Josua 1:9 - Vakavakadewa Vou kei na iVola tale eso

⁹ Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko o Jiova na nomu Kalou ena vanua kecega o na lako kina.”

Ai Vola Tabu (Vakadewa Makawa Vakavoutaki 2021)

⁹ Au sa sega li ni vakaroti iko kina? Mo kaukauwa ka yaloqaqa; mo kakua ni rere, se yalolailai, ni sa tiko vata kei iko ko Jiova na nomu Kalou e na veivanua kecega ko sa lako kina.”

AI VOLA TABU

⁹ Au sa vunauci iko oti, ne? mo kaukauwa ka qaqa; mo kakua ni rere, se yalolailai: ni sa tiko kei iko ko Jiova na nomu Kalou e na yasana kecega ko lako kina.

Vakavakadewa Makawa

⁹ Au sa sega li ni vakaroti iko kina? mo kaukauwa ka qaqa; mo kakua ni rere, se yalolailai: ni sa tiko vata kei iko ko Jiova na nomu Kalou e na veiyasana kecega ko sa lako kina.

Ai Vola Tabu Ena Vakavakadewa Vou

⁹ Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko ko Jiova na nomu Kalou ena vanua kecega o na lako kina.”

Josua 1:9 Iomraidhean Croise

Vakatekivu 28:15

Au na tiko ga kei iko, ka taqomaki iko ena vanua kecega o lakova, ka'u na kauti iko lesu tale mai ki na vanua oqo. Au na sega sara ni laivi iko me yacova ni'u sa vakayacora rawa na ka au sa yalataka oqo vei iko.”

Vakatekivu 39:2

Ia sa tiko vata kei Iosefo o Jiova ka vakavuna me rawata vakavinaka na ka kecega sa cakava. A sa tiko o koya ena vale ni kai Ijipita na nona turaga,

Vakatekivu 39:3

ka sa raica na nona turaga ni sa tiko vata kei koya o Jiova, ka sa vakavuna me rawata vinaka na ka kecega sa cakava.

2 Samuela 13:28

A vakaroti ira na nona cauravou o Apisalome, ka kaya, “Ni qarauna vinaka sara ni sa na mamarau mai ka mateni ena waini o Eminoni, ka'u na qai kaya vei kemuni, “Ni mokuti koya,! mo ni qai vakamatei koya. Mo ni kakua ni rere, ni'u sa vakaroti kemuni. Mo ni yalo doudou ka qaqa.”

1 Veigauna 28:20

A sa vosa o Tevita na tui vua na luvena o Solomoni ka kaya, “Mo kaukauwa ka yaloqaqa. Mo tekivuna sara na cakacaka oqo ka kakua sara ni vakalaiva e dua na ka me tarovi iko. O Jiova na Kalou ka'u sa qarava ena tiko vata ga kei iko. Ena sega ni biuti iko o koya, ia ena tiko dei ga kei iko me yacova ni o sa vakacavara vakavinaka na cakacaka ni nona Valenisoro.

2 Veigauna 15:7

Ia o kemuni mo ni kaukauwa ka yaloqaqa. A cakacaka o ni sa vakayacora ena saumi lesu tale vei kemuni.

NA SAME 46:7

Sa tiko kei keda o Jiova ni lewevuqa; Sa nodra i drodro na Kalou i Jekope.

Aisea 41:10

Ni kakua ni rere — au sa tiko vata kei kemuni! Oi au na nomuni Kalou — ni kakua ni rerevaka e dua na ka! Au na vakaukauwataki kemuni ka vukei kemuni; Au na taqomaki kemuni ka vakabulai kemuni.

Aisea 43:1

A sa kaya vakaoqo o Jiova, O koya sa buli iko, i Jekope, O koya sa vakayacori iko, i Isireli: Kakua ni rere, ni'u sa voli kemuni vakadua; Au sa kacivi kemuni ena yacamuni, O ni sa noqu.

Aisea 43:5

Ni kakua ni rere ni'u sa tiko kei kemuni. Au na kauti ira mai na nomu kawa Mai na tokalau kei na ra, Ka kauti ira mai ki na nomuni vanua.

Aisea 8:12

“Kakua ni duavata kei ira na tamata oqo ena veika era nakita, kakua talega ni rerevaka na veika era rerevaka se kidroa kina.

Taniela 10:19

A mani kaya vei au o koya, “Mo kakua ni taqaya se rere ni sa lomani iko na Kalou. Mo yaloqaqa ga.” Ni tauca oti ga na vosa oqo o koya, au vakila sara ga ni'u sa kaukauwa vinaka mai. Au a qai kaya vua, “Noqu Turaga, o ni sa vakaukauwataki au; ia, mo ni tukuna mai vei au na ka o ni via tukuna.”

Akeai 2:4

Ia oqo, ni kakua sara ni yalodatuvu, oi kemuni vakayadua kece sara. Ni qarava ga na kena cakacaka, ka ni'u sa tiko vata kei kemuni.

Akeai 2:5

Ena gauna o ni a biuti Ijipita mai kina, au a yalataka ni'u na dau tiko vata ga kei kemuni. Au se tiko ga oqo kei kemuni, o koya mo ni kakua sara kina ni rere.

Cakacaka 4:19

Ia e rau a qai sauma o Pita kei Joni ka kaya vei ira, “Ni lewa mada ga oi kemuni se evei li e dodonu, me keirau vakarorogo vei kemuni se me keirau vakarorogo vua na Kalou.

Vakarua 1:21

Ni raica, sai koya oqo na vanua sa solia vei kemuni o Jiova na nodra Kalou na nomuni qase: mo ni lako ka la'ki tawana. Ni kakua ni rere se yalolailai.”

Vakarua 20:1

Ni o ni sa lako ka vala vata kei ira na kemuni meca, ka raica ni sa levu cake na nodra qiqinivalu, nodra ose kei na nodra mataivalu mai vei kemuni, mo ni kakua sara ni rerevaki ira. Ena vala vata kei kemuni o Jiova na nomuni Kalou, o koya ka vakabulai kemuni mai na vanua o Ijipita.

Vakarua 31:23

A sa qai vosa vei Josua na luve i Nuni o Jiova, “Mo kaukauwa ka qaqa. O na liutaki ira na Isireli ki na vanua au sa yalataka vei ira, ia au na tiko vata ga kei iko.”

Vakarua 31:28

Soqoni ira vata kece mai na i liuliu ni nomuni veimataqali kei ira na vakailesilesi ki mataqu, me'u tukuna vei ira na veika oqo. Ena noqu i vakadinadina ena nodra beitaki o vuravura kei lomalagi.

Josua 1:10

Sa qai vakaroti ira na nodra i vakalesilesi na tamata o Josua,

Josua 1:17

Keimami na vakarorogo ki na nomu lewa, me vaka keimami sa dau vakarorogo vei Mosese. ‘Me tiko ga vei kemuni Josua o Jiova na nomu Kalou, me vaka sa dau tiko kei Mosese!

Josua 1:18

Na tamata e taroga na nomu veiliutaki, se talaidredre ki na nomu i vakaro ena vakamatei. Mo kaukauwa ka tu dei!”

Josua 10:25

Sa qai vosa vei ira o Josua, “Ni kakua ni rere se yalolailai. Mo ni kaukauwa ka qaqa me vaka ni sa samuti ira tiko vakaoqo na kemuni meca kece o Jiova.”

Josua 10:8

Sa qai tukuna vei Josua o Jiova, “Mo kakua ni rerevaki ira. Au sa solia oti vei iko me nomu na qaqa. Ena sega sara ni dua vei ira me vorati iko rawa.”

Josua 3:7

A sa kaya vei Josua o Jiova, “Au na tekivu vakalevulevui iko edaidai ena matadra na Isireli taucoko me ra kila kina ni'u sa tiko vata kei iko, me vaka ga na noqu a dau tiko vata kei Mosese.

Josua 6:27

A tiko ga kei Josua o Jiova ka sa robota na veivanua taucoko na kena i rogorogo.

Josua 8:1

A sa tukuna vei Josua o Jiova, “Kakua ni o yalolailai se rere; Kauti ira taucoko na tamata i valu, ka lako cake i Ai; Raica au sa soli ira oqo ki na ligamuni, na tui Ai kei ira na nona tamata, na kena veikoro kecega kei na vanua.

Dauveilewai 6:14

Sa qai vuki vua ko Jiova ka tukuna, “Mo lako ena nomu kaukauwa taucoko ka vakabulai ira na Isireli mai na ligadra na kai Mitiani. O au vakataki au sa talaki iko yani.”

1 Samuela 10:7

Ia ni sa yacovi kemuni na i vakatakilakila oqo, mo ni cakava ga na ka sa liutaki kemuni kina na Kalou mo ni kitaka.