Joeli 2:32 - Vakavakadewa Vou kei na iVola tale eso

³² Ia mai muri, o koya yadua ena masuta na yaca i Jiova e bula: Io, ena ia na veivakabulai mai na ulunivanua o Saioni, kei Jerusalemi, me vaka sa kaya o Jiova. Io, vei ra sa vakabulai ena tiko kina eso au sa kaciva.

Ai Vola Tabu (Vakadewa Makawa Vakavoutaki 2021)

³² Ia ena yaco, ko koya yadua sa na masuta na yaca i Jiova, ena bula. Io, ena ia na veivakabulai mai na Ulunivanua ko Saioni, kei Jerusalemi, me vaka sa kaya ko Jiova, ka vei ira talega na kena vo sa na kacivi ira ko Jiova.

AI VOLA TABU

³² Ia ena yaco, o koya yadua ena masu ta na yaca i Jiova, ena bula: io, e na ulu-ni-vanua ko Saioni, kei Jerusalemi, ena ia na veivakabulai, me vaka ni sa kaya ko Jiova, vei ira talega na kena vo sa na kacivi ira ko Jiova.

Vakavakadewa Makawa

³² Ia ena yaco, ko koya yadua sa na masuta na yaca i Jiova, ena bula: io, ena ia na veivakabulai mai na ulu-ni-vanua ko Saioni, kei Jerusalemi, me vaka sa kaya ko Jiova, ka vei ira talega na kena vo sa na kacivi ira ko Jiova.

Ai Vola Tabu Ena Vakavakadewa Vou

³² Ia mai muri, o koya yadua ena masuta na yaca i Jiova e bula: Io, ena ia na veivakabulai mai na ulunivanua o Saioni, kei Jerusalemi, me vaka sa kaya ko Jiova. Io, vei ira sa vakabulai ena tiko kina eso au sa kaciva.

Joeli 2:32 Iomraidhean Croise

Vakatekivu 4:26

Sa sucu e dua na gonetagane na luve i Seci, ka vakatoka me yacana o Inosi. Mai na gauna o ya, era sa tekivu vakayagataka kina na yaca tabu i Jiova na tamata ena nodra sokalou.

NA SAME 50:15

Ni masu mai vei au ni sa yaco mai na leqa, Au na vakabulai kemuni, Ia o ni na qai vakacaucautaki au.”

Aisea 10:22

E dina ga ni ra lewe levu sara na Isireli me vaka na mataninuku ena matasawa, era na lewe lailai sara na vo-ni-bula era na lesu tale mai. Sa lewai me yaco na veivakarusai, ka sa dodonu ga me yaco vakakina.

Aisea 11:11

Ena siga o ya, ena vakayagataka tale na nona kaukauwa na Turaga me kauti ira lesu tale mai na vo-ni-bula vei ira na nona tamata mai Asiria, Ijipita, Pucirosi, Eciopea, Ilama, Saina, Emaci kei na veibaravi.

Aisea 11:16

Ena qai dua na gaunisala levu mai Asiria Me baleti ira na vo-ni-bula vei ira na nona tamata Me vakataki ira na nodra qase na Isireli Ena nodra biuta mai na vanua o Ijipita.

Aisea 4:2

Ena yaco mai na gauna ena vakatubura tale kina o Jiova na kau sa teivaki kei na vuanikau me ra lelevu ka rairai vinaka. O ira kece era vo tu e Jerusalemi era na marautaka ka cibitaka na kena vua ni qele.

Aisea 46:13

Au sa kauta vakavoleka mai na siga ni qaqa, Io, sa sega sara ni yawa. Ena sega ni vakaberaberataki na noqu qaqa. Au na vakabulai Jerusalemi, Ka kauta mai na noqu lagilagi e kea vei Isireli.”

Jeremaia 31:7

A sa kaya o Jiova, “Ni sere ena marau ena vuku i Isireli, Ka vakatudomo vei ira na tui ni veimatanitu. Ni laveti koya, ka vunau, ka tukuna, “I Jiova, ni vakabulai ira na nomuni tamata, Na vo-ni-bula ni Isireli.”

Jeremaia 33:3

Mo kaci mai vei au, ka'u na rogo yani vei iko, ka'u na tukuna vei iko na veika talei ka veivakurabuitaki o se sega ni bau kila.

Emosi 9:8

Oi au oqo, o Jiova ni lewevuqa, ka'u sa wanonova voli na matanitu i valavala ca oqo o Isireli, ka'u na vakarusa tani mai na dela i vuravura. Ia au na sega ga ni vaqeyavutaka vakadua na kawa i Jekope.

Opetaia 1:17

“Ia eso ga ena Ulu i Saioni era na dro bula, Ka yaco me vanua tabu na ulunivanua o ya. Era na taukena na kawa i Jekope Na vanua e dodonu me nodra.

Opetaia 1:21

O ira sa vakabulai era na cabe cake Ki na Ulunivanua o Saioni Me ra valuti Itomi ka lewa. Ena qai Tui ga vakai koya o Jiova.”

Maika 5:3

Ena qai biuti ira yani na nona tamata o Jiova vei ira na kedra meca me yacova ni sa sucu na luvena tagane na yalewa ka sa dodonu me vakasucu gone. Ni oti o ya, era sa na qai suka tale mai vei ira na dui wekadra o ira na Isireli era sa tiko vakabobula.

Sakaraia 13:9

Au na qai vakatovolei ira na dua na i katolu ni tamata sa vo, ka vakavoui ira me vaka na vakabutari ni siliva mai na bukawaqa. Au na vakatovolei ira me vaka na vakatovolei ni koula. Era na masu vei au ka'u na sauma na nodra masu. Au na tukuna vei ira ni ra sa noqu tamata, ka ra na vakadinadinataka ni'u sa nodra Kalou.”

Joni 10:16

Eso tale na noqu sipi era sa sega ni tiko ena bai oqo: sa dodonu me'u kauti ira tale mai, ka ra na vakarorogo ki na noqu vosa. Ena qai duabau ga na qele ni sipi, ka duabau ga na i vakatawa.

Joni 4:22

O ni sa lotu tiko vei koya o ni sega ni kila; keimami sa lotu vei koya keimami sa kila; ka ni na lako mai vei ira na kai Jutia na veivakabulai.

Cakacaka 15:17

Era sa na qai lako mai kina vei au o ira na kena vo ni tamata Kei ira na veimatanitu tani kecega; O ira au sa vakatoka me ra noqu.

Cakacaka 2:39

Ni a caka na vosa ni yalayala ni Kalou, vei kemuni kei ira talega na nomuni gone, kei ira kecega era tiko vakayawa, io vei ira kecega ena kacivi ira ki vua na Turaga na noda Kalou.”

Roma 11:26

Ia ena vakaoqo na nodra vakabulai kece na Isireli. Me vaka e kaya na i Vola Tabu, “Ena lako mai na i Vakabula mai Saioni, Ka na kauta laivi na ca kecega mai vei ira na kawa i Jekope.

Roma 11:5

E vaka talega kina ena gauna oqo: era sa vo tikoga na vo-ni-bula era lewe lailai ga, ka sa digitaki ira na Kalou ena nona loloma-savu.

Roma 11:7

Sa qai vakaevei? Era a sega ni kunea na Isireli na ka era a vakasaqara tiko. Era a kunea ga o ira na i lala lailai sa digitaki ira na Kalou; era sa yaco na kena vo me ra didivara ki na veikacivi ni Kalou.

Roma 9:24

Ni sai keda ga na tamata ka sa kaciva o koya, ka sega ni veikacivi walega mai vei ira na Jiu, ia mai vei ira talega na kai matanitu tani.

Roma 9:27

Sa kacivaka o Aisea na veika me baleti Isireli: “Kevaka sara mada ga era lewe levu me vaka na mata ni nuku ena matasawa o ira na Isireli, ia ena lewe vica ga vei ira na vo-ni-bula ena vakabulai;

1 Korinica 1:2

Ki na i soqosoqo lewenilotu ni Kalou mai Korinica, vei ira era sa tu vata kei Karisito ka ra sa vakasavasavataki me ra nona, vata kei ira kecega mai na veivanua kecega era sa dau masuta na yaca ni noda Turaga o Jisu Karisito, o koya sa nodra Turaga ka noda talega:

Iperiu 12:22

Ia oqo, o ni sa qai lako mai ki na Ulunivanua o Saioni kei na koro ni Kalou bula, o Jerusalemi vakalomalagi, kei ira na udolu vakaudolu na kena agilosi.