Joeli 3:17 - Vakavakadewa Vou kei na iVola tale eso

¹⁷ “Dou na qai kila Ni sai au o Jiova na nomudou Kalou, Au sa tiko mai Saioni, Na noqu ulunivanua tabu. Ena yaco o Jerusalemi me koro tabu Era na sega ni taukena tale na vulagi.

Ai Vola Tabu (Vakadewa Makawa Vakavoutaki 2021)

¹⁷ Dou na qai kila kina ni sai au, ko Jiova na nomudou Kalou ka tiko mai Saioni, na noqu ulunivanua tabu. Ena qai tabu ko Jerusalemi, ka na sega tale na kai tani me lako voli kina.

AI VOLA TABU

¹⁷ Dou na qai kila kina ni sai au ko Jiova na nomudou Kalou sa tiko mai Saioni, na noqu ulu-ni-vanua tabu: ena qai tabu ko Jerusalemi, ka sega na kai tani me na lako voli tale kina.

Vakavakadewa Makawa

¹⁷ Dou na qai kila kina ni sai au ko Jiova na nomudou Kalou ka tiko mai Saioni, na noqu ulu-ni-vanua tabu: ena qai tabu ko Jerusalemi, ka na sega tale na kai tani me lako voli kina.

Ai Vola Tabu Ena Vakavakadewa Vou

¹⁷ “Dou na qai kila Ni sai au ko Jiova na nomudou Kalou, Au sa tiko mai Saioni, Na noqu ulunivanua tabu. Ena yaco o Jerusalemi me koro tabu Era na sega ni taukena tale na vulagi.

Joeli 3:17 Iomraidhean Croise

Jope 15:19

Ia me vaka ni sega sara na kai tani e a bau tu ena nodra vanua, Sa mani sega kina ni dua e vagolei ira tani mai vua na Kalou.

NA SAME 76:2

Sa tiko na nona i tikotiko e Jerusalemi Sa tiko mai na ulunivanua o Saioni.

NA SAME 9:11

Ni sere ni vakavinavinaka vei Jiova, o koya sa tiko mai Saioni. Tukuna vei ira na veimatanitu kecega na veika sa cakava o koya.

Lako Yani 16:12

“Au sa rogoca na nodra vosa kudrukudru na Isireli. Mo tukuna vei ira ni ra na kana lewe ni manumanu ena yakavi, ka vakarautaki ena mataka na madrai ena kena levu ga era vinakata. Era na qai kila kina ni sai au o Jiova na nodra Kalou.”

Aisea 11:9

Era na sega ni mavoa se vakarusai O ira kece era tiko ena noqu ulunivanua tabu. Ena sinai o vuravura ena kila-ka me baleti Jiova Me vaka sa robota na wasawasa na waitui.

Aisea 12:6

Kemuni kece mai Saioni, ni kaila ena masu! Sa cecere na nodra Kalou savasava na Isireli, Ka tiko voli kei ira na nona tamata.”

Aisea 35:8

Ena tu e dua na gaunisala levu e kea, Ka na vakatokai na Sala ni Yalo Savasava. Ena sega na tamata i valavala ca, E muri ena sala oqo, Ka na sega na lialia me vakasesei ira era lako kina.

Aisea 4:3

O ira yadua sa digitaki ira na Kalou ka ra vo tu e Jerusalemi era na vakatokai me ra savasava.

Aisea 46:13

Au sa kauta vakavoleka mai na siga ni qaqa, Io, sa sega sara ni yawa. Ena sega ni vakaberaberataki na noqu qaqa. Au na vakabulai Jerusalemi, Ka kauta mai na noqu lagilagi e kea vei Isireli.”

Aisea 52:1

I Jerusalemi, mo yadra mai! Vakaukauwataki iko tale mada Ka daramaka na nomu i sulu lagilagi. Era na sega ni curu tale mai ena kemu matamata, O ira na tawa cili kei ira era sega ni kila na Kalou.

Aisea 56:7

“Au na kauti kemuni mai ki noqu ulunivanua tabu, Ka solia vei kemuni na reki ena noqu vale ni masu. Na nodra i soro kama kei na i madrali Ka'u na vakadonuya ena noqu i cabocabonisoro; Na noqu vale ena vakatokai Me nodra vale ni masu na veimatanitu kecega.”

Jeremaia 31:23

A sa kaya na Turaga o Jiova ni lewevuqa, na nodra Kalou na Isireli, “Ena gauna au sa na vakalesui ira tale kina na tamata ki na nodra vanua, era na kaya tale ena vanua o Juta kei na kena veikoro. ‘Me vakalougatataka o Jiova Na ulunivanua tabu mai Jerusalemi, Na tikina tabu sa tiko kina.’

Jeremaia 31:40

Ia na buca kece sara ni yago ni mate, na dravusa kei na vanua taucoko ena dela ni uciwai na Kitironi me yaco sara ki na Matamata ni Ose vaka ki na tokalau ena vakatabui me nona na Turaga. Ena sega tale ni basuraki na koro oqo se vakarusai ena dua na gauna.”

Isikeli 20:40

Ia sa kaya na Kalou o Jiova, Era na qaravi au kece na mataqali i Isireli mai na noqu ulunivanua tabu mai na ulunivanua cecere ni Isireli; ka'u na vinakati ira mai kea, ka'u na kaciva talega mai kea na nomuni i solisoli i madrali, kei na i sevu kecega ni nomuni i loloma uasivi, kei na veika kecega o ni vakatabuya.

Isikeli 37:6

Au na vakatubura vei kemuni na ua kei na lewe, ka ubi kemuni ena kuli ni yagomuni. Au na qai ceguvi kemuni ena i cegu, ka vakalesuya vei kemuni na bula. O ni na qai kila kina ni sai au o Jiova.”

Isikeli 43:12

Raica, na i vunau ni Valenisoro: sa tabu sara na vanua e volita ena dela ni ulunivanua. Oqo na i vunau me baleta na Valenisoro.”

Isikeli 44:9

“O koya oqo, sa kaya kina vakaoqo na Kalou o Jiova: “Me kakua ni dua na kai tani sa tiko kei ira na Isireli, ka sega tu ni cilivi na yalona se na yagona, me curuma na noqu Tikina Tabu.

Isikeli 48:35

Ia na kena balavu vakavolivolita na koro me sa na 9,000 na mita. Ia na yaca ni koro me vakatekivu mai na siga o ya, o Jiova sama.

Taniela 11:45

Sa na birika na nona veivalelaca lelevu vakatui ena kedrau veimama na waitui kei na ulunivanua tabu ka lagilagi. Ia, ena mate o koya, ka na sega e vukei koya.”

Taniela 9:16

Oi kemuni o ni yalo dodonu, ia mo ni kakua soti ni qai cudruvi Jerusalemi tiko. Na koro o ya e nomuni, ia ena nomuni ulunivanua tabu. Era sa beci Jerusalemi o ira na lewe ni veivanua era volekata, ka ra beci keimami talega ena vuku ni neimami i valavala ca kei na veika ca era a cakava na neimami qase.

Joeli 2:27

Dou na qai kila ni'u sa tiko kei ira na Isireli, Sa i au ga o Jiova, ka'u sa nomudou Kalou, Ka sa sega tale e dua. Era na sega tale vakadua Ni vakamaduataki na noqu tamata.

Joeli 3:21

Au na cudruvaka na kedra dra, Au na sauma vei ira sa caka cala, Ni sai au o na Jiova, Ka'u sa tiko ena Ulunivanua o Saioni.

Maika 4:7

Era sa lokiloki ka ra tu yawa mai na nodra vanua, ia ka'u na tauyavutaki ira tale na vo-ni-bula ena dua na i tekitekivu vou. Au na qai liutaki ira ena Ulunivanua o Saioni mai na gauna o ya ka tawa mudu.”

Neumi 1:15

Raica, sa lako mai na i talai ka sa siro tiko mai na ulunivanua me mai kacivaka na qaqa! Kemuni na Juta, ni vakayacora na nomuni veisolevu tabu ka cabora vua. Era na sega tale vakadua ni kaba na nomuni vanua na tamata ca. Era sa vaqeyavutaki oti vakadua sara!

Sakaraia 8:3

Au na lesu tale mai ki Jerusalemi, na noqu koro tabu, me'u tiko kina. Ena vakatokai o Jerusalemi me koro yalodina, ka na vakatokai na ulunivanua i Jiova ni lewevuqa me ulunivanua tabu.

Vakatakila 21:27

Ia ena sega sara ni curu ki na koro levu oqo na veika sa tawa savasava, se na tamata sa kitaka na veika vakasisila se daulasulasu. O ira ga sa volai tu ena nona i Vola ni Bula na Lami era na curu ki na koro.