Josua 10:40 - Vakavakadewa Vou kei na iVola tale eso

⁴⁰ A sa vakamalumalumutaka na vanua kece o ya o Josua. A sa rawai ira kece sara na tui ena vanua veidelana, na kena veibaba ena tokalau kei na veibuca ena i dromudromu ni siga, ka vakakina na veivanua talasiga ena ceva. A sa sega ni vakabula e dua, era sa vakamatei kecega, me vaka e sa vakarota o Jiova na Kalou ni Isireli.

Ai Vola Tabu (Vakadewa Makawa Vakavoutaki 2021)

⁴⁰ A sa samuta ko Josua na vanua vakaulunivanua kecega, kei na vanua sa no vaka ki na Ceva, kei na vanua vakabuca, kei na vanua vakamata-ni-wai, kei na nodra tui kecega; sa sega ni laiva e dua me vo tu, sa vakamatea sara na ka kecega sa bula, me vaka ka vakarota ko Jiova na Kalou ni Isireli.

AI VOLA TABU

⁴⁰ A sa samuta ko Josua na vanua vaka-ulu-ni-vanua kecega, kei na vanua sa no vaka ki na ceva, kei na vanua vakabuca, kei na vanua vakamata-ni-wai, kei na nodra tui kecega: sa tawa laiva e dua me vo tu, ka vakamatea sara na ka kecega sa cegu, me vaka ka vakarota ko Jiova na Kalou nei Isireli.

Vakavakadewa Makawa

⁴⁰ A sa samuta ko Josua na vanua vakaulunivanua kecega, kei na vanua sa no vaka ki na Ceva, kei na vanua vakabuca, kei na vanua vakamata-ni-wai, kei na nodra tui kecega: sa sega ni laiva e dua me vo tu, sa vakamatea sara na ka kecega sa bula, me vaka ka vakarota ko Jiova na Kalou ni Isireli.

Ai Vola Tabu Ena Vakavakadewa Vou

⁴⁰ A sa vakamalumalumutaka na vanua kece o ya o Josua. A sa rawai ira kece sara na tui ena vanua veidelana, na kena veibaba ena tokalau kei na veibuca ena i dromudromu ni siga, ka vakakina na veivanua talasiga ena ceva. A sa sega ni vakabula e dua, era sa vakamatei kecega, me vaka e sa vakarota ko Jiova na Kalou ni Isireli.

Josua 10:40 Iomraidhean Croise

1 Tui 15:29

Ia ni sa tui o koya, a qai vakamatei ira kecega na kawa i Jeropoama; ka sega tale ni vo e dua ena mataqali i Jeropoama, ka vakarusa vakadua sara me vaka na vosa i Jiova ena gusu ni nona tamata o Eaija na kai Sailo.

Niemaia 9:24

Era a qai lako yani na nodra kawa ka taura na vanua me nodra, o ya ni o ni a vakamalumalumutaki ira taumada na i taukei ni vanua - o ya o ira na kai Kenani, o ira o ni a soli ira sara ga ki ligadra, vata kei ira na nodra tui kei ira na lewe ni vanua, ka me ra vakayagataki ira me vaka ga na ka era vinakata.

NA SAME 9:17

Sa nodra i votavota kecega na tamata ca na mate, O ira kece era vakanadakuya na Kalou.

Lako Yani 34:12

Qarauna mo kakua sara ni cakava e dua na veiyalayalati vata kei ira na tamata ena vanua o sa lako tiko kina baleta de na yaco me na coriti iko.

Tiko mai na Lekutu 13:17

A sa talai ira yani o Mosese me ra la'ki vakaraica ka butuka na vanua o Kenani, ka sa kaya vei ira, “Mo ni muria cake yani na vualiku mo ni donuya kina na ceva ni vanua o Kenani, ka cabe ki na kena veidelana.

Vakarua 1:7

Ni biuta na vanua oqo ka lako yani ena nomuni lakolako; mo ni lako yani ki na nodra vanua veidelana na Amoraiti kei na veivanua vakavolivolita — ki na Buca na Joritani, ki na veidelana kei na vanua lolovira, ena vanua vaka ki na ceva kei na vanua baravi ni Meditereni. Ni lako yani ki na nodra vanua na kai Kenani kei Lepanoni, ka me la'ki yaco sara ki na uciwai levu na Uferetisi.

Vakarua 2:34

Ena gauna vata talega o ya, eda a vesuka ka vakarusa kina na koro kecega ka vakamatea na tagane, yalewa kei na gone. Eda a sega tale ni vakabula e dua na tamata.

Vakarua 7:24

Ena soli ira na nodra tui ki na ligamuni; o ni na vakamatei ira ka ra na guilecavi sara yani vakadua. Ena sega ni dua me na rawa ni tarovi kemuni; me yacova ni o ni sa vakarusai ira kece sara.

Josua 10:35

Era sa vakamalumalumutaka ena siga vata ga o ya, ka vakamatei ira kece sara na lewena, me vaka ga era sa cakava mai Lakisi.

Josua 10:37

ka vakamalumalumutaka. Era sa vakamatea na kena tui kei ira kecega na lewena, ka vaka talega kina ki na veikoro e volekata. A sa lewa o Josua me vakarusai vakadua na koro o ya me vaka ga era sa vakayacora mai Ekiloni ka sega ni dua me vo bula.

Josua 10:39

A sa vakamalumalumutaka sara, ka vakakina na kena tui, kei na veikoro kece ka volekata. Era a vakamatea na tamata kecega ena koro o ya. A sa cakava o Josua ki na koro o Tepiri kei na kena tui na veika e sa cakava vei Epironi, Lipina vata kei ira na kedra tui.

Josua 11:16

A sa rawa na vanua taucoko o Josua o ya ena veidelana, kei na ruku ni veidelana ena vualiku kei na ceva, na yasayasa taucoko sara vaka-Koseni kei na vanua talasiga ena ceva, ka vaka talega kina na Buca o Joritani.

Josua 12:8

Na vanua oqo a wili kina na vanua veidelana, na vanua ena ruku ni veidelana ki na ra, na Buca o Joritani kei na kena ruku ni veidelana, na baba kece ena tokalau, kei na vanua talasiga ena ceva. Oqo na vanua era a tawana tu na Itaiti, na Amoraiti, na Kenanaiti, na Perisaiti, na Aivaiti kei na Jepusaiti.

Josua 18:21

Oqo na veikoro ka nodra na veivuvale ena mataqali i Penijamini: o Jeriko, Peciokila, Emekesisi,

Josua 6:17

Me vakarusai vakadua na koro oqo kei na veika kecega sa tu kina me i soro vei Jiova. Ia me vakabulai wale ga na yalewa dautagane o Reapi kei ira na wekana, baleta ni a vunitaki rau na noda yamata.

Josua 8:2

Ia o na vakayacora vei Ai na kena tui na ka vata ga o a vakayacora vei Jeriko kei na kena tui, ia na i toki ni valu ga kei na manumanu mo ni maroroya me nomuni. Ia mo taura vakidacala na koro mai na daku ni koro.

Josua 8:27

Ia na manumanu wale ga kei na nodra i yaya ka sa i toki ni valu sa vo ena koro, me sa nodra, me vaka na vosa i Jiova a vakaroti Josua kina.

Josua 9:24

Era sa qai tukuna vei Josua, “Keimami a cakava saka oqo baleta ni keimami sa rogoca ni dina na i rogorogo ni a vakarota o Jiova na nona tamata o Mosese me solia vei kemuni na vanua taucoko oqo, ka me vakamatei ira kece sara na veimataqali tamata era vakaitikotiko kina, ni o ni toso tiko mai. Keimami sa vakayacora ga oqo me baleta ni keimami sa rerevaki kemuni vakalevu; ka taqayataka na neimami bula.