Jona 1:3 - Vakavakadewa Vou kei na iVola tale eso

³ Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeini. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeini, me na tiko yawa sara mai vei Jiova.

Ai Vola Tabu (Vakadewa Makawa Vakavoutaki 2021)

³ Ia sa qai cavu tu ko Jona me dro ki Tasisi mai na mata i Jiova, ka sa lako sobu ki Jopa. A sa kunea e dua na waqa sa vakarau ki Tasisi; ka sa solia na nona i vodovodo, ka la'ki vodoka, ka me soko vata kei ira ki Tasisi mai na mata i Jiova.

AI VOLA TABU

³ Ia ka sa tu cake ko Jona me dro ki Tarisisi mai na mata i Jiova, a sa lako sobu ki Yafa; a sa kunea e dua na waqa sa soko ki Tarisisi: a sa solia nai lavo me nona vodovodo, ka laʼki vodoka, ka me lako kei ira ki Tarisisi mai na mata i Jiova.

Vakavakadewa Makawa

³ Ia ka sa cavu tu ko Jona me dro ki Tasisi mai na mata i Jiova, ka sa lako sobu ki Jopa; ka sa kunea e dua na waqa sa vakarau ki Tasisi: ka sa solia na nonai vodovodo, ka la'ki vodoka, ka me soko vata kei ira ki Tasisi mai na mata i Jiova.

Ai Vola Tabu Ena Vakavakadewa Vou

³ Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeni. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeni, me na tiko yawa sara mai vei Jiova.

Jona 1:3 Iomraidhean Croise

Josua 19:46

Mejarikoni, kei Rakoni ena i yalayala ka veibasai kei Jopa.

Vakatekivu 4:16

A sa lako tani yani o Keni mai na mata i Jiova, ka la'ki tiko ena vanua o Noti, [a kena i balebale, “Veilakoyaki”] ena tokalau kei Iteni.

Cakacaka 9:36

E a tiko mai na koro o Jopa e dua na yalewa vakabauta, o Tavaita na yacana. (Na yacana ena vosa Vakirisi o Tokasa, ka kena i balebale, ‘e dua na dia.’) Sa dau vakaogai koya ena veicakacaka vinaka kecega kei na nona dau vukei ira na vakaloloma.

Cakacaka 9:43

E a mani tiko voli mai Jopa ena dua toka na gauna balavu o Pita vata kei na dua na daucaka kuli-ni-manumanu ka yacana o Saimoni.

Jona 4:2

A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Aisea 23:6

Ni lako yani ki Tasisi, Ka mo ni tagi na vakaitikotiko ena baravi.

Aisea 23:1

Oqo e dua na i tukutuku baleti Taia. Mo ni vakaisaisa ka tagi na dausoko ni Tasisi, Ni sa vakarusai na nomuni i kelekele ni waqa, Ka sa ca na kena toba kei na kena veivale. Ni sa na lesu mai na nomuni waqa mai Saipurusi, O ni sa na qai kila na kena i tukutuku.

1 Tui 19:3

A sa rere o Ilaijia, ka dro yani me bula; a sa kauta yani na nona cauravou ka lako i Perisepa mai Juta, ka biuta e kea na nona cauravou.

2 Cesalonaika 1:9

Sa nodra i totogi me ra vakarusai ka tawasei tani mai na mata ni Turaga kei na nona kaukauwa vakaiserau ka tawamudu.

1 Korinica 9:16

Kevaka au sa vunautaka na i tukutuku vinaka, oqori sa sega ni ka me'u boletaki au kina, ia ka'u sa vakacolati kina, ni sa noqu i tavi ga oqo. Au na kalouca kevaka au sa sega ni vunautaka na i tukutuku vinaka!

Cakacaka 26:19

“O koya oqo, kemuni Akariva, na tui, au a sega ni talaidredre kina ki na raivotu sa vakaraitaki vei au mai lomalagi.

Isikeli 27:12

“Sa dauveivoli kei iko na koro o Tasisi, ena vuku ni nomu i yau levu, ena kedra veimataqali kecega; na siliva, na kaukamea, na tini kei na uma, era mai veivoli ka veisautaka kei na nomu i yau.

Aisea 23:10

Kemuni na kai Tasisi ni la'ki teivaka na nomuni vanua. Ni sa sega tale ni dua me taqomaki iko.

Jope 1:12

A qai kaya vei Setani o Jiova, Sa vinaka, mo vakayacora ki na nona i yau na ka ga o via cakava kina. Ia mo kakua ga ni vakamavoataka na yago i Jope. Oti o ya, a qai lako yani o Setani.

2 Veigauna 2:16

ia keimami na taya na kau kece o ni vinakata mai Lepanoni, ka na vakaciriciritaki yani me vaka na bilibili ena wasawasa ki Jopa; ia ena qai nomu i tavi na kena kau cake yani ki Jerusalemi.

Cakacaka 15:38

Ia sa nanuma o Paula ni sega ni dodonu me rau kauti koya, baleta ni a sega ni vakaotia vata kei rau na nodrau veiqaravi ni veivakalotutaki taumada, ia sa vuki ga ka biuti rau mai Pamifilia.

Luke 9:62

Sa qai kaya vua o Jisu, “E sega ni dua sa taura na i siviyara ka qai rai tale tiko ki muri me veiganiti kei na matanitu ni Kalou.”

Isikeli 3:14

Sa qai laveti au cake na Yalo ni Kalou ka kauti au yani. Au a lako ga ena rarawa bibi ni lomaqu kei na katakata ni yaloqu, ni sa tauri au vakaukauwa na liga i Jiova.

Aisea 60:9

Sa i ira oqori na waqa era lako mai na veivanua yawa, Era kauti ira mai na tamata ni Kalou ki na nodra vanua. Era sa kauta vata mai kei ira na siliva kei na koula Me vakarokorokotaki kina na yaca i Jiova Na Kalou Yalo Savasava ni Isireli, O koya sa cakava me ra dokai ira Na nona tamata na veimatanitu kece.

Aisea 2:16

Ena vakadromuca na waqa kecega ni Tasisi, Kei na i yaya kecega e gadrevi ka dau divi.

Jope 2:7

A qai lako tani o Setani mai na mata i Jiova, ka la'ki vakatauva vei Jope na vidikoso me robota kece sara ga na yagona, mai na qeteqete ni yavana ki buradelana.

1 Tui 19:9

A la'ki curuma o koya e dua na qara vatu mai kea ka moce kina. E ka ni kidacala ni sa vosa vua o Jiova, “A cava o cakava tiko eke, Ilaijia?”

Vakatekivu 3:8

Ena yakavi, ni mudremudre vinaka na cagi, erau a qai rogoca ni lako voli na Kalou o Jiova ena loma ni teitei. E rau a qai vunitaki rau ena veikau.

Cakacaka 9:38

E sega soti ni yawa o Jopa mai Lita. Ia ni ra sa rogoca na tisaipeli ni tiko kina o Pita, era sa mani vakatala vua e rua na tamata me rau la'ki kerea me lako mada yani vakatotolo vei ira.

Cakacaka 9:42

Sa mani tetevi Jopa taucoko na kena i tukutuku, ka ra sa lewe vuqa era vakabauta kina na Turaga.

Esera 3:7

Era sa soli i lavo na tamata me kedra i sau na daubuli vatu ni vale kei ira na matai, ka ra solia na kakana, na gunu, kei na waiwai vei ira na kai Taia kei Saitoni me veivoli vata kei na kau sitari mai Lepanoni, ka me vakauti mai ki Jopa oqo ena sala vaka ki wasawasa. A sa vakayacori na veika oqo ena veivakadonui nei Sairusi na Tui Perisia.

NA SAME 107:23

Eso era veisokoyaki e wasawasa ena waqa, Ka ra sa qarava na veika me ra bula kina ena nodra veisokoyaki voli;

Jeremaia 10:9

Sa vakaiukuuku na nodra veimatakau Ena siliva mai Tasisi, Kei na koula mai Ufasi, Era sa cakacaka ni ligadra kecega na matai Kei na dautuki kaukamea. Era sa vakaisulu ena i sulu karakarawa Kei na i sulu lokaloka, Era talia na dautalitali.

Jona 1:10

A sa vakuria o Jona ni sa tukuna vei ira na nona a dro tani tiko mai vei Jiova. Era sa qai rere vakalevu sara na kaimua ka kaya vua, “Sa dua na ka rerevaki o sa cakava!”

2 Veigauna 2:15

Ia oqo, me vakauti mai vei ira na nomuni tamata na witi, na barile, na waiwai olive, kei na waini me vaka na nomuni vosa na noqu turaga;

2 Veigauna 9:21

Era a dau soko ki Tasisi na nona waqa na tui kei ira na tamata mai Irami; era a dau vakaiusana mai na waqa eso mai Tasisi ena veiyabaki tolu ka ra kauta mai na koula, na siliva, na ivori, na maqe eso, kei na pikoki.

Isikeli 2:8

“Ia o iko na luve ni tamata, mo rogoca na ka au sa kaya vei iko. Mo kakua ni talaidredre me vakataki ira. Dolava na gusumu ka kania na ka au na solia oqo vei iko.”