Joeli 2:3 - Vakavakadewa Vou kei na iVola tale eso

³ Sa liu vei ira na bukawaqa ka veivaqeavutaki; E dakudra talega na yameyame ni buka ka veivakamai; Sa koto e matadra na vanua sa tautauvata kei na i teitei o Iteni; Ia, e dakudra, na dravuisiga ka sega na ka e dro bula.

Ai Vola Tabu (Vakadewa Makawa Vakavoutaki 2021)

³ Sa kana voli e matadra na bukawaqa, e dakudra talega, sa caudre tu na yameyame ni bukawaqa. Sa vaka na were ko Iteni na vanua e matadra, ia e dakudra sa vanua lala sara, ena sega talega e bula rawa mai kina.

AI VOLA TABU

³ E matadra, sa kanakana tu na buka; e dakudra talega, sa caudre tu na yameyame ni buka: sa vaka na were ko Iteni na vanua e matadra, ia e dakudra, sa veikau lala sara; ena sega talega e bula rawa maikina.

Vakavakadewa Makawa

³ Sa kana voli e matadra na bukawaqa; e dakudra talega, sa caudre tu na yameyame ni bukawaqa: sa vaka na were ko Iteni na vanua e matadra, ia e dakudra, sa veikau lala sara; ena sega talega e bula rawa maikina.

Ai Vola Tabu Ena Vakavakadewa Vou

³ Sa liu vei ira na bukawaqa ka veivaqeavutaki; E dakudra talega na yameyame ni buka ka veivakamai; Sa koto e matadra na vanua sa tautauvata kei na i teitei o Iteni; Ia, e dakudra, na dravuisiga ka sega na ka e dro bula.

Joeli 2:3 Iomraidhean Croise

Vakatekivu 13:10

A sa veiraiyaki o Loti ka raica ni vanua suasua vinaka taucoko sa volita na Buca na Joritani me yaco sara ki Soa, ka sa vaka na i Teitei i Jiova se na vanua o Ijipita. (Oqo ena gauna a se bera ni vakarusai Sotoma kei Komora kina o Jiova.)

Vakatekivu 2:8

A sa qai tea na Kalou o Jiova e dua na i teitei mai Iteni, ena tokalau; a sa la'ki vakatikora kina na tamata e a bulia.

NA SAME 50:3

Sa lako tiko mai na noda Kalou, ia sa sega ga ni lako lo mai; Sa tu e matana na bukawaqa rerevaki Ka wavoliti koya na cava kaukauwa.

NA SAME 97:3

Sa liutaki koya yani na bukawaqa, Ka vakamai ira kece na kena meca era wavokiti koya.

Lako Yani 10:15

Era a ubia na dela ni vanua taucoko ka sa buto kina na vanua; era a kania na ka kecega sa bula tu ena dela ni vanua kei na vuanikau kecega sa vakavoca tu mai na uca cevata; a sega tale ni bau vo e dua na ka drokadroka, sega na veikau, ka sega na kakana ena i teitei ena vanua taucoko o Ijipita.

Lako Yani 10:5

Era na robota na dela ni vanua ka na sega ni kune rawa na qele. Era na tiloma na i vovo kece sara ni ka era a sega ni vakarusai ena uca cevata; ka ra na kania na kau kecega ena buca.

Aisea 14:17

Ka vukica na vuravura me vanua dravuisiga, Ka sega ni sereki ira na kaivesu me ra dui lako?”

Aisea 15:6

Sa maca na wai ena uciwai na Nimirimi, A ra sa malai na co e yasana, Ka sega na ka drokadroka e vo.

Aisea 33:4

Sa biu tu na nodra i yau Ka sa kau me i toki ni valu.

Aisea 51:3

“Au na vakaraitaka na noqu loloma ki Saioni Kei na kena veiyasana kece sa rusa tu. E dina ga sa vaka tu e dua na vanua dravuisiga, Au na cakava me dua na loga ni teitei, Me vaka na i teitei au a cakava mai Iteni. Ena yaco e kea na reki kei na marau Kei na sere ni veivakacaucautaki Kei na vakavinavinaka vei au.

Aisea 9:18

Ni sa waqa na i valavala ca me vaka na buka, Ka sa vakama yavu na kau vakavotona kei na soni; Sa vakama me vaka na veigasau mai veikau, Ka kuvu cake me vaka na duru o na kena kubou.

Aisea 9:19

Ena vuku ni cudru i Jiova, Sa vaka ga kina na kama ni buka na nona cudru. Era sa vaka na i vakawaqa ni buka na tamata; Era sa dui sagai ira ga vakai ira ka tabu loloma.

Jeremaia 5:17

Era na kania na nomuni teitei kei na kemuni; ra na vakamatei na luvemuni tagane kei na yalewa; ra na vakamatea na nomuni sipi kei na bulumakau ka vakarusa na nomuni veivaini kei na veivunilolo; na nomuni veikoro turaga vakabai vakaukauwa o ni nuitaka era na vakarusa na nodra mataivalu.

Isikeli 36:35

Era na qai kaya, ‘Na vanua ka lala tu oqo e liu, sa qai yaco me vaka na i teitei o Iteni; ia na veikorokoro ka sa lala ka i rusarusa se benubenu tu sa qai tawa tale, ka sa viribaiti vakaivalu.’

Emosi 7:4

A sa duatale na noqu raivotu mai vua na Turaga o Jiova ni lewe vuqa. Au a raica kina ni sa vakavakarau tiko o koya me totogitaki ira na nona tamata ena bukawaqa. A sa kama na wasa levu ena ruku i vuravura mai na bukawaqa, ka sa tekivu me kama mai na vanua mamaca.

Apakuki 1:6

Au sa na laveti ira cake na kai Papiloni ki na i tutu ni kaukauwa, o ira na tamata rerevaki oqo ka ra sega ni dautiko dei. Era sa lako yani ki na veiyasa i vuravura me ra valuti na veivanua eso.

Sakaraia 7:14

Au a vakavukaci ira tani me vaka na liwa ni dua na cagilaba me ra la'ki tu mai na veivanua tani. A mani yaco me lala tu ga kina na vanua vinaka oqo, ka sega e vakatawana.”