Joeli 2:1 - Vakavakadewa Vou kei na iVola tale eso

¹ Dou uvuca na davui e Saioni; Dou vakatagica na alamu Ena noqu ulunivanua tabu! Dou sautaninini na leweniveivanua, Ni sa lako mai na siga i Jiova.

Ai Vola Tabu (Vakadewa Makawa Vakavoutaki 2021)

¹ Dou uvuca na davui e Saioni; ka kacivaka nai valu e na noqu ulunivanua tabu! Me ra sautaninini ko ira kecega na lewe-ni-vanua, ni sa lako tiko mai na siga i Jiova, ka ni sa voleka mai—

AI VOLA TABU

¹ DOU uvuca na davui e Saioni, ka kacivaka nai valu e na noqu ulu-ni-vanua tabu; me ra sautaninini kecega na lewe ni vanua: ni sa lako mai na siga i Jiova, ni sa voleka mai;

Vakavakadewa Makawa

¹ Dou uvuca na davui e Saioni, ka kacivaka nai valu e na noqu ulu-ni-vanua tabu; me ra sautaninini ko ira kecega na lewe ni vanua: ni sa lako mai na siga i Jiova, ka ni sa voleka mai;

Ai Vola Tabu Ena Vakavakadewa Vou

¹ Dou uvuca na davui e Saioni; Dou vakatagica na alamu Ena noqu ulunivanua tabu! Dou sautaninini na leweniveivanua, Ni sa lako mai na siga i Jiova.

Joeli 2:1 Iomraidhean Croise

1 Veigauna 15:28

Era sa qai kauta mai na Kato ni Veiyalayalati ki Jerusalemi o ira kece na Isireli ena domo ni kaila ni marau, kei na domo ni davui, na koneti, na sibali, vata kei na rorogo ni api.

NA SAME 119:120

Au sa sega sara ni rere ena vukumuni, Ia, au sa sinai ga ena vakarokoroko ena vuku ni nomuni lewa.

NA SAME 87:1

Sa tara na nona koro na Kalou ena ulunivanua tabu;

Lako Yani 10:14

A sa robota na vanua kecega ka tawana na vanua taucoko o Ijipita. Sa dua na qele ni vodre vakaitamera, ka sega ni a sa bau kune vakadua e liu se me na laurai tale mai muri.

Aisea 13:6

Ni qolou ena rarawa; Sa voleka mai na siga i Jiova, Na siga ena kauta mai kina na veivakarusai o koya.

Aisea 13:9

Raica sa voleka mai na siga i Jiova, Na siga rerevaki ni nona rarawa kei na cudru waqawaqa. Ena vuki kina na vuravura me vanua dravuisiga, Ka ra vakarusai kece na tamata i valavala ca.

Aisea 2:12

Ni sa dua na siga i Jiova ni lewevuqa, Me vakamalumalumutaki ira kina na viavialevu kei na dokadoka, Kei ira na dokai kei na cecere talega.

Aisea 66:2

Oi au ga au a bulia na veika kece! Ka sa noqu na veika kece oqo. Au sa vinakati ira era yalo malumalumu ka veivutuni, O ira era rerevaki au ka talairawarawa vei au.

Aisea 66:5

Ni rogoca mada na veika a kaya o Jiova, ‘Oi kemuni kece o ni rerevaka ka talairawarawa vua. Baleta na nomuni yalodina vei au Ena so vei kemuni era na cati kemuni.’ Era na vakalialiai kemuni, ka kaya, ‘Keimami vinakata me keimami raica mo ni marau, Ia me vakaraitaka o Jiova na nona kaukauwa Ka vakabulai kemuni.’

Jeremaia 16:10

‘Ena gauna o sa tukuna kina na veika oqo vei ira, era na qai taroga vei iko se na cava na vuna au sa nakita kina me'u vakaitotogitaki ira ena ka ca rerevaki oqo. Era na taroga se na ka cava era sa cala kina se i valavala ca cava era sa vakayacora e matana o Jiova na nodra Kalou.

Jeremaia 16:7

Ena sega e dua me dovia na madrai vua sa rarawa me vakacegui koya kina ena vuku ni wekana sa mate. Sa na sega e dua me solia na bilo ni veivakacegui me vakacegui kina e dua ena vuku i tamana se tinana.

Jeremaia 4:5

Uvuca na davui Ena loma ni vanua taucoko Kaila vakadomoilevu me macala! Tukuna vei ira na tamata Mai Juta kei Jerusalemi Me ra dro ki na veikoro vakabai.

Jeremaia 5:22

Oi au na nomuni Kalou, a cava o ni sega ni rerevaki au kina? A cava o ni sega ni sautaninini kina e mataqu? Au yalana na i yalayala ni waitui ena nuku me sega ni mudu ka na sega ni rawa ni voroki ena vadugu kei na kaukauwa ni ua.

Isikeli 12:23

Mo qai tukuna sara vei ira oqo, Sa kaya vakaoqo na Kalou o Jiova: Au na muduka sara na vosa vakaibalebale o ya. Ena sega tale ni cavuti wasoma e Isireli. Ia mo tukuna vei ira me qai kaya ga na kena oqo, ‘Sa yaco mai oqo na kena gauna, ka sa yaco vakaidina na veika sa yalataki!’

Isikeli 21:12

Mo tagi ka qoqolou o iko na luve ni tamata, Ni sa baleti ira na noqu tamata kei ira na turaga na i seleiwau oqo. Era na vakamatei na veiliutaki e Isireli Era sa soli ki na i seleiwau kei ira na noqu tamata O koya oqo mo tavi lomaseremu kina.

Isikeli 30:3

Ni sa voleka mai na siga, io sa voleka mai na siga i Jiova; na siga butobuto ni o loaloa, na nodra gauna ni leqa rerevaki na veimatanitu.

Isikeli 33:3

ia kevaka sa raica o koya ni sa lako tiko mai ki na vanua na i seleiwau, uvuca na davui, ka vakaroti ira na mate;

Isikeli 33:6

Ia kevaka sa raica o koya na i vakatawa ni sa lako tiko mai na i seleiwau, ka qai sega ni uvuca na davui, ka ra sega ni vakaroti kina na tamata, sa yaco mai na i seleiwau, ka mate kina e dua vei ira na tamata; sa mate yani o koya ena nona i valavala ca, ia na nona mate ka'u na taroga vua na i vakatawa.

Isikeli 7:10

Raica, na kena siga! Sa yaco mai oqo na siga ni rarawa. Sa tubu cake ga na i vakarau kaukauwa. Sa tu sara ena dua na delana cecere na dokadoka viavialevu.

Isikeli 7:12

Sa yaco mai na kena gauna, sa toro voleka mai na kena siga. Me kakua ni reki oi rau sa ia na veivoli, ka ni rau na cudruvi ruarua ga, me vaka ni'u na cudruvi ira kece na lewe ni vanua.

Taniela 6:26

Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Taniela 9:16

Oi kemuni o ni yalo dodonu, ia mo ni kakua soti ni qai cudruvi Jerusalemi tiko. Na koro o ya e nomuni, ia ena nomuni ulunivanua tabu. Era sa beci Jerusalemi o ira na lewe ni veivanua era volekata, ka ra beci keimami talega ena vuku ni neimami i valavala ca kei na veika ca era a cakava na neimami qase.

Taniela 9:20

Au a masu ka vakatusa tikoga na noqu i valavala ca kei na nodra na kai noqu na Isireli, ka'u a cikecike tikoga vua na Turaga na noqu Kalou me tara vou tale na vale tabu.

Osea 5:8

Dou uvuca na davui mai Qibea! Dou vakatagica na alamu mai Rama! Dou tabalaka na kaila ni vakacibi i valu mai Peciaveni! Dou vakarau ki na i valu, oi kemudou na Penijamini!

Osea 8:1

A sa kaya o Jiova, “Ni uvuca na davui! Era sa vuka sobu mai oqo na meca ki na noqu vanua me vaka na ikeli! O ira na noqu tamata era sa voroka na noqu veiyalayalati kei ira ka talaidredre ki na noqu vunau.

Joeli 1:15

Oilei na siga o ya! Ni sa voleka mai na siga ni Turaga, Na siga ni veivakarusai ni Kalou kaukauwa.

Joeli 2:11

A sa tabalaka na domona na Kalou Ki vua sa liutaki ira na nona mataivalu; Ni sa vakaitamera na nona mataivalu, O koya sa tu vua na lewa Me vakayacora na nona vosa sa kaukauwa. Ni sa ka levu ka rerevaki na siga i Jiova; O cei ena vosota rawa?

Joeli 2:15

Dou uvuca na davui mai Saioni; Dou vakatabuya e dua na siga ni lolo; Dou kaciva e dua na vakasoqoni vata!

Joeli 2:31

Na matanisiga ena vuki me butobuto, kei na vula me dra, ena qai yaco mai e muri na siga i Jiova, na siga levu ka rerevaki.

Joeli 3:14

Sa udolu vakaudolu Era sa tiko ena buca ni veicudruvi. Sa voleka ga na siga i Jiova Ena buca ni veicudruvi.

Joeli 3:17

“Dou na qai kila Ni sai au o Jiova na nomudou Kalou, Au sa tiko mai Saioni, Na noqu ulunivanua tabu. Ena yaco o Jerusalemi me koro tabu Era na sega ni taukena tale na vulagi.

Emosi 3:6

E dau uvuci li na davui ni valu ena dua na koro ka ra sega ni taqaya na lewena? E dau yaco li mai na leqa ki na dua na koro kevaka e sega mada ni tala mai o Jiova?

Emosi 5:18

Ena ca vei kemuni sa gadreva me yaco na siga ni Turaga! Ena vuku ni cava o ni sa vinakata kina? Sa butobuto, ka sega ni rarama.

Emosi 8:2

A sa tarogi au o Jiova, “I Emosi, na cava o raica tiko oqori? Au a kaya, “E dua na basikete vuata.” Sa qai kaya vei au o Jiova, “Sa yaco mai oqo na i vakataotioti vei ira na noqu tamata na Isireli. Au na sega ni veisautaka tale na lomaqu me baleta na nodra cudruvi.

Opetaia 1:15

“Oi au na Turaga, ka sa roro mai na gauna Me'u veilewaitaki ira kina na veivanua kecega. Ia o iko, Itomi, na ka sara ga o a cakava Ena caka tale vei iko. Na ka sara ga o a solia ena soli tale vei iko.

Sefanaia 1:14

Sa voleka mai na siga cecere i Jiova; sa voleka sara ka sega tale ni qai berabera! Ena dua dina na siga ca o ya, ka ni na bau tagi talega ena rarawa levu o ira na sotia yaloqaqa!

Sefanaia 1:16

e dua na siga e rogo kina na domo ni davui ni valu kei na nodra na vakacibi i valu na sotia era sa valuta tiko na veikoro lelevu kei na kedra valeniyadra cere i cake.

Sefanaia 1:7

Sa voleka mai na siga me na dabe kina o Jiova ena i dabedabe ni veilewai; mo ni tiko vakanomodi sara kina e matana. Sa vakarau tu o Jiova me soli ira yani na nona tamata ka sa sureti ira na meca me ra mai kauta na i yau nei Juta.

Sefanaia 3:11

Ena gauna o ya, kemuni na noqu tamata, sa dodonu me oti kina na nomuni maduataka na nomuni a vorati au. Au na kauti ira tani kece na tamata dokadoka ka qaciqacia, ka o ni na sega vakadua tale kina ni vorati au ena noqu ulunivanua tabu.

Sakaraia 14:1

Sa voleka mai na siga ni lewa i Jiova. Ena siga oqori, ena kovei vakaukauwa kina na i yau kei Jerusalemi ka sa veivotayaki e matamuni.

Sakaraia 8:3

Au na lesu tale mai ki Jerusalemi, na noqu koro tabu, me'u tiko kina. Ena vakatokai o Jerusalemi me koro yalodina, ka na vakatokai na ulunivanua i Jiova ni lewevuqa me ulunivanua tabu.

Malakai 4:1

A sa kaya o Jiova ni lewevuqa, “Sa toro voleka mai na siga me ra na vakamai kina me vaka na qa ni sila o ira kece na tamata dokadoka ka i tovo ca. Era na kama yavu vakadua ena siga o ya, ka na sega sara ni dua na tikidra me vo.

Tiko mai na Lekutu 10:2

“Mo cakava e rua na davui siliva ka me buli mai na siliva sa lautuki, ia me dau uvuci oqo me vakasoqoni ira vata mai kina na lewenivanua kei na gauna ni cavu valelaca me ra sa tokitoki tale ka toso yani.

Tiko mai na Lekutu 10:3

Ni sa uvuci vakadomoilevu na davui ruarua, me ra soqoni vata yani vei iko na lewenivanua taucoko ena mata ni Vale ni Veitavaki.

1 Korinica 14:8

Kevaka sa solia na davui e dua tani tale na rorogo, ia o cei ena qai vakarautaki koya ki na i valu?

Filipai 2:12

O koya oqo kemuni na wekaqu lomani, me vaka ni o ni a dau talairawarawa vei au ena gauna eda se tiko vata kina, e bibi cake sara mo ni muria na noqu vosa ena gauna eda sega ni tiko vata kina me vakaoqo. Ni vakacavara vakavinaka na cakacaka ni nomuni vakabauta ena rere kei na sautaninini,

1 Cesalonaika 5:2

Ni o ni sa kila vinaka tu ni na yaco na Siga ni Turaga me vaka na nona lako voli e dua na daubutako ena bogi.

Jemesa 5:8

Oi kemuni talega e dodonu mo ni dauvosota vakaoqo ka tudei tikoga, ni sa voleka na nona lesu tale mai na Turaga.

1 Pita 4:7

Sa voleka mai na i vakataotioti ni veika kecega. O koya oqo mo ni taura vakabibi sara kina na veika vakayalo kei na bulataki ni bula vakaivakarau, ena vuku ni kena yadravi na masumasu.

Vakatakila 6:17

Ni sa qai yaco mai oqo na siga dina ni nona cudru, ia o cei ena yatedei me tudei rawa kina?”