Joeli 2:13 - Vakavakadewa Vou kei na iVola tale eso

¹³ Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Ai Vola Tabu (Vakadewa Makawa Vakavoutaki 2021)

¹³ ia dou dresulaka na yalomudou ka segai na nomudou i sulu.” Dou lesu vei Jiova na nomudou Kalou, ni sa dauyalovinaka ka yalololoma, sa berabera ni cudru ka sa ka levu na nona loloma, ka sa veivutunitaka na nona via cudruvi ira.

AI VOLA TABU

¹³ ia dou dresulaka na yalomudou, ka sega ni nomudoui sulu, ka lesu vei Jiova na nomudou Kalou: ni sa daulomasoli ka yalololoma, sa berabera ni cudru, a sa vutu ni loloma, a sa veivutunitaka na ca.

Vakavakadewa Makawa

¹³ ia dou dresulaka na yalomudou, ka kua ni dresulaka na nomudou i sulu, ka lesu vei Jiova na nomudou Kalou: ni sa dauyalovinaka ka yalololoma, sa berabera ni cudru, ka sa ka levu na nona loloma, ka sa veivutunitaka na nona via cudruvi ira.

Ai Vola Tabu Ena Vakavakadewa Vou

¹³ Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Joeli 2:13 Iomraidhean Croise

Vakatekivu 37:29

Ia ni sa lesu mai o Rupeni, sa raica ni sa yali o Iosefo mai na i keli; a sa dresulaka na nona i sulu ni sa rarawa.

Vakatekivu 37:34

Sa qai dresulaka na nona i sulu o Jekope, ka viviraka e dua na i sulu loaloa e tolona me vakaraitaka na nona rarawa, ka sa tagicaka voli na luvena ena dua na gauna balavu.

2 Samuela 1:11

A sa dresulaka na nona i sulu o Tevita ena vuku ni nona rarawa, ka ra sa vakayacora vakakina o ira kece na nona tamata era tu vata kaya.

1 Tui 21:27

Ia ni rogoca o Eapi, a dresulaka na nona i sulu, vakaisulutaki koya ena i sulu taga, lolo voli, ka lako voli me vaka na tamata yalo rarawa.

2 Tui 22:11

Ia ni rogoca na tui na vosa ni vola ni vunau, a sa dresulaka na nona i sulu, ni sa cokai na yalona.

2 Tui 22:19

ka veivutuni na lomamu, ka vakamalumalumutaki iko ena mata i Jiova, ka dresulaka na nomu i sulu, ka tagi ni o sa rogoca na noqu vosa ni'u na cudruvi Jerusalemi kei ira na tamata era tiko kina. Io au na vakavuna me rairai ca ka vakadomobula na vanua o ya, ka me dua na vanua sa rukaki mai vei ira na tamata. Ia au sa rogoca na nomu masu,

2 Tui 5:7

Ia ni wilika oti na i vola o ya na tui Isireli, a dresulaka na nona i sulu, a kaya, Oi au beka na Kalou, me rawa ni'u veivakamatei ka veivakabulai, ka tala mai kina vei au na tamata oqo me'u vakabulai koya mai na nona vukavuka? Ia mo ni vakasamataka mada, ka raica, ni sa via vakatubu veivala vei au o koya.

2 Tui 6:30

Ni sa rogoca na tui na nona vosa na yalewa, a sa dresulaka na nona i sulu, ka ra raica na tamata era tiko volekata na bai ni sa daramaka voli e loma na i sulu taga na tui.

2 Veigauna 6:27

mo ni rogoca na nodra vakamamasu mai lomalagi ka mo ni bokoca na nodra i valavala ca na nomuni tamata na Isireli, ni o ni a vakavulici ira ena sala vinaka me ra muria; ka vakatauca na uca ki na nomuni vanua, o ni sa solia vei ira na nomuni tamata me nodra i votavota.

Niemaia 9:17

Era a bese ni talairawarawa; era sa guilecava na veika kece sara o ni a vakayacora; era sa guilecava na veika veivakurabuitaki o ni a cakava e matadra. Ena dela ni nodra dokadoka, era sa lesia kina e dua me liutaki ira; ka me kauti ira lesu tale ki na vanua ni veivakabobulataki mai Ijipita. Ia sai kemuni na Kalou sa dauvosota na i valavala ca; o ni sa dauloloma ka dauveikauwaitaki, ka cudrucudru malua. Sa ka levu sara na nomuni loloma; ka o ni a sega ni biuti ira laivi.

Jope 1:20

A qai tucake o Jope ka dresulaka na nona i sulu ka tasivoritaka na uluna ka bitalaki koya vakatoboicu ki na qele me i vakaraitaki ni nona rarawa.

NA SAME 103:8

Sa yalododonu ka dau lomasoli o Jiova, Sa berabera ni cudru ka sa sinai ena loloma tudei.

NA SAME 106:45

A sa nanuma na Turaga na nona vosa ni yalayala ena vukudra, Ka sa dusimaka na yalololoma mai na levu ni loloma tudei.

NA SAME 34:18

Sa dau tu voleka o Jiova vei ira sa mavoa na yalodra Ka sa vakabulai ira sa oti vakadua na nodra i nuinui.

NA SAME 51:17

Na yalo sa dasila sai koya na i soro e vinakata na Kalou; Na yalomalumalumu kei na yalo ni veivutuni sa sega ni cata na Kalou.

NA SAME 86:15

Ia, oi kemuni na Turaga, o ni sa Kalou yalololoma ga ka dau yalololoma, O ni sa dau berabera ga ni cudru ka sa sinai sara ena loloma tudei kei na yalodina.

NA SAME 86:5

O ni sa vinaka ka dau veivosoti Turaga, O ni sa sinai ena loloma tudei vei ira kece era masuti kemuni.

Aisea 57:15

Oi au na Kalou Cecere ka Savasava, O koya sa bula tikoga ka tawa mudu. Au sa tiko ena vanua cecere ka savasava Ia au sa tiko talega kei ira na tamata Era sa yalo malumalumu ka veivutuni; Me'u kauta tale mai na nodra yalo dei kei na vakanuinui.

Aisea 58:5

Ni o ni sa dau lolo, o ni sa dau vakaocai kemuni. O ni sa dau vakacuva sobu na ulumuni ki na qele Me vaka e dua na drau ni co ki na qele. O ni sa dau daramaka na i sulu taga Ka davo ena dravusa. Sa i koya li o ya na ka o ni vakatoka me lolo? O ni nanuma beka au taleitaka na veika o ya?

Aisea 66:2

Oi au ga au a bulia na veika kece! Ka sa noqu na veika kece oqo. Au sa vinakati ira era yalo malumalumu ka veivutuni, O ira era rerevaki au ka talairawarawa vei au.

Jeremaia 36:7

De ra sa na qai masu vei Jiova ka gole tani mai na nodra i tovo ca, ni sa vunauci ira na tamata oqo o Jiova ena nona cudru rerevaki kei na rarawa.”

Jeremaia 41:5

era a yaco mai e walusagavulu na tamata mai Sikemi, Sailo kei Samaria. Era a toroya tani na kumidra, ka dresulaka na nodra i sulu, ka tavalaka na yagodra. Era a kau sila kei na ka boi vinaka me la'ki cabori ena Valenisoro.

Jeremaia 42:10

Kevaka o ni via tiko ga ena vanua oqo, au sa na tarai kemuni cake, ka sega ni talaraki kemuni sobu. Au sa na tei kemuni ka sega ni cavuraki kemuni tani. Au sa rarawa sara ena vuku ni veivakarusai au a kauta mai vei kemuni.

Isikeli 9:4

ka sa qai kaya vua, “Mo lako yani ki na loma ni koro, ena loma i Jerusalemi, ka vola e dua na i vakatakilakila ena qaqa ni yadredra na tamata era sa vutugu ka qolouvaka na veika vakasisila kecega sa caka e loma ni koro.”

Osea 14:1

Oi kemuni na Isireli, mo ni lesu tale mai vei Jiova na nomuni Kalou. Na nomuni i valavala ca sa vakavuna mo ni sikalutu ka bale sobu.

Jona 3:9

De sa na veisautaka kina na lomana na Kalou; de sa na oti beka kina na nona cudruvi keda, ka da na qai sega ni mate!”

Jona 4:2

A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Maika 7:18

I Jiova, sa sega tale ni dua na kalou me vakataki kemuni; o ni sa vosota na nodra i valavala ca na nomuni vo-ni-bula era sa vakabulai. O ni sa sega ni cudru tikoga me tawa mudu, ia o ni sa marautaka ga mo vakaraitaka vei keimami na nomuni loloma sa sega ni yalani.

Neumi 1:3

Sa dau berabera ni cudru o Jiova, Ia sa ka levu sara na nona kaukauwa Ka sa sega ni vakalaiva na tamata ca me galala mai na nona cudru. Na sala i Jiova sa tiko ena covulaca kei na cava, Na veio sai koya na kuvu ni soso ni yavana!

Tiko mai na Lekutu 14:18

‘Sa dau berabera ni cudru o Jiova, ka sa sinai sara na nona yalololoma, ka sa dauvosota na caka cala kei na talaidredre. Ia, au sa sega ga ni vakalaiva me ra sega ni cudruvi na tamata ca, kau na cudruvaka na nodra caka ca na qase vei ira na luvedra kei na makubudra, ka yacova yani na i katolu kei na kava ni tabatamata.’

Roma 2:4

Se o sa rairai beca na yalovinaka ni Kalou, kei na nona yalololoma, kei na nona dauvosota vakadede? Io, o iko o sa kila vakavinaka ni sa yalovinaka na Kalou, ka sa nona i naki me tuberi iko mo yaco rawa kina mo veivutuni.

Efeso 2:4

Ia na Kalou, o koya sa sinai ena yaloveivosoti, sa ka levu sara na nona lomani keda,

1 Timoci 4:8

E tiko na kena yaga na vakaukauwa yago, ia na vakaukauwataki ni yalo sa yaga ena ka kecega, baleta ni sa yalataka na rawati ni bula ena gauna oqo kei na gauna ena muri mai.