Josua 1:15 - Vakavakadewa Vou kei na iVola tale eso

¹⁵ me yacova sara ni ra sa taukena na vanua ena tai kadua ni Joritani, na vanua sa solia o Jiova na nomuni Kalou. Ni sa solia vei ira kecega na veimataqali i Isireli o Jiova me ra tiko vinaka ka vakacegu mai na i valu, mo ni qai lesu tale mai ki na tai oqo ni Joritani na vanua ka solia vei kemuni o Mosese na tamata ni Kalou.”

Ai Vola Tabu (Vakadewa Makawa Vakavoutaki 2021)

¹⁵ me vakacegui ira mada ko Jiova na wekamuni, me vakataki kemuni, ka me ra taukena talega na vanua sa solia vei ira ko Jiova na nomuni Kalou. Kemuni na qai lesu ki na vanua kemuni sai taukei kina, ka taukena, o koya sa solia vei kemuni ko Mosese na tamata ni Kalou ko Jiova, e na tai ni Joritani oqo, sa donuya nai cadracadra ni mata-ni-siga.”

AI VOLA TABU

¹⁵ me cakavi ira oti mada ko Jiova na wekamudou me ra vakacegu, me vakai kemudou, ka taukena talega ko ira na vanua sa solia vei ira ko Jiova na nomudou Kalou: dou na qai lesu ki na vanua dou sai taukei kina, ka dou na taukena, a ya sa solia vei kemudou ko Mosese nai talatala i Jiova, e na tai o qo ni Joritani, sa qarava nai cadracadra ni siga.

Vakavakadewa Makawa

¹⁵ me vakacegui ira mada ko Jiova na wekamuni, me vakataki kemuni, ka me ra taukena talega na vanua sa solia vei ira ko Jiova na nomuni Kalou: kemuni na qai lesu ki na vanua kemuni sai taukei kina, ka taukena, o koya sa solia vei kemuni ko Mosese nai talatala i Jiova, e na tai ni Joritani oqo, sa donuya nai cadracadra ni mata-ni-siga.

Ai Vola Tabu Ena Vakavakadewa Vou

¹⁵ me yacova sara ni ra sa taukena na vanua ena tai kadua ni Joritani, na vanua sa solia ko Jiova na nomuni Kalou. Ni sa solia vei ira kecega na veimataqali i Isireli ko Jiova me ra tiko vinaka ka vakacegu mai na i valu, mo ni qai lesu tale mai ki na tai oqo ni Joritani na vanua ka solia vei kemuni o Mosese na tamata ni Kalou.”

Josua 1:15 Iomraidhean Croise

1 Korinica 12:26

Kevaka sa rarawa e dua na tiki ni yago, era sa rarawa vata kaya na veitikina kecega; kevaka sa dokai e dua na tikina, era sa reki vata kaya na veitikina kecega.

1 Korinica 13:5

sa sega ni viavialevu se daucakava na ka tawa kilikili se daunanumi koya vakataki koya na loloma; sa sega ni daukatona na veika ca na loloma;

Kalatia 5:13

O ni a sa kacivi, na wekaqu, mo ni galala, mo ni qai kakua ni vakayagataka na nomuni galala me lewai kemuni kina na nomuni gagadre vakayago, ia mo ni veivukei tikoga ena loloma.

Kalatia 6:2

Ni veivuketaka na nomuni i colacola, ka mo ni vakayacora sara kina na i vunau i Karisito.

Vakarua 3:18

Ena gauna talega o ya, au a solia kina vei ira na i vakaro oqo: “Sa solia vei kemuni na vanua oqo ena tokalau ni Joritani o Jiova na nomuni Kalou, mo ni taukena. Ia oqo mo ni vakaiyaragitaki ira na nomuni tamata ni vala ka talai ira yani ki na tai kadua ni Joritani, liutaki ira yani na Isireli, ka vukei ira me ra taukena na nodra vanua.

Vakarua 3:20

Mo ni vukei ira na wekamuni me ra tawana na vanua sa solia tiko vei ira o Jiova ena ra ni uciwai na Joritani me yacova sara ni sa solia o Jiova me ra tiko vakacegu. Ni oti o ya sa qai rawa mo ni lesu tale mai ki ke, na vanua au sa wasea oti vei kemuni.”

Vakarua 9:1

“Mo ni rogoca mada na Isireli! E daidai o ni sa na qalo kosova kina na uciwai na Joritani ka la'ki taukena na nodra vanua na veimatanitu lelevu ka kaukauwa cake mai vei kemuni, na veikoro lelevu ka cere ki lagi na kedra bai.

Filipai 2:4

Me ra kakua ni dui nanuma ga na tamata yadua na veika e baleti ira, ia me ra dau nanuma talega na veika e baleti ira na tani.

Josua 1:1

Ni sa mate na tamata ni Kalou o Mosese, sa qai vosa o Jiova vei Josua na luve i Nuni, na i vukevuke i Mosese, ka tukuna,

Josua 1:14

Me ra tiko ga ena tokalau ni Joritani, ena vanua ka sa solia vei kemuni o Mosese o ira na watimuni, na luvemuni, kei ira na nomuni manumanu. Ia o ira na nomuni sotia me ra vakaiyaragi ni vala, ka liutaki ira yani na vo ni veimataqali ni Isireli. Ia mo ni vukei ira na wekamuni

Josua 1:16

Era sa qai tukuna vei Josua, “Keimami na vakayacora na veika kece o ni sa vakaroti keimami kina, ka lako talega ki na veivanua o ni na talai keimami kina.

Josua 22:1

Sa qai kacivi ira vata na lewe ni mataqali i Rupeni, Kata kei na veimama ni mataqali i Manasa o Josua.