Josua 1:1 - Vakavakadewa Vou kei na iVola tale eso

¹ Ni sa mate na tamata ni Kalou o Mosese, sa qai vosa o Jiova vei Josua na luve i Nuni, na i vukevuke i Mosese, ka tukuna,

Ai Vola Tabu (Vakadewa Makawa Vakavoutaki 2021)

¹ Sa mate ko Mosese na tamata ni Kalou ko Jiova, sa qai vosa ko Jiova vei Josua na luve i Nuni, o koya ka dauqaravi Mosese, ka kaya,

AI VOLA TABU

¹ IA ni sa mate oti ko Mosese nai talatala i Jiova, sa qai vosa ko Jiova vei Josua na luve i Nuni, o koya ka dauqaravi Mosese, ka kaya,

Vakavakadewa Makawa

¹ Sa mate ko Mosese nai talatala i Jiova, sa qai vosa ko Jiova vei Josua na luve i Nuni, o koya ka dauqaravi Mosese, ka kaya,

Ai Vola Tabu Ena Vakavakadewa Vou

¹ Ni sa mate na tamata ni Kalou o Mosese, sa qai vosa ko Jiova vei Josua na luve i Nuni, na i vukevuke i Mosese, ka tukuna,

Josua 1:1 Iomraidhean Croise

1 Tui 19:16

ka lumuti Jeu na luve i Nimesai me tui Isireli; ka lumuti Ilaisa na luve i Safati na kai Epelimeola me parofita me kemu i sosomi.

2 Tui 3:11

A sa kaya o Josefati, “Sa sega beka ni dua na parofita i Jiova me da taroga kina na lomana?” A vosa mai e dua na nona tamata na tui Isireli, ka kaya, “Sa tiko eke o Ilaisa na luve i Safati, ka i vukevuke i Ilaijia.”

Niemaia 8:17

Era a dui tara vale tabanikau kece sara ga o ira era a lesu mai na kau vakavesu, ka ra dui tawana. Era a sega tu ni bau cakava na ka oqo me tekivu sara mai na gauna i Josua na luve i Nuni ka yacova na siga o ya. A levu vakaidina sara na nodra mamarau.

Lako Yani 24:13

E rau sa qai vakarau o Mosese kei Josua na nona i vukevuke, a sa vakatekivu me gole cake o Mosese ki na ulunivanua me sota kei na Kalou.

Tiko mai na Lekutu 11:28

Sa qai kaya o Josua na luve i Nuni, o koya na i vukevuke i Mosese, ka dua vei ira na nona tamata digitaki, “I Mosese na noqu turaga, mo ni tarovi rau!”

Tiko mai na Lekutu 12:7

Ia sa sega ni vakakina vei Mosese na noqu tamata; ni ka'u sa solia vua na veiliutaki vei ira kece na noqu tamata na Isireli.

Tiko mai na Lekutu 13:16

Oqo na yacadra na tamata ka talai ira o Mosese me ra la'ki yamata ka butu vanua. Sa qai veisautaka o Mosese na yaca i Osea na luve i Nuni me yacana o Josua.

Tiko mai na Lekutu 13:8

mai na mataqali Ifereimi, o Osea na luve i Nuni;

Luke 16:10

O koya sa dina ena ka lailai, ena dina talega ena ka levu; ia o koya sa sega ni dodonu ena ka lailai, ena sega ni dodonu talega ena ka levu.

Cakacaka 7:45

E muri, ni sa dewa mai na valelaca vei ira na noda qase era sa qai kauta tiko mai ni ra sa lako vata mai kei Josua ena nodra sa mai tawana na nodra vanua na veimatanitu ka a sa vakasavi ira na Kalou ena nodra sa toso tiko mai na noda qase. Ia sa mani mai tiko ga e kea me yacova na gauna i Tevita.

Roma 1:1

Oqo na i vola i Paula, na dauveiqaravi ka i apositolo i Jisu Karisito, o koya sa lesi ka kacivi mai vua na Kalou me vunautaka na nona i Tukutuku Vinaka.

Vakarua 1:38

Vakayaloqaqataki Josua na luve i Nuni na nomu i vukevuke ni na liutaki ira na Isireli, o koya, me ra la'ki taukena na vanua.’

Vakarua 31:23

A sa qai vosa vei Josua na luve i Nuni o Jiova, “Mo kaukauwa ka qaqa. O na liutaki ira na Isireli ki na vanua au sa yalataka vei ira, ia au na tiko vata ga kei iko.”

Vakarua 31:3

Ia o Jiova na nomuni Kalou ena liu e matamuni me vakarusai ira na veimatanitu era tu e kea, me na rawa kina vei kemuni mo ni la'ki tawana na nodra vanua; ia o Josua ena liutaki kemuni, me vaka sa tukuna o Jiova.

Vakarua 33:1

Sai koya oqo na vosa ni veivakalougatataki a cavuta o Mosese, na tamata ni Kalou, vei ira na Isireli ni bera ni mate yani.

Vakarua 34:12

A sega talega ni dua na parofita me cakava rawa na veika lelevu ka vakarerevaki me vaka sa cakava o Mosese ena matadra kecega na Isireli.

Vakarua 34:5

A mate mai kea o Mosese; ena vanua o Moapi me vaka na ka a kaya o Jiova.

Vakarua 34:9

Ia o Josua na luve i Nuni sa sinai ena yalomatua ka ni a digitaki koya o Mosese me kena i sosomi. Era a talairawarawa na Isireli vei Josua ka muria na i vakaro i Jiova ka solia vei ira o Mosese.

Vei Taito 1:1

Mai vei Paula, na dauveiqaravi ni Kalou ka i apositolo i Jisu Karisito. Au sa digitaki ka talai me'u vukea na kena tara cake na nodra vakabauta na tamata digitaki ni Kalou ka vakavulici ira ena i vakavuvuli dina ni noda lotu,

Jemesa 1:1

Mai vei Jemesa, na dauveiqaravi ni Kalou kei na Turaga o Jisu Karisito: Au sa veikidavaki yani vei kemuni na yavusa e tinikarua o ni dui veiseyaki tu e vuravura:

Josua 1:15

me yacova sara ni ra sa taukena na vanua ena tai kadua ni Joritani, na vanua sa solia o Jiova na nomuni Kalou. Ni sa solia vei ira kecega na veimataqali i Isireli o Jiova me ra tiko vinaka ka vakacegu mai na i valu, mo ni qai lesu tale mai ki na tai oqo ni Joritani na vanua ka solia vei kemuni o Mosese na tamata ni Kalou.”

Josua 1:2

“Sa mate o Mosese na noqu tamata. Mo tu vakarau, o iko kei ira kece na Isireli mo ni takosova na Uciwai na Joritani ka lako ki na vanua au na solia vei ira.

Josua 12:6

E a rawai rau na tui oqo o Mosese kei ira na Isireli. A sa qai solia na vanua oqo o Mosese na tamata ni Kalou vei ira na mataqali i Rupeni, Kata kei na veimama ni mataqali i Manasa, me ra taukena.

Vakatakila 1:18

Oi au o koya sa bula! Au a sa mate, ia oqo ka'u sa bula tikoga ka tawamudu. Sa tu talega vei au na kaukauwa ni kena lewai o mate kei na vuravura ni mate o etesi.