Joeli 2:12 - Vakavakadewa Vou kei na iVola tale eso

¹² “Ia oqo ga,” sa kaya o Jiova, “Dou lesu mai vei au ena yalomudou taucoko, Dou lolo talega, ka tagi ena vakaloloku.

Ai Vola Tabu (Vakadewa Makawa Vakavoutaki 2021)

¹² “Ia oqo ga,” sa kaya ko Jiova, “mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso;

AI VOLA TABU

¹² Ia o qo ga, sa kaya ko Jiova, mo dou lesu mai vei au e na vu ni yalomudou, o na lolo talega, kei na wai ni mata kei na tagi yaso:

Vakavakadewa Makawa

¹² Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Ai Vola Tabu Ena Vakavakadewa Vou

¹² “Ia oqo ga,” sa kaya ko Jiova, “Dou lesu mai vei au ena yalomudou taucoko, Dou lolo talega, ka tagi ena vakaloloku.

Joeli 2:12 Iomraidhean Croise

2 Samuela 24:10

Ni ra wiliki oti na tamata, a vakatekivu me beitaki Tevita na yalona. A sa kaya vei Jiova o Tevita, “Au sa vakayacora na i valavala ca levu mai na ka au sa cakava oqo. Kemuni Jiova, au vakamasuti kemuni mo ni yalololoma ka vosota na noqu cala; ni'u sa cakava na ka lialia sara.”

2 Veigauna 30:6

Era a lako yani na i talai ki na veivanua e Isireli, ka ra kauta yani na nona i vola na tui, kei ira na nona turaga, me vaka a vakarota na tui, ka kaya, Oi kemuni na Isireli, mo ni lesu tale vei Jiova na Kalou i Epara-ama, i Aisake, kei Isireli, ena qai golevi kemuni o koya, oi kemuni na vo-ni-bula ka dro mai na ligana na tui Asiria.

2 Veigauna 6:27

mo ni rogoca na nodra vakamamasu mai lomalagi ka mo ni bokoca na nodra i valavala ca na nomuni tamata na Isireli, ni o ni a vakavulici ira ena sala vinaka me ra muria; ka vakatauca na uca ki na nomuni vanua, o ni sa solia vei ira na nomuni tamata me nodra i votavota.

Esiteri 4:16

‘Mo lako ka la'ki soqoni ira vata na Jiu kecega o kunei ira mai Susa ka mo ni lolo ena vukuqu ka kakua ni kana se gunu me siga tolu. Au sa na lolo talega e ke kei iratou na noqu goneyalewa me vaka o ni sa na cakava mai keri. Ni oti o ya, au sa na qai lako vua na tui; ia ke'u sa na mani vakamatei ni'u sa basuka na lawa, au sa na mate ga.’

Lako Yani 33:5

Sa qai kaya vei Mosese o Jiova, “Tukuna vei ira na Isireli ni ra sa tamata yalo kaukauwa. Kevaka au na lako vata kei kemuni me dua mada ga na gauna lekaleka, au na vakarusai kemuni vakadua. Ia oqo, mo ni luvata tani mada na nomuni ukuuku talei, au na qai vakatulewataka se na cava me'u cakava vei kemuni.”

Aisea 22:12

Ena siga o ya sa na kacivi kemuni o Jiova, Mo ni tagi ka vakaloloku, Mo ni toroya na ulumuni ka vakaisulu ena taga.

Aisea 58:4

O ni sai tovo kaukauwa, Dau veivala ka dau veisei. O ni nanuma beka ni mataqali lolo vaka oqo Ena vakavuna me'u rogoca na nomuni masu?

Jeremaia 3:22

Lesu mai, Oi kemuni kece sa gole tani mai vei Jiova. Ena vakabulai kemuni, Ka vakavuna mo ni yalodina. O Ni sa kaya, “Io, keimami sa lako mai vei Jiova baleta ni sai koya o Jiova na neimami Kalou.

Jeremaia 36:7

De ra sa na qai masu vei Jiova ka gole tani mai na nodra i tovo ca, ni sa vunauci ira na tamata oqo o Jiova ena nona cudru rerevaki kei na rarawa.”

Jeremaia 4:1

Kemuni na Isireli, kevaka o ni lesu mai, ni lesu mai vei au,” sa kaya o Jiova. “Ni biuti ira laivi na matakau vakasisila, mo ni lesu mai ka yalodina vei au,

Jeremaia 4:2

Sa na qai rawa mo ni vosa bubului ena yacaqu ena yalodina, dodonu ka savasava. Era na kerei au na veimatanitu kece me'u vakalougatataki ira, ka ra na vakacaucautaki au.”

Isikeli 33:11

Mo kaya vei ira, Me vaka na dina ni noqu bula, sa kaya na Kalou o Jiova, au sa sega ni vinakata se marautaka me mate na tamata ca, au vinakata ga me vuki tani mai o koya mai na nona i tovo ca; a cava li o ni via mate kina Oi Kemuni na Mataqali i Isireli?

Taniela 9:3

Au sa masu ka kerekere vua na Turaga na Kalou. Au sa cikecike vagumatua sara vua, au a lolo tiko, au vakaisulu taga ka dabe tu ena dravusa.

Osea 12:6

O koya oqo, oi kemuni na kawa i Jekope, mo ni lesu mai kina vua na nomuni Kalou ka dinati koya. Ni yalodina ka dau cakacaka vakadodonu, ka vosota voli ga ni o ni waraka na nomuni Kalou me cakacaka.

Osea 12:7

A sa kaya o Jiova, “O ira na Isireli era sa sega ga ni tamata daucakacaka vakadodonu me vakataki ira ga na kai Kenani; era sa taleitaka ga me ra lawakitaki ira na dauveivoli ni ra sa dau vakayagataka na i vakarau ni bibi sa sega ni dodonu, ka ra sa dauguta me ra ia na veivakasaurarataki.

Osea 14:1

Oi kemuni na Isireli, mo ni lesu tale mai vei Jiova na nomuni Kalou. Na nomuni i valavala ca sa vakavuna mo ni sikalutu ka bale sobu.

Osea 6:1

Era sa kaya na tamata, “Me da mai lesu vei Jiova! A sa vakararawataki keda o koya, ia ena vakabulai keda sara vakaidina; a sa vakamavoataki keda, ia ena vauca talega na noda mavoa.

Joeli 1:13

Dou vakaisulu taga na bete ka tagi Oi kemudou na bete dauvakacaboisoro! Dou curu ki loma ni Valenisoro Ka vakaloloku ena bogi taucoko! Sa sega sara na sila se na waini Me i madrali vua na nomudou Kalou.

Sakaraia 7:3

me ra taroga talega vei ira na bete kei ira na parofita na taro oqo: “E dodonu beka me keimami vakaloloku tikoga ena vuku ni kena a vakarusai na Valenisoro, ka daulolo ena i kalima ni vula me vaka keimami sa dau vakayacora tiko mai ena vuqa na yabaki?”

Sakaraia 7:5

A sa kaya o koya, “Mo tukuna vei ira na lewenivanua kei ira na bete ni sa sega ni'u dau vakarokorokotaki oi au ena nodra a daulolo ka vakaloloku ena i kalima kei na i kavitu ni vula ena vitusagavulu na yabaki sa oti.

Malakai 1:9

Ena gauna oqo, ni tovolea mada na bete mo ni kerea vua na Kalou me bau vinaka vei keda. Ena sega sara ga ni sauma o koya na nomuni masu, ka sa na baleti kemuni sara ga.

Cakacaka 26:20

Au a tekivu vei ira mai Tamasiko, ka qai tarava o Jerusalemi kei na loma ni yasana kece o Jutia, ka vakakina vei ira talega na kai matanitu tani. Au a vunautaka kina me ra veivutuni ka saumaki mai vua na Kalou, ka cakava na cakacaka e vakaraitaki kina ni ra sa veivutuni.

Dauveilewai 2:4

Ena gauna a cavuta kina na vosa oqo na agilosi i Jiova vei ira na Isireli, era sa vakatekivu me ra tagi na tamata.

Dauveilewai 20:26

Era a qai suka lesu tale na mataivalu taucoko ni Isireli ki Peceli; era dabe ka tagi ena mata i Jiova, era lolo ena siga o ya me yacova na yakavi. Era a qai vakacabora na i soro kama kei na i madrali ni veivinakati vei Jiova.

1 Samuela 7:3

A qai vosa vei ira kecega na veimataqali i Isireli o Samuela, ka kaya, “Kevaka o ni via lesu tale vei Jiova ena yalomuni taucoko, ia mo ni biuta laivi na veikalou tani kei na Aseteroci talega. Mo ni vagolea vakatabakidua na yalomuni vei Jiova ka qaravi koya duadua ga; ena qai vakabulai kemuni o koya mai na ligadra na kai Filisitia.

1 Samuela 7:6

Era a qai soqoni vata ki Misipa, era a taki wai, ka sovara me vaka na i soro ena mata i Jiova, ka ra lolo ena siga taucoko o ya; era a qai kaya, “Eda sai valavala ca vei Jiova.” A sa walia na nodra leqa eso na Isireli o Samuela mai Misipa.