Josua 10:13 - Vakavakadewa Vou kei na iVola tale eso

¹³ A sa tu vakadua na matanisiga, ka sega talega ni toso na vula me yacova ni ra sa ravuti kece na kedra meca na Isireli. Sa volai na ka oqo ena i vola i Jasari. A sa tu vakadua na matanisiga ena lomadonu ni lomalagi, ka sega mada ni dromu me dua taucoko na siga.

Ai Vola Tabu (Vakadewa Makawa Vakavoutaki 2021)

¹³ A sa tu vakadua na mata-ni-siga, ka sa tu vakadua na vula, me yacova ni sa cudruvi ira oti na nodra meca ko ira na Isireli. Sa sega li ni volai oqo e nai vola i Jeseri? A sa tu vakadua na mata-ni-siga e na lomadonu ni lomalagi, ka sega ni kusarawa me la'ki dromu me rauta e dua taucoko na siga.

AI VOLA TABU

¹³ A sa cegu tu na mata-ni-siga, a sa tu vakadua na vula, me ra cudruvaki ira mada eliu ko ira na tamata vei ira na nodra meca. Sa volai vakaoqo e nai vola i Yeseri, ne: A sa tu vakadua na mata-ni-siga mai na loma ni lagi, ka tawa kusarawa me laʼki dromu, ena siga taucoko?

Vakavakadewa Makawa

¹³ A sa tu vakadua na mata-ni-siga, a sa tu vakadua na vula, Me ra cudruvi ira tiko na nodra meca ko ira na tamata. Sa sega li ni volai oqo e nai vola i Jeseri? A sa tu vakadua na mata-ni-siga mai na loma ni lagi, ka sega ni kusarawa me la'ki dromu, ka me rauta e dua beka na siga taucoko.

Ai Vola Tabu Ena Vakavakadewa Vou

¹³ A sa tu vakadua na matanisiga, ka sega talega ni toso na vula me yacova ni ra sa ravuti kece na kedra meca na Isireli. Sa volai na ka oqo ena i vola i Jasari. A sa tu vakadua na matanisiga ena lomadonu ni lomalagi, ka sega mada ni dromu me dua taucoko na siga.

Josua 10:13 Iomraidhean Croise

2 Samuela 1:18

ka vakarota me vakatavulici vei ira na Juta na Sere ni Dakaititi. (Sa volai oqo e Na i Vola i Jasari.)

2 Tui 20:10

A sa kaya o Esekaia, “E rawarawa na kena tosoi ki liu na i yaloyalo ena tini na i kalawa! Ia mo cakava me tosoi lesu ki muri ena tini na i kalawa.”

Esiteri 8:13

Na i vakaro o ya me qai la'ki kacivaki ni sa lawa ki na veiyasana ena matanitu i Asuerosi me ra kila na tamata kecega, ka me ra qai tu vakarau ena siga o ya na Jiu me ra taqomaki ira ka valuti ira lesu talega na kedra meca.

Jope 9:7

Sa rawa vua na Kalou me tarova na cabe cake ni matanisiga; Ka tarova na cila ni veikalokalo ena bogi.

NA SAME 148:3

Drau vakacaucautaki koya na matanisiga kei na vula; Ni vakacaucautaki koya na veikalokalo sa serau tu.

NA SAME 19:4

Ia na nodra i tukutuku sa lako yani ki na vuravura taucoko, Ka sa rogoci ena i yalayala kei vuravura; A sa vakarautaka na Kalou na vale i matanisiga;

Aisea 24:23

Sa na butobuto na vula, Ka sa na sega tale ni cila na matanisiga, Baleta ni sa na tui o Jiova ni lewevuqa. Ena veiliutaki tiko mai Jerusalemi Ena ulunivanua o Saioni; Era na raica na nona lagilagi, Na nodra i liuliu na tamata.

Aisea 38:8

Ena vakasuka lesu na i yaloyalo ni matanisiga sa kala sobu me rauta ni tini na i kalawa ki muri.

Joeli 2:10

Sa uneune na vanua era butuka yani Ka sakure na lomalagi. Sa tabogo na matanisiga kei na vula, Ka ra tabonaka na kedra rarama na veikalokalo.

Joeli 2:31

Na matanisiga ena vuki me butobuto, kei na vula me dra, ena qai yaco mai e muri na siga i Jiova, na siga levu ka rerevaki.

Joeli 3:15

Ena vakabutobutotaki Na rarama ni matanisiga kei na vula; Ka ra sa tabonaka na kedra rarama Na veikalokalo.

Apakuki 3:11

Ena cawi ni nomuni gasau ni dakaititi, Kei na tatibi ni nomuni moto taliva, Sa tu vakadua kina na siga kei na vula.

Tiko mai na Lekutu 21:14

O koya sa tukuni kina ena i Vola ni Valu i Jiova, ka vaka: O Vaepa mai Sufa, kei na veibuca; na uciwai o Arinoni,

Tiko mai na Lekutu 31:2

Mo sauma lesu na ka era cakava vei Isireli o ira na kai Mitiani; ia ni sa oti o ya, mo ni qai soqoni vata yani vei ira na nomuni tamata.

Maciu 24:29

“Ni sa qai oti koto ga na veika rarawa ena gauna o ya, ena qai vakabutobutotaki na matanisiga, ka na sega ni cila na rarama ni vula. Era na lulutu mai na veikalokalo mai lomalagi, ka na kureitaki na veika kaukauwa ni lomalagi.

Maciu 5:45

mo dou luvena kina na Tamamudou mai lomalagi. Ni sa vakacabea o koya na nona matanisiga vei ira na tamata ca kei ira na tamata vinaka, ka vakatauca na uca vei ira na yalododonu kei ira na tawa yalododonu.

Luke 18:7

Ena qai sega li ni vakatauca na Kalou na lewa dodonu ka vinaka vei ira na nona digitaki era sa dau tagi vua ena siga kei na bogi? Ena berabera li na kena yaco mai na nona veivuke?

Cakacaka 2:20

Ena vuki na matanisiga me butobuto, Ka na damu na vula me vaka na dra Ni bera ni yaco mai na siga lagilagi ka rogo ni Turaga.

Josua 10:11

Ia ni ra sa dro tiko mai vei ira na mataivalu ni Isireli ki na qakilo ni ulunivanua e Peci Oroni, sa qai vakatauca o Jiova me lutuki ira na vatu lelevu mai lagi, me yaco sara ki Aseka. Era lewe levu cake na meca era sa mate ena uca vatu lelevu, ka lailai e mate ena ligadra na Isireli.

Josua 10:14

E sega mada ni bau yaco vakadua e liu, se ena dua tale na gauna mai ki muri me dua na siga me tautauvata tukuna na siga talei o ya, ni sa vakarorogo kina o Jiova ki na nona vosa e dua na tamata. Sa totaki ira na Isireli o Jiova ena i valu!

Vakatakila 21:23

Sa sega ni yaga me vakararamataka na koro oqo na matanisiga se na vula, baleta ni sa vakararamataki ga ena i serau ni Kalou, ka sa kena cina na Lami.

Vakatakila 6:10

Era sa kaci ena domolevu, “Oi kemuni na Turaga kaukauwa, sa yalosavasava ka dina! A cava soti na kena dede mo ni qai ia kina na veilewai vei ira na tamata sa tiko e vuravura ka totogitaki ira ena vuku ni nodra a vakamatei keimami?”

Vakatakila 6:12

Au sa qai raica ni sa cecega na Lami na i kaono ni drega. A sa yaco e dua na uneune kaukauwa sara, ka sa yaco me butobuto loaloa sara me vaka na i sulu loaloa na matanisiga, ka sa damudamu sara na vula me vaka na dra.

Vakatakila 8:12

Sa qai uvuca na i kava ni agilosi na nona davui. A sa ravuti vakaukauwa e dua na i katolu ni matanisiga, kei na dua na i katolu ni vula, kei na dua na i katolu ni veikalokalo, ka sa yali kina e dua na i katolu ni kedra rarama; a sa vakabutobutotaki kina e dua na i katolu ni siga kei na dua na i katolu ni bogi.

Dauveilewai 16:28

A qai masu o Samisoni, “Oi kemuni na Kalou cecere, mo ni yalovinaka ka nanumi au mai; I Jiova na noqu Turaga, mo ni solia vakadua tale mada vei au na noqu kaukauwa, ka me'u rawata ena dua ga na i bili me saumi lesu kina vei ira na kai Filisitia na nodra leuta laivi na yaloka ni mataqu ruarua.”

Dauveilewai 5:2

Me vakacaucautaki o Jiova! Era sa gu na Isireli me ra vala; era sa bole na tamata ki na i tavi.