Biblia Todo Logo
Bìoball air-loidhne

- Sanasan -




Joeli 2:26 - Vakavakadewa Vou kei na iVola tale eso

26 “Dou na sautu ena kakana ka mamau, Ka vakacaucautaka na yaca ni nomudou Turaga Na nomudou Kalou, O koya sa mana na nona cakacaka vei kemudou Ia era na sega tale ni na vakamaduataki na noqu tamata.

Faic an caibideil Dèan lethbhreac

Ai Vola Tabu (Vakadewa Makawa Vakavoutaki 2021)

26 Ia ni sa sautu, dou na kana, ka mamau, ka vakacaucautaka na yaca i Jiova na nomudou Kalou, o koya ka sa mana na nona cakacaka vei kemudou. A ra na sega ni madua ko ira na noqu tamata e na dua na gauna.

Faic an caibideil Dèan lethbhreac

AI VOLA TABU

26 Ia ni sa sautu, dou na kana, ka mamau, ka vakacaucautaka na yaca i Jiova na nomudou Kalou, o koya sa ka mana na nona cakacaka vei kemudou: a ra na sega ni madua na noqu tamata e na dua sara na gauna.

Faic an caibideil Dèan lethbhreac

Vakavakadewa Makawa

26 Ia ni sa sautu, dou na kana, ka mamau, ka vakacaucautaka na yaca i Jiova na nomudou Kalou, o koya sa ka mana na nona cakacaka vei kemudou: a ra na sega ni madua ko ira na noqu tamata e na dua na gauna.

Faic an caibideil Dèan lethbhreac

Ai Vola Tabu Ena Vakavakadewa Vou

26 “Dou na sautu ena kakana ka mamau, Ka vakacaucautaka na yaca ni nomudou Turaga Na nomudou Kalou, O koya sa mana na nona cakacaka vei kemudou Ia era na sega tale ni na vakamaduataki na noqu tamata.

Faic an caibideil Dèan lethbhreac




Joeli 2:26
41 Iomraidhean Croise  

Yalo vinaka, ni ciqoma na i solisoli oqo ka'u sa kauta mai me nomuni, baleta ni sa vakalougatataki au na Kalou ka sa solia vei au na veika taucoko e ganiti au.” A sa cikevi koya matua sara o Jekope me yacova ni sa vakadonuya.


Era a rawa na veikoro lelevu ka vakabai ni valu ena dua na vanua vutuniyau, ka kovea na nodra veivale era sisinai tu ena veika vinaka, na veitobu-vatu ni wai, na veiloga vaini, veiolive kei na veikau vuata e levu sara. Era a qai kana ka mamau, ka ra sa urouro mai, ka marautaka na nomuni yalovinaka.


Sa vakasinaiti na noqu bula ena veika vinaka, Ka'u sa cauravou tikoga kina ka kaukauwa me vaka na ikeli.


Mo vakacegu, na yaloqu, Baleta ni sa rui vinaka vei au o Jiova.


Au na sere vei kemuni, i Jiova baleta ni o ni sa yalovinaka vei au. Vua na i liuliu ni sere. A nei Tevita.


Era na kania na dravudravua na levu ga ni ka era via kania. O ira era lako mai vei Jiova era na vakacaucautaki koya. Mo ni tiko vinaka tikoga ka tawa mudu.


Era a sega ni sotava na ka rarawa ena veigauna ca, ka na levu tu ga na kedra ena gauna ni dausiga.


Me ra vakacaucautaki kemuni na Kalou na tamata Me ra vakacaucautaki kemuni na tamata kecega.


Me vakacaucautaki o Jiova, na Kalou ni Isireli, O koya ga sa cakava na cakacaka veivakurabuitaki!


Sa ka levu sara na kedra kakana na tamata yalododonu, ia era na dau viakana tu ga na tamata ca.


Au sa curu ki na noqu i teitei, Na noqu daulomani, na watiqu. Au sa kumuna vata na noqu mura kei na kau boi vinaka; Au sa kania vata na kequ qa ni oni kei na oni; Au sa gunuva na mequ waini kei na sucu. Mo dou kana, na veitokani, ka gunu; Me yacova ni dou sa mateni ena dodomo!


I Jiova, sai kemuni na noqu Kalou, Au na vakalagilagi kemuni Ka vakacaucautaka na yacamuni. O ni sa cakava oti na veika talei, O ni sa nakita sara mai liu, Na veika sa dina ka tudei.


Ia oqo, sa kaya o Jiova na nodra Kalou na Isireli O koya sa vakabulai Epara-ama mai na nona leqa, “Era na sega tale ni madua na noqu tamata, Se vulaci na matadra ni ra vakamaduataki.”


Ia sa vakabulai Isireli o Jiova Ena tawa mudu na nona qaqa, Ka ra na sega ni vakamaduataki na lewena.’ ”


Era na cuva sobu ka vakarokoroko vei kemuni Ka dramica na kuvu ni soso mai na yavamuni. Ia o ni sa na qai kila ni sai au o Jiova O ira kece era waraka na noqu veivuke, Era na sega ni vakamaduataki.”


Kakua ni rere, o na sega ni vakamaduataki tale, Ka sega ni vakarogocataki. O na guilecava na nomu rogorogo ca Ni bula vakagoneyalewa, Kei na nomu bula dredre vakayada.


Na cava o ni vakayagataka kina na i lavo Ena ka e sega ni kakana? Na cava o ni vakayagataka kina na kemuni i sau O ni qai sega ni mamau? Ni vakarorogo vei au o ni na qai rawata Na kakana vinaka mo ni kania Na kakana uasivi o ni marautaka ni kania.


Na qele ena qai vuataka na kena vuata na kena vula, ia o ni na kana ka mamau ka tiko dei kina.


Au na muduka na i vurevure ni kemuni kakana, me rawa kina vei ira e lewe tini na yalewa me vavia na madrai taucoko sara ena dua ga na lovo. Era na veivotayaka, ia o ni na sega ga ni mamau kina ni sa vakayagataki oti.


Ena ka levu sara na veika ena basika mai na qele ena veiwere, ka o ni na tamusuki sila tikoga ni sa yaco mai na gauna me veti kina na qerepi, ka o ni na beti qerepi tikoga ni sa yaco mai na gauna ni kakaburaki itei ni sila. Ena sautu sara na vanua ena kakana mo ni kania, ka tiko vakacegu ena nomuni vanua.


O ni na kana tiko, ia o ni na sega ga ni mamau — ka o ni na viakana tikoga. Ni o ni butakoca na ka mo ni la'ki maroroya, o ni na sega ni maroroya rawa. Kevaka e dua na ka o ni sa maroroya rawa, au na qai vakarusa ena i valu.


Ena gauna o ya, kemuni na noqu tamata, sa dodonu me oti kina na nomuni maduataka na nomuni a vorati au. Au na kauti ira tani kece na tamata dokadoka ka qaciqacia, ka o ni na sega vakadua tale kina ni vorati au ena noqu ulunivanua tabu.


Ena taqomaki ira na nona tamata no Jiova ni lewevuqa Ka ra na vakarusai ira na kedra meca; O koya ena drodro yani Me vaka na dra ni dua na i soro; Ka sovaraki mai na dua na bilo Ki na dela ni cabocabonisoro.


Sa na qai totoka tu Ka rairai vinaka na vanua! Era na tubu cake ka kaukauwa sara Na i tabagone ena vuku ni sila kei na waini.


Ni sa kaya na i Vola Tabu, “O koya sa vakabauti koya ena sega ni vakamaduataki.”


Na i nuinui oqo sa sega ni vakamadualaki keda, ka ni sa sovaraka mai na Kalou na nona loloma ki na yaloda ena cakacaka ni Yalo Tabu, a nona i solisoli na Kalou kivei keda.


e kainaki toka kina ena i Vola Tabu: “Raica, au sa vakotora toka mai Saioni e dua na vatu, Ena vakatarabetaki ira na tamata; E dua na vatu era na tacaqe kina. Ia o koya ena vakabauta ena sega ni vakamaduataki!”


Ena vakatubura na co ena nomuni lomanibai kecega me kedra na nomuni manumanu yava i va, ia o kemuni o ni na kana ka mamau.


Mo ni marau mai kea, ena mata i Jiova na nomuni Kalou, o iko kei ira na luvemuni na nomu dauveiqaravi, kei ira na kawa i Livai era tiko ena nomuni veikoro, o ira ka sega na nodra tiki ni qele, se, taukena e dua na ka ena koro.


Mo ni kania ga na veika oqo ena mata i Jiova na nomuni Kalou ena vanua sa digitaki mo ni qaravi koya kina: oi kemuni vata kei ira na luvemuni, o ira na nomuni dauveiqaravi vata kei ira na kawa i Livai era tiko ena nomuni veikoro. O ni na marau ena mata i Jiova na nomuni Kalou ena ka kecega o ni cakava.


Mo ni kana mai kea ena mata i Jiova na nomuni Kalou ena marau, oi kemuni kei ira na nomuni vuvale ena vuku ni veika vinaka sa vakalougatataki kemuni kina o Jiova.


Ena levu sara na kemuni kakana, ka o ni na qai vakavinavinakataki Jiova na nomuni Kalou ena vuku ni vanua bulabula vinaka sa solia vei kemuni.


Vunauci ira era sa vutuniyau ena veika ni vuravura oqo me ra kakua ni qaciqacia se vakararavi ki na i yau sa sega ni tudei, ia me ra vakararavi ga vua na Kalou, o koya sa solia walega vakayauyau na veika kecega vei keda me da marau kina.


Ia oqo, kemuni na luvequ lomani, ni tudei tikoga vua, me rawa kina ni da yalodoudou tiko ni sa yaco mai o koya, ka sega ni da qai vunitaki keda mai vua ena madua ena Siga ni nona lesu mai.


Lean sinn:

Sanasan


Sanasan