Joeli 2:16 - Vakavakadewa Vou kei na iVola tale eso

¹⁶ Vakasoqoni ira mai na tamata; Vakasavasavataki ira na lewenivanua; Vakasoqoni ira vata mai na qase, Kauti ira mai na gone lalai, Kei ira talega na gone dramidrami. O ira talega era se qai vakawati vou Me ra biuta na nodra rumu ka lako mai.

Ai Vola Tabu (Vakadewa Makawa Vakavoutaki 2021)

¹⁶ vakasoqoni ira na tamata. Vakasavasavataki ira nai soqosoqo, vakasoqoni ira na qase; vakasoqoni ira vata mai na gone, kei ira sa sucuma tiko na sucu. Me lako mai na tagane sa qai vakawati mai na nona loqi, kei na watina mai na nona i davodavo.

AI VOLA TABU

¹⁶ vakasoqoni ira na tamata, vakasavasavataki ira nai vavakoso, soqoni ira na qase, vakasoqoni ira vata mai na gone, kei ira sa sucuma tiko na sucu: me lako mai na tagane sa qai vakawati, mai na nona loqi, kei na watina mai na nonai davodavo.

Vakavakadewa Makawa

¹⁶ vakasoqoni ira na tamata, vakasavasavataki ira nai soqosoqo, vakasoqoni ira na qase, vakasoqoni ira vata mai na gone, kei ira sa sucuma tiko na sucu: me lako mai na tagane sa qai vakawati, mai na nona loqi, kei na watina mai na nonai davodavo.

Ai Vola Tabu Ena Vakavakadewa Vou

¹⁶ Vakasoqoni ira mai na tamata; Vakasavasavataki ira na lewenivanua; Vakasoqoni ira vata mai na qase, Kauti ira mai na gone lalai, Kei ira talega na gone dramidrami. O ira talega era se qai vakawati vou Me ra biuta na nodra rumu ka lako mai.

Joeli 2:16 Iomraidhean Croise

2 Veigauna 20:13

Ia ena gauna e loma, era a tu ena mata i Jiova na Juta kecega, kei ira na nodra lalai, na watidra, kei na luvedra.

2 Veigauna 29:5

ka kaya vei ira, “Ni rogoci au mai oi kemuni na Livai! Ni vakasavasavataki kemuni edaidai, ka vakasavasavataka talega na vale i Jiova, na nodra Kalou na nomuni qase, ka kauta tani na dukadukali mai na tikina tabu.

2 Veigauna 30:17

Me vaka ni ra lewe vuqa vei ira na tamata era se sega tu ni savasava, sa tabu vei ira me ra vakamatea na lami ni Lakosivia, ka ra vakaitavi duadua kina na Livai ena vakarautaki ni lami oqo kei na kena vakacabori.

2 Veigauna 30:19

era sa vakadeitaka e lomadra me ra vakasaqara na Kalou, o Jiova na Kalou ni nodra qase, ka dina ga ni ra sa sega ni savasava me vaka na i vakarau tudei ni vakacacabo.

2 Veigauna 35:6

Mo ni vakamatea na lami ni Lakosivia, ka vakasavasavataki kemuni, ka vakarautaki ira na wekamuni, me ra cakava me vaka sa vakarota o Jiova vei Mosese.

Jope 1:5

Ni oti na kana vata yadua, sa qai dau yadra ena mataka lailai ni siga ka tarava o Jope me vakacabora eso na i soro kama me ratou vakasavasavataki taucoko kina na luvena. Na ka oqo sa dau cakava voli o koya ena veigauna kece baleta ni nanuma de ratou a mani caka cala na gone ka vosavakacacataka lo na Kalou ena dui lomadratou.

NA SAME 19:5

Sa kida cake ena mataka me vaka na tagane vou mamarau, Me vaka na daucici sa nanamaki ki na veitaucici.

Lako Yani 19:10

A sa kaya vei Mosese o Jiova, “Lako vei ira na tamata ka vakasavasavataki ira edaidai, ka vakakina ni mataka. Me ra savata na nodra i sulu,

Lako Yani 19:15

Ia a qai kaya vei ira na tamata o Mosese, “Mo ni vakavakarau ena i katolu ni siga ka kakua sara ni torova e dua na yalewa.

Lako Yani 19:22

O ira talega na bete sa toro volekati au mai me ra vakasavasavataki ira, de ra na qai mate talega.”

Joeli 1:14

Dou vakatabuya e dua na siga Me ia kina na lolo; Dou vakasoqoni ira vata mai Na lewenivanua e Juta Ki na vale i Jiova na nomudou Kalou Ka tagi ki vua.

Maciu 21:16

ka kaya vua, “O sa rogoca na ka era kaya tiko o ira oqo, se sega?” Sa qai kaya vei ira o Jisu, “Io, dou sa sega beka ni wilika, ‘Ena gusudra na gonelalai kei na gone dramidrami O ni sa cakava kina na vakarokoroko me uasivi sara’?”

Maciu 9:15

Sa qai kaya vei iratou o Jisu, “E rawa li ni ra rarawa na weka ni tagane vou ni sa tiko vata voli ga kei ira na tagane vou? Ia, ena yaco mai na siga ena kau tani kina na tagane vou mai vei ira, era sa na qai lolo kina.

1 Korinica 7:5

Ni kakua ni dui bureitaki kemuni vua na dui watimuni, vaka vo ga ke o ni sa loma vata kina, ena dua na gauna, mo ni galala kina ka qarava na nomuni masu. Ni oti o ya mo ni qai tiko vata tale de na veretaki kemuni o Setani ena nomuni sa sega ni lewai kemuni rawa.

Josua 7:13

Tucake! Vakasavasavataki ira na tamata! Tukuna vei ira, “Mo ni vakasavasavataki kemuni ka vakarautaki kemuni ena vuku ni ka ena yaco ni mataka; ni sa vosa vakaoqo o Jiova na Kalou ni Isireli: Oi kemuni na Isireli, sa tu oqori vei kemuni eso na ka au a sa lewa me vakarusai! O ni na sega sara ni vorati ira rawa na kemuni meca me yacova sara ni sa vakarusai na veika oqori!

Josua 8:35

Na vosa ni vunau kecega nei Mosese sa wilika o Josua kivei ira na lewenivanua era sa soqoni vata mai, ka wili kina o ira na marama kei ira na gone, ka vakakina o ira na vulagi era bula veimaliwai.

1 Samuela 16:5

A sa kaya vei ira, “Io, au sa lako mai ena yalo vakacegu me'u mai vakacaboisoro vei Jiova. Mo ni vakasavasavataki kemuni, ka gole mai vata kei au ki na vakacaboisoro.” E a tukuna talega vei Jese kei iratou na luvena me ratou vakasavasavataki iratou, ka sureti iratou yani ki na vakacaboisoro.