Joeli 1:7 - Vakavakadewa Vou kei na iVola tale eso

⁷ A sa vakarusa na noqu veivaini, Ka sa kania na noqu vunilolo. A sa vocia tani na kulidra Ka kolotaka sobu ki ra. Sa vuki me vulavula na tabadra.

Ai Vola Tabu (Vakadewa Makawa Vakavoutaki 2021)

⁷ Sa vakamalaitaka na noqu vaini, ka sa musumusulaka na noqu vuni lolo; sa luvata laivi na kulina, ka sa biuta; sa vakavulavulataki na tabana.

AI VOLA TABU

⁷ Sa cakava na noqu vaini me malai, kei na noqu lolo me lauvoci: sa luvata laivi na kulina, a sa biuta; sa vakavulavulataki na tabana.

Vakavakadewa Makawa

⁷ Sa vakamalaitaka na noqu vaini, ka sa vocia na noqu lolo: sa luvata laivi na kulina, ka sa biuta; sa vakavulavulataki na tabana.

Ai Vola Tabu Ena Vakavakadewa Vou

⁷ A sa vakarusa na noqu veivaini, Ka sa kania na noqu vunilolo. A sa vocia tani na kulidra Ka kolotaka sobu ki ra. Sa vuki me vulavula na tabadra.

Joeli 1:7 Iomraidhean Croise

NA SAME 105:33

Sa vakarusa na nodra veivaini kei na veilolo Ka musulaka sobu na kau ni nodra vanua.

Lako Yani 10:14

A sa robota na vanua kecega ka tawana na vanua taucoko o Ijipita. Sa dua na qele ni vodre vakaitamera, ka sega ni a sa bau kune vakadua e liu se me na laurai tale mai muri.

Lako Yani 10:15

Era a ubia na dela ni vanua taucoko ka sa buto kina na vanua; era a kania na ka kecega sa bula tu ena dela ni vanua kei na vuanikau kecega sa vakavoca tu mai na uca cevata; a sega tale ni bau vo e dua na ka drokadroka, sega na veikau, ka sega na kakana ena i teitei ena vanua taucoko o Ijipita.

Aisea 24:7

Sa malai na veivaini, Ka sa lailai sara na waini, Era sa mai rarawa tiko yani, O ira era a dau marau e liu.

Aisea 32:12

Ni tavia na lomaseremuni ena rarawa, Baleta ni sa vakarusai na veivaini Kei na vanua bulabula vinaka;

Aisea 5:6

Au na biuta tu ga me veikau tu, Ena sega ni samaki se wereci Ka sa na tubu mai kina na soni kei na kau vakavotona. Au na vakarota talega na o Me kua ni vakatauca kina na uca.

Jeremaia 8:13

Au na vakarusai ira vakadua na noqu tamata. Era na vaka na vunivaini sa sega kina na qerepi, e vaka e dua na lolo sega ni vua; na drauna mada ga sa malai tu. O koya oqo au na solia kina vei ira na veika eso sa kitaka.”

Osea 2:12

Au na vakadravudravuataka na nona veivaini kei na nona veilolo ka a kaya kina vakaoqo ne, “Oqo na kequ i sau era sa solia vei au o ira ka'u sa veidomoni kaya ena vuku ni noqu veiqaravi.” Au na cakava vei ira e dua na veikau; ena kani ira kina na manumanu kila.

Joeli 1:12

Sa malai na vunivaini, Ka raqosa na vunilolo. Na pomekaraneti, niusawa kei na apolo — Io, na kau kecega ni vanua sa malai; Sa yali vakakina na reki vei ira na tamata.

Emosi 4:9

“Au a vakauta yani vei kemuni e dua na cagi katakata me vakamamacataka na nomuni i tei. Era sa kania kece na vodre na nomuni i teitei kei na nomuni veiloganivaini. Ia o ni a sega ga ni lesu mai vei au.

Apakuki 3:17

E dina ga ni sega tu na vuadra na veilolo, Ka sega ni vua mai na veivaini; E dina ga ni sa yali na vua ni olive, Ka sega ni tubu na kakana ena i teitei; E dina ga ni sa mate kecega na sipi, Ka sa lala tu na ba ni bulumakau;

Malakai 3:11

Au na tarovi ira na manumanu meca ni teitei me ra kakua ni vakacacana na ka o ni sa tea, ka ra na vuavuai vinaka sara na nomuni veivaini.