Joeli 2:20 - Vakavakadewa Vou kei na iVola tale eso

²⁰ “Au na kauti tani na mataivalu qele ni vodre sa lako mai na vualiku; Ka'u na vakatala eso vei ira ki na vanua lala, Na i yatu e liu era na vakatalai ki na Waitui Mate, Kei na i yatu e muri ki na Meditereni. Ena tete na boi ca ni yagodra mate. Au na vakarusai ira ena vuku ni veika era sa cakava vei kemudou.

Ai Vola Tabu (Vakadewa Makawa Vakavoutaki 2021)

²⁰ Ia ka'u na kauti koya mai na vualiku me yawa tani vei kemudou, ka vakasevi koya ki na vanua dravuisiga ka lala, a matana ena donuya na waitui ki na tokalau, ka na donuya na waitui ki na ra na dakuna; ia ena kuvu cake na kena bona, ka kuvu cake na kenai boi ca. Ni sa cakava vakaidina ko koya na veika lelevu!

AI VOLA TABU

²⁰ ia ko koya mai na tokalau, kaʼu na kauti koya vakayawa tani vei kemudou, ka vakasavi koya ki na vanua dravuisiga ka lala, a matana ena donuya na waitui ki cake, kei na dakuna na waitui ki ra, ia ena kuvu cake na kena bona, ka kuvu cake na kena boi ca, e na vuku ni sa cakava na ka levu.

Vakavakadewa Makawa

²⁰ ia ka'u na kauti koya mai na tokalau, me vakayawa tani vei kemudou, ka vakasevi koya ki na vanua dravuisiga ka lala, a matana ena donuya na waitui ki na tu-i-cake, ka na donuya na waitui ki ra na dakuna, ia ena kuvu cake na kena bona, ka kuvu cake na kenai boi ca, ni sa cakava ko koya na ka levu.

Ai Vola Tabu Ena Vakavakadewa Vou

²⁰ “Au na kauti tani na mataivalu qele ni vodre sa lako mai na vualiku; Ka'u na vakatala eso vei ira ki na vanua lala, Na i yatu e liu era na vakatalai ki na Waitui Mate, Kei na i yatu e muri ki na Meditereni. Ena tete na boi ca ni yagodra mate. Au na vakarusai ira ena vuku ni veika era sa cakava vei kemudou.

Joeli 2:20 Iomraidhean Croise

Sakaraia 14:8

Ni sa yaco mai na siga o ya, ena drodro mai Jerusalemi na wai ni bula, e dua na kena veimama ena drodro ki na Waitui Mate, ka drodro na kena i wase kadua ki na Meditereni. Ena drodro tu ga na wai oqo ena loma ni yabaki taucoko.

Emosi 4:10

“Au a tala yani vei kemuni na mate rerevaki me vaka mai Ijipita. Au a vakamatei ira na nomuni cauravou ena i seleiwau; ka kauti ira tani na nomuni ose. Au a vakalaiva me tubu cake na boi ca ni nomuni i tikotiko vakaivalu, me curuma na ucumuni; ia o ni a sega ga ni lesu mai vei au.

Aisea 34:3

Na yagodra ena sega ni bulu, Ia ena tu ga me boi ca ka vuca e kea; Ka sa na drodro yani mai na veiulunivanua na nodra dra.

Vakarua 11:24

Na vanua kecega ena butuka na qeteqete ni yavamuni o ni na taukena. Na nomuni vanua ena tekivu sara mai na vanua lala ena ceva ka yaco sara ki na Ulunivanua o Lepanoni ena vualiku, ka na tekivu mai na uciwai na Uferetisi mai na tokalau ka yaco sara ki na ra ni Wasa Meditereni.

Isikeli 47:18

“Ia ena yasana vakatokalau, sa cici mai na i yalayala mai Asarienoni ena kedrau veimama o Aurani kei Tamasiko; ka muria na Joritani ena kedrau tadrua o Kiliati kei na vanua o Isireli; kei na wasawasa vakatokalau me yaco sara ki Tema. Oqo na kena i yalayala ena yasa ki na tokalau.

Lako Yani 10:19

A veisautaka o Jiova na matanicagi na tokalau me vuki ki na matanicagi mai na ra; oqo e dua na cagi kaukauwa ka kauti ira yani na vodre ki na wasa damudamu; a sega tale ni dua na vodre e vo mai Ijipita.

2 Tui 8:13

A sa kaya o Eseeli, “Ena rawa vakacava me tu vei au na mataqali kaukauwa vaka oqori? Sa sega ni dua na ka oi au!” A sauma o Ilaisa ka kaya, “Sa vakatakila vei au o Jiova ni o na yaco mo tui Siria.”

Lako Yani 8:14

Era a kumuna vata na boto mate ka sa curu botea na vanua o Ijipita na kena i boi.

NA SAME 126:3

Sa cakava dina na veika lelevu o koya ena vukuda Ka sa ka levu na neimami marau.

Malakai 3:11

Au na tarovi ira na manumanu meca ni teitei me ra kakua ni vakacacana na ka o ni sa tea, ka ra na vuavuai vinaka sara na nomuni veivaini.