Josua 1:4 - Vakavakadewa Vou kei na iVola tale eso

⁴ Na i yalayala ni nomuni vanua e tekivu mai na vanua lala ena ceva ki na veiulunivanua o Lepanoni ena vualiku. Mai na uciwai levu na Uferetisi ena tokalau, ka takosova na nodra vanua na Itaiti me yaco ki na Wasa Meditereni ena yasana ki na ra.

Ai Vola Tabu (Vakadewa Makawa Vakavoutaki 2021)

⁴ Me vakatekivu mai na vanua lala, mai Lepanoni talega oqo, ka yacova na uciwai levu, na uciwai ko Uferetisi, na nodra vanua kecega na Itaiti, ka yacova na Wasa Levu talega sa donuya nai dromudromu ni mata-ni-siga, sa na kenai yalayala ni nomuni vanua.

AI VOLA TABU

⁴ Me vakatekivu mai na lekutu, mai na Lipanoni o qo talega, ka yacova na uciwai levu, na uciwai ko Uferetisi, na nodra vanua kecega na luve i Eci, ka yacova na wasawasa levu talega sa donuya nai dromudromu ni siga, nai yalayala ni nomudou vanua.

Vakavakadewa Makawa

⁴ Me vakatekivu mai na vanua liwa, mai Lepanoni talega oqo, ka yacova na uciwai levu, na uciwai ko Uferetisi, na nodra vanua kecega na Itaiti, ka yacova na wasawasa levu talega sa donuya nai dromudromu ni mata-ni-siga, sa na kenai yalayala ni nomuni vanua.

Ai Vola Tabu Ena Vakavakadewa Vou

⁴ Na i yalayala ni nomuni vanua e tekivu mai na vanua lala ena ceva ki na veiulunivanua o Lepanoni ena vualiku. Mai na uciwai levu na Uferetisi ena tokalau, ka takosova na nodra vanua na Itaiti me yaco ki na Wasa Meditereni ena yasana ki na ra.

Josua 1:4 Iomraidhean Croise

1 Tui 10:29

Me vaka ni rawa ni voli mai Ijipita na qiqinivalu ena 600 na tiki ni siliva ka i sau ni dua na ose e 150 na tiki ni siliva, era a volivolitaki kina na dauveivoli ni tui vei ira na nodra tui na kai Itaiti kei na nodra tui na kai Siria.

1 Tui 4:21

A lewai ira na veimatanitu kecega o Solomoni me vakatekivu mai na uciwai na Uferetisi ka yaco ki na nodra vanua na kai Filisitia, yaco ki na i yalayala kei Ijipita; era a kauta mai na veika lavaki, i colacola, ka qaravi Solomoni ena gauna kece a bula kina o koya.

1 Veigauna 18:3

A tarava oqo na nona valuti Etareseri na tui Sopa o Tevita, ka yacova na vanua o Emaci, ka vuna oqo ni a tovolea tiko o Etareseri me lewa na vanua e muria na muana i cake ni uciwai na Uferetisi.

1 Veigauna 5:9

A sa levu sara na nodra qele ni manumanu ena vanua o Kiliati, ka ra a mani tawana yani na vanua vaka ki na tokalau me yaco sara ki na vanua dravuisiga, ka qai tete yani ki na uciwai na Uferetisi.

Esera 4:20

Era sa veiliutaki oti ena yasana kece ni Ra ni Uferetisi e vuqa na tui kaukauwa ka qaqa, ka ra sa kumuna na i vakacavacava kei na i lavo ni matanitu.

Lako Yani 23:31

Au na yalana na nomuni yalayala ni vanua mai na Wasa Damudamu ka yaco ki na nodra wasawasa na kai Filisitia, mai na veikau bula ki na uciwai na Uferetisi, ia ka'u na soli ira na lewenivanua oqo vei kemuni ka o ni na vakasavi ira mai na matamuni.

Vakarua 1:7

Ni biuta na vanua oqo ka lako yani ena nomuni lakolako; mo ni lako yani ki na nodra vanua veidelana na Amoraiti kei na veivanua vakavolivolita — ki na Buca na Joritani, ki na veidelana kei na vanua lolovira, ena vanua vaka ki na ceva kei na vanua baravi ni Meditereni. Ni lako yani ki na nodra vanua na kai Kenani kei Lepanoni, ka me la'ki yaco sara ki na uciwai levu na Uferetisi.

Vakarua 11:24

Na vanua kecega ena butuka na qeteqete ni yavamuni o ni na taukena. Na nomuni vanua ena tekivu sara mai na vanua lala ena ceva ka yaco sara ki na Ulunivanua o Lepanoni ena vualiku, ka na tekivu mai na uciwai na Uferetisi mai na tokalau ka yaco sara ki na ra ni Wasa Meditereni.

Vakarua 3:25

Mo ni vakatara mada Jiova me'u kosova na uciwai na Joritani ka raica na vanua bulabula ena tai kadua, na kena vanua veidelana rairai vinaka kei na veiulunivanua e Lepanoni.”

Vakatakila 9:14

A sa kaya na domo o ya vua na i kaono ni agilosi, “Sereki iratou na agilosi e va e ratou sa vesu tu ena uciwai levu na Uferetisi!”