Joeli 3:12 - Vakavakadewa Vou kei na iVola tale eso

¹² Me ra yadra na veimatanitu, Ka lako sobu mai ena buca o Josefati; Mai kea, au na veilewaitaki ira Na veimatanitu kei na vanua sa volita.

Ai Vola Tabu (Vakadewa Makawa Vakavoutaki 2021)

¹² Me ra vakayadrati na lewe ni veimatanitu, me ra lako cake mai ki na buca i Josefati; ni ka'u na tiko mai kina me'u lewai ira na veimatanitu era tiko vakavolivolita.

AI VOLA TABU

¹² Me ra vakayadrati na lewe ni veimatanitu, me ra lako cake mai ki na buca i Josafati: ni sa maikea kaʼu na tiko me lewai ira na veimatanitu era tiko volita.

Vakavakadewa Makawa

¹² Me ra vakayadrati na lewe ni veimatanitu, me ra lako cake mai ki na buca i Jiosafati: ni ka'u na tiko maikina me'u lewai ira na veimatanitu era tiko vakavolivolita.

Ai Vola Tabu Ena Vakavakadewa Vou

¹² Me ra yadra na veimatanitu, Ka lako sobu mai ena buca o Josefati; Mai kea, au na veilewaitaki ira Na veimatanitu kei na vanua sa volita.

Joeli 3:12 Iomraidhean Croise

2 Veigauna 20:26

Ena i kava ni siga, era a qai soqoni vata yani ena Buca o Beraka ka vakalagilagi Jiova mai kea ena vuku ni veika a vakayacora. Sa i koya oqo na vuna sa vakatokai kina na tikina o ya me Buca o Beraka me yacova na siga oqo.

NA SAME 7:6

Me toro cake na nomuni cudru Jiova, Ka saqata na nodra cudru na noqu meca. Ni yadra mai ka vukei au, Baleta ni o ni sa dau vinakata na dodonu.

NA SAME 96:13

Ni sa lako mai o Jiova me vakatulewa e vuravura. Ena lewai ira na tamata kecega e vuravura Ena lewa dodonu ka vinaka.

NA SAME 98:9

Baleta ni sa lako mai o koya me lewai vuravura. Ena liutaki ira na tamata kecega e vuravura Ena yalododonu kei na lewa savasava.

Aisea 2:4

Ena vakatulewa vei ira na veimatanitu o koya. Era na tukitukia na nodra i seleiwau me bati ni siviyara, Kei na nodra moto me i sele ni sasamaki. Era sa na sega tale ni veivaluvaluti na veimatanitu, Se vakavakarau tale ki na i valu.

Aisea 22:1

Oqo e dua na i tukutuku baleta na Buca ni Raivotu. Tukuna mada mai na cava sa yaco? A cava era sa lako cake kece kina na tamata, Ki na veidelavuvu ni vale?

Aisea 3:13

Sa vakarau tukuna na ka e veibeitaki kina o Jiova; Ka sa vakarau lewai ira na veimatanitu.

Isikeli 30:3

Ni sa voleka mai na siga, io sa voleka mai na siga i Jiova; na siga butobuto ni o loaloa, na nodra gauna ni leqa rerevaki na veimatanitu.

Isikeli 39:11

Ia ena siga o ya, ka'u na solia vei Koki e dua na vanua me kemuni i bulubulu e Isireli, ena Nodra Buca na Vulagi Lako ena bati ni wasawasa vaka ki na tokalau. Sa latia na nodra sala na dauveilakoyaki, ia era na buluti Koki e kea kei na i soqosoqo levu; ka sa na vakatokai me yacana na Buca i Emikoki, o ya na i soqosoqo levu i Koki.

Joeli 3:14

Sa udolu vakaudolu Era sa tiko ena buca ni veicudruvi. Sa voleka ga na siga i Jiova Ena buca ni veicudruvi.

Joeli 3:2

ka'u na qai vakasoqoni ira vata na lewe ni veimatanitu ka kauti ira sobu ki na buca i Josefati, ka'u na qai veilewaitaki ira mai kea, ena vukudra na noqu tamata kei Isireli na noqu i votavota, baleta ni ra a dui biubiuti ira ena kedra veimama na veimatanitu, ka ra a veivotayaka na noqu vanua.

Maika 4:3

Ena walia o koya na nodra veileti na veivanua, Ena kedra maliwa sa matanitu rogo sa tu yawa. Era na tukia na nodra i seleiwau me bati ni siviyara, Kei na nodra moto me i sele ni sasamaki. Ena oti vakadua na veivaluvaluti ni veivanua, Me mudu vakadua na vakarautaki ni i valu.

Sakaraia 14:4

Ena gauna o ya ena qai tucake tu o koya ena ulunivanua ni Veiolive, ki na tokalau kei Jerusalemi. Ena qai kavida rua na Ulunivanua ni Veiolive, ka wasea e dua na qakilo bucabuca vakaitamera e tadola tu mai na tokalau ki na ra. Ena qai toso vaka ki na vualiku e dua na veimama ni ulunivanua, ka toso vaka ki na ceva na kena veimama ka dua.

Vakatakila 19:11

Au a qai raica ni sa tadola na lomalagi, ka'u sa raica e dua na ose vulavula. Sa vakatokai o koya sa vodoka tiko me o Yalodina ka Dodonu; ni sa yavutaki ga ena dina kei na dodonu na nona dauvakataulewa kei na nona vala voli ena i valu.