivaluti kei ira na Isireli, me vakamatei ira sara ko koya, ka ra kua ni lomani, ia me vakarusai ira ga ko koya, me vaka ka vakarota ko Jiova vei Mosese.

Vakavakadewa Makawa

²⁰ ni sa vu vei Jiova na kena vakaukauwataki ni yalodra, me ra la'ki veivaluti kei ira na Isireli, me vakamatei ira sara ko koya, ka me ra kakua ni lomani, ia me vakarusai ira ga ko koya, me vaka ka vakarota vei Mosese ko Jiova.

Ai Vola Tabu Ena Vakavakadewa Vou

²⁰ A sa vakaukauwataka na yalodra ko Jiova me ra tu ka vala kei ira na Isireli, me na rawa kina me ra vakawabokotaki vakadua ena sala sa sega kina na loloma. A sa yaco oqo me vaka na ka sa vakaroti Mosese kina ko Jiova.

Josua 11:20 Iomraidhean Croise

2 Samuela 17:14

A sa kaya o Apisalome kei ira kece na Isireli, “Sa vinaka cake na ka sa vakavulica o Usaia na Ariki mai na kena a dusimaka o Eitofeli.” Ni sa lewa o Jiova me vakawaletaki na i vakavuvuli vinaka i Eitofeli, ka me kauta o koya na ka ca vei Apisalome.

1 Tui 12:15

A sa sega ni vakarorogo na tui vei ira na tamata, ni sa vu na veika kece oqo mai vei Jiova, ka me vakayacori kina na nona vosa sa tukuna vei Jeropoama na luve i Nipati mai na gusu ni parofita o Eaija mai Sailo.

2 Veigauna 22:7

Ia sa vakatulewataka na Kalou me na yaco na rusa vei Easaia ena gauna e la'ki veisiko kina vei Jiorami. Ni yaco yani o Easaia vei Jiorami, sa qai vakasaurarataki rau e dua na tamata ka yacana o Jeu na luve i Nimesai, o koya ka sa lumuta oti o Jiova me vakawabokotaka na vuvale i Eapi.

2 Veigauna 25:16

Ia ni vosa tiko o koya, a qai sauma na tui ka kaya, E a keitou lesi iko beka li mo dua vei ira na lewe ni matabose vakatui? Tikolo mada! A cava na vuna me keitou vakamatei iko kina? E a qai tiko lo na parofita, ia ni bera ni tiko lo sa kaya taumada, Ia oqo au sa qai kila ni sa loma ni Kalou me vakarusai kemuni, baleta ni o ni sa kitaka na ka oqo, ka sega ni vakarorogo ki na noqu i vakasala.

Lako Yani 10:1

A sa qai kaya vei Mosese o Jiova, “Mo lako vua na tui; ka ni'u sa vakaukauwataka na lomana kei na lomadra na nona vakailesilesi me rawa ni'u na vakaraitaka kina vei ira na noqu cakacaka veivakurabuitaki,

Lako Yani 11:10

E rau a qai cakava o Mosese kei Eroni na cakacaka mana kece oqo ena mata ni tui, ia sa vakaukauwataka ga na loma i tui Ijipita o Jiova, ka mani sega ni laivi ira kina na Isireli me ra biuta na nona vanua.

Lako Yani 14:17

Au na vakaukauwataka na lomadra na kai Ijipita me ra lako muri ira yani; ia au na dokai mai na noqu rawata na qaqa vua na tui kei ira na nona mataivalu vodo ose.

Lako Yani 14:4

Au na vakaukauwataka na lomana na tui, ka na qai vakasavi ira, ia au na vakarokorokotaki ena noqu qaqa vua na tui kei ira kece na nona mataivalu. Era na qai kila kina ni sai au o Jiova.” Era a vakayacora na Isireli me vaka na ka a tukuni vei ira.

Lako Yani 14:8

A vakaukauwataka na loma i tui Ijipita o Jiova, ka sa sasaga yani o koya me vesuki ira na Isireli, o ira ka ra sa lako tiko yani ena qaqa.

Lako Yani 4:21

A sa qai kaya vei Mosese o Jiova, “Ni o sa yaco ki Ijipita, raica mo vakayacora e matana na tui na cakacaka veivakurabuitaki kece ka'u sa solia vei iko na kaukauwa mo cakava vakakina. Ia ka'u na vakaukauwataka na lomana na tui, me kakua kina ni laivi ira na tamata me ra lako.

Lako Yani 9:12

Ia sa vakaukauwataka na lomana na tui o Jiova, me vaka ga na nona vosa vei Mosese, ka sa sega ni vakarorogo vei rau o Mosese kei Eroni na tui.

Lako Yani 9:16

Ia sai koya oqo na vuna au sa laivi iko kina mo bula: me'u vakaraitaka vei iko na noqu kaukauwa, ka mo vakarogoya na yacaqu e vuravura taucoko.

Aisea 14:24

A sa vosa bubului o Jiova ka kaya, “Ena yaco na veika au sa nanuma, Ka na vakayacori na veika au sa nakita.

Aisea 34:2

Sa cudruva o Jiova na veimatanitu kecega, Kei na dui nodra mataivalu kece sara. Sa tukuna ni ra sa na rusa, Ka sa soli ira yani me ra vakamatei.

Roma 9:18

O koya oqo sa yalololoma kina na Kalou kivei koya sa digitaka, ka sa vakayalokaukauwataki ira na tamata sa digitaka o koya me vakayacora vakakina.

Vakarua 2:30

Ia sa sega ga ni vakadonuya o Sioni na tui Esiponi me keimami takoso. O Jiova na nomuni Kalou sa vakaukauwataka na lomana me bese kina, ka sa rawa kina me da vakadrukai koya ka taura na nona vanua me yacova na siga edaidai.

Vakarua 7:16

Ni vakarusa sara vakadua na veimatanitu kece sa solia vei kemuni o Jiova na nomuni Kalou ka mo ni kakua sara ni lomani ira. Ni kakua ni qarava na nodra kalou matakau, baleta ni na vakaleqai kemuni.

Dauveilewai 14:4

E rau a sega tiko ni kila na nona i tubutubu ni sai Jiova ga sa liutaki Samisoni tiko ki na veika oqo, ka ni vakasaqara tiko o Jiova e dua na gaunisala me valuti ira kina na kai Filisitia. Ena gauna oqo era qali tu na Isireli ki na veiliutaki i Filisitia.

1 Samuela 2:25

Kevaka sai valavala ca e dua na tamata vua e dua tale, ena rawa ni taqomaki koya na Kalou; ia kevaka sai valavala ca vei Jiova e dua na tamata, o cei tale ena veivosaki ena vukuna?” Ia e rau a bese ni vakarorogo ki na vosa i tamadrau, baleta ni sa lewa o Jiova me vakamatei rau.