Jona 4:2 - Vakavakadewa Vou kei na iVola tale eso

² A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Ai Vola Tabu (Vakadewa Makawa Vakavoutaki 2021)

² A sa masu vei Jiova, ka kaya, “Kemuni Jiova, sai koya ga oqo ka'u a kaya ni'u a tiko e na noqu vanua, se segai? Sai koya talega oqo ka'u a dro vakatotolo kina ki Tasisi; ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

AI VOLA TABU

² A sa masu vei Jiova, ka kaya, I Jiova, sai koya ga o qo kaʼu a kaya niʼu a tiko e na noqu vanua, se segai? sai koya talega o qo kaʼu a dro vakasauri kina ki Tarisisi: niʼu a kila ko sa Kalou daulomasoli, ka yalololoma, sa cudru malua, ka dauyalovinaka, a sa dauveivutuni e na vuku ni ca.

Vakavakadewa Makawa

² A sa masu vei Jiova, ka kaya, Kemuni Jiova, sai koya ga oqo ka'u a kaya ni'u a tiko e na noqu vanua, se segai? sai koya talega oqo ka'u a dro vakatotolo kina ki Tasisi: ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

Ai Vola Tabu Ena Vakavakadewa Vou

² A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Jona 4:2 Iomraidhean Croise

1 Tui 19:4

A lako tu o koya me bogi dua e loma ni veikau, a yaco yani, ka la'ki tiko sobu ena dua na vu ni junipa, a kerea o koya me mate yani, ka kaya, “Kemuni Jiova, sa rauta oqo; mo ni vakaotia na noqu bula, ni'u sa sega ni vinaka cake mai vei ira na noqu qase.”

NA SAME 103:8

Sa yalododonu ka dau lomasoli o Jiova, Sa berabera ni cudru ka sa sinai ena loloma tudei.

NA SAME 145:8

Sa yalovinaka ka dau mataloloma o Jiova; Sa dau berabera ni cudru ka sa sinai ena loloma tudei.

NA SAME 78:38

Ia, sa yalololoma ga na Kalou vei ira na nona tamata. A sa vosota na nodra i valavala ca, Ka sa sega ni vakarusai ira. Sa dau vakavuqa me tarovi koya me kakua ni cudru, Ka sa lewai koya vinaka me sega ni cudru vakalevu sara.

NA SAME 86:15

Ia, oi kemuni na Turaga, o ni sa Kalou yalololoma ga ka dau yalololoma, O ni sa dau berabera ga ni cudru ka sa sinai sara ena loloma tudei kei na yalodina.

NA SAME 86:5

O ni sa vinaka ka dau veivosoti Turaga, O ni sa sinai ena loloma tudei vei ira kece era masuti kemuni.

NA SAME 90:13

A cava so na kena dede o ni na qai gole lesu mai? Ni lomani ira na nomuni dauveiqaravi!

Lako Yani 32:14

Ia o Jiova e sa qai veisautaka na lomana ka sega ni vakayacora vei ira na nona tamata na veika ca ka rerevaki e sa kaya oti me cakava.

Jeremaia 18:8

Ia e qai biuta na matanitu o ya na nona i tovo ca, au sa na veisautaka na lomaqu me baleta na ka au a tukuna me'u na cakava.

Jeremaia 20:7

Kemuni na Turaga, O ni sa vakaisini au, Ka'u sa veidabuitaki. O ni sa kaukauwa cake vei au, Ka vakamalumalumutaki au. Era sa vakalialiai au Na tamata kecega; Era sa dredrevaki au Ena loma ni siga taucoko.

Jeremaia 26:13

O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Jeremaia 42:10

Kevaka o ni via tiko ga ena vanua oqo, au sa na tarai kemuni cake, ka sega ni talaraki kemuni sobu. Au sa na tei kemuni ka sega ni cavuraki kemuni tani. Au sa rarawa sara ena vuku ni veivakarusai au a kauta mai vei kemuni.

Emosi 7:3

A sa veisautaka o Jiova na lomana, ka kaya, “Na veika o sa raica ena sega ni yaco.”

Emosi 7:6

A sa veisautaka tale na lomana o Jiova, ka kaya, “Ena sega talega ni yaco na ka oqo.”

Jona 1:3

Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeini. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeini, me na tiko yawa sara mai vei Jiova.

Jona 3:10

A sa raica na Kalou na ka era sa vakayacora; a sa raica ni ra sa biuta tani na nodra i valavala vakasisila. Sa qai mani veisautaka kina na lomana ka sega ni cudruvi ira me vaka sa kaya oti ni na vakayacora.

Jona 3:9

De sa na veisautaka kina na lomana na Kalou; de sa na oti beka kina na nona cudruvi keda, ka da na qai sega ni mate!”

Maika 7:18

I Jiova, sa sega tale ni dua na kalou me vakataki kemuni; o ni sa vosota na nodra i valavala ca na nomuni vo-ni-bula era sa vakabulai. O ni sa sega ni cudru tikoga me tawa mudu, ia o ni sa marautaka ga mo vakaraitaka vei keimami na nomuni loloma sa sega ni yalani.

Luke 10:29

Ia ni sa via vakadonui koya vakai koya ga, sa qai kaya vei Jisu, “Ia o cei na kai noqu?”

Vakarua 4:31

Ni sa Kalou dauloloma o Jiova na nomuni Kalou, ena sega ni laivi kemuni, vakarusai kemuni, se, guilecava na veiyalayalati a cakava kei ira na nomuni qase.