Josua 10:41 - Vakavakadewa Vou kei na iVola tale eso

⁴¹ Sa vakamalumalumutaka o Josua na veivanua me vakatekivu mai na ceva kei Katesi Banea me yaco ki Qasa kei na vanua taucoko o Qoseni ka gole cake vaka ki na vualiku ki Kipioni.

Ai Vola Tabu (Vakadewa Makawa Vakavoutaki 2021)

⁴¹ A sa mokuti ira ko Josua ka vakatekivu mai Ketesa-banea ka yaco ki Qasa, kei na vanua taucoko ko Koseni, ka yaco ki Kipioni.

AI VOLA TABU

⁴¹ A sa mokuti ira ko Josua ka vakatekivu mai Ketesa-parinea ka yaco ki Kesa, kei na vanua taucoko ko Koseni, ka yaco ki Kipioni.

Vakavakadewa Makawa

⁴¹ A sa mokuti ira ko Josua ka vakatekivu mai Ketesa-parinea ka yaco ki Kesa, kei na vanua taucoko ko Koseni, ka yaco ki Kipioni.

Ai Vola Tabu Ena Vakavakadewa Vou

⁴¹ Sa vakamalumalumutaka o Josua na veivanua me vakatekivu mai na ceva kei Katesi Banea me yaco ki Qasa kei na vanua taucoko o Qoseni ka gole cake vaka ki na vualiku ki Kipioni.

Josua 10:41 Iomraidhean Croise

Vakatekivu 10:19

Ia na nodra i yalayala ni vanua na kai Kenani sa vakatekivu mai Saitoni me yaco sara i Qasa, o ya mai na muana e gole vaka i Kira; ka yaco sara i Lesa, o ya mai na muana e gole vaka i Sotoma, kei Komora, kei Atima, kei Sepoimi.

1 Tui 3:5

Sa qai rairai vei Solomoni o Jiova mai Kipioni ena tadra ena bogi; a sa kaya kina vua na Kalou, “Na cava o na vinakata me'u solia vei iko?”

Sakaraia 9:5

Ena raica na ka oqo na koro o Asikiloni ka na rere kina. Ena raica oqo na koro o Qasa ka tuburi koya e dua na rarawa levu. Ena vakakina na koro o Ekironi, ni na vakaleqai na veika sa dau vakanuinui kina. Ena vakayalia na nona tui o Qasa, ka na biu lala tu o Asikiloni.

Tiko mai na Lekutu 13:26

Era sa qai lako yani vei rau o Mosese kei Eroni, kei ira kecega na lewenivanua taucoko ni Isireli e Katesi ena vanua lala mai Perana; ka tukutuku vei rau, kei ira kece talega na lewenivanua, ka vakaraitaka vei ira na vuata ni vanua.

Tiko mai na Lekutu 32:8

Era sa kitaka vakaoqo o ira na nomuni qase, ena gauna ka'u a talai ira kina mai Katesi Banea me ra la'ki raica na vanua.

Tiko mai na Lekutu 34:4

eke na nomuni yalayala ena gole vaka ki na ceva ni cabecabe ki Karapimi, ka takoso yani ki Sini me yaco sara ki na ceva kei Katesi Banea, mai kea, ena cici yani vaka ki Asari Atari, me yaco sara ki Asimoni;

Cakacaka 8:26

E a vosa vei Filipe e dua na agilosi ni Turaga, ka kaya, “Tu cake, ka lako vaka ki na ceva ena sala ka lako sobu mai Jerusalemi ki Qasa.” (Sa sega ni dau vakayagataki tu na sala o ya edaidai.)

Vakarua 1:19

Eda a qai biuta na Ulunivanua o Saineai ka lakova yani na loma ni vanua lala ka rerevaki ena sala ki na vanua veidelana nodra na Amoraiti me vaka sa vakarota vei keda o Jiova, me yacova ni da sa yaco ki Katesi Banea.

Vakarua 2:23

Era sa mai vakaitikotiko o ira era gole mai na yanuyanu o Kiriti ena vanua vaka ki na baravi ni Meditereni. Era a valuti ira na kai Arimi, o ira na i taukei dina ni vanua, ka ra taukena na nodra vanua taucoko sara me yaco sara ki na ceva ni koro o Qasa.)

Vakarua 9:23

Ena gauna talega sa talai kemuni kina mai Katesi Banea ka vakarota mo ni la'ki taukena na vanua a solia vei kemuni, o ni a qai vorati Jiova na nomuni Kalou; o ni a sega ni vakabauti koya se talairawarawa ki na nona vosa.

Josua 10:12

Ena siga sa solia kina o Jiova na qaqa vei ira na Isireli mai vei ira na Amoraiti, a vosa vei Jiova o Josua, ni ra sa vakarorogo tiko na Isireli, ka tukuna, “I matanisiga, mo tu vakadua e delai Kipioni, Kei iko na vula, mai na buca o Eijaloni.”

Josua 10:2

Ena ka oqo era sa rere vakalevu sara kina na kai Jerusalemi me vaka ni koro levu sara o Kipioni me vaka na veikoro lelevu eso era vakatui. A levu cake talega mai vei Ai o koya, ka ra tamata vinaka ni vala na lewena.

Josua 11:16

A sa rawa na vanua taucoko o Josua o ya ena veidelana, kei na ruku ni veidelana ena vualiku kei na ceva, na yasayasa taucoko sara vaka-Koseni kei na vanua talasiga ena ceva, ka vaka talega kina na Buca o Joritani.

Josua 11:22

A sa sega tale vei ira na kai Anaki e vo me bula ena vanua o Isireli. Ia, era lewe vica wale era bula tiko e Qasa, Kaca, kei Asitoti.

Josua 15:51

Qoseni, Oloni kei Kilo. E tini kadua kece na koro lelevu kei na kedra veikoro lalai ka voliti ira.

Dauveilewai 16:1

Ena dua na gauna a lako yani ki Qasa o Samisoni, ka raica kina e dua na yalewa dautagane ka rau veimoceri.

Dauveilewai 16:21

Era a qai vesuki koya na kai Filisitia ka leuta laivi na yaloka ni matana. Era a qai kauti koya i Qasa, ka vesu ena sinucodo parasa, ka vakacakacakataki koya ena vanua ni qaqi sila e vale ni veivesu.

1 Samuela 6:17

Ia na veisoso koula oqo era a solia mai na kai Filisitia me i soro ni caka cala vei Jiova: me dua ena vuku i Asitoti, e dua ena vuku i Qasa, ka dua ena vuku i Asikiloni, e dua ena vuku i Kaca kei na dua ena vuku i Ekironi;