Jeremaia 9:4 - Vakavakadewa Vou kei na iVola tale eso

⁴ Ni dui qarauni kemuni vinaka Mai vua na wekana Ka kakua ni vakadinata E dua na tacimu; Baleta ni sa dau veivakaisini na tacida yadua Me vakataki Jekope; Ka ra sa dui cavilaki ira na wekadra Na tamata yadua.

Ai Vola Tabu (Vakadewa Makawa Vakavoutaki 2021)

⁴ Dou dui qarauni kemudou vinaka e na vuku ni kai nona, ia mo kakua ni vakararavi vua e dua na tacimu; ni ra na daucakacaka vaqaseqase vei ira kecega na veitacini, kei ira kecega na kai nomu era na dauia na vosa ni veivakacacani.

AI VOLA TABU

⁴ Dou dui raica vinaka na kai nona, ia vua e dua na tacimu kakua ni ko vakararavi kina: ni sai ira kecega na veitacini era na daucaka vaqaseqase, kei ira kecega na kai nomu era na dauia na vosa veivakacacani:

Vakavakadewa Makawa

⁴ Dou dui qarauni kemudou vinaka e na vuku ni kai nona, ia mo kakua ni vakararavi vua e dua na tacimu: ni ra na daucakacaka vaqaseqase vei ira kecega na veitacini, kei ira kecega na kai nomu era na dauia na vosa ni veivakacacani:

Ai Vola Tabu Ena Vakavakadewa Vou

⁴ Ni dui qarauni kemuni vinaka Mai vua na wekana Ka kakua ni vakadinata E dua na tacimu; Baleta ni sa dau veivakaisini na tacida yadua Me vakataki Jekope; Ka ra sa dui cavilaki ira na wekadra Na tamata yadua.

Jeremaia 9:4 Iomraidhean Croise

Vakatekivu 32:28

Sa qai kaya tale na tamata o ya, “Ena sega tale ni vakatokai me yacamu o Jekope, ia sa na vakatokai me yacamu o Isireli;” baleta ni o sa veimulomulo kei na Kalou vata kei ira na tamata, ka sa rawata na qaqa.

NA SAME 101:5

Au na vakarusa na tamata E kaseta na wekana, Ka'u na sega ni laiva Na tamata dokadoka ka viavialevu.

NA SAME 15:3

Ka sega ni dau kaseti ira na tani. Sa sega ni cakava e dua na ka ca vei ira na wekana.

Vosavakaibalebale 10:18

Na tamata sa vunia na yalona ca ni veicacati sa tamata lasulasu. Na tamata sa dau vakadewataka na kakase sa tamata lialia.

Vosavakaibalebale 25:18

Na tamata e tukuna na veika lasu me baleta na wekana sa vaka e dua na i seleiwau, na i wau, se dua na gasau ni dakaititi momoto sara.

Vosavakaibalebale 4:16

Era na sega ni moce rawa na tamata ca me yacova ni ra sa cakava oti na ka tawa dodonu. Era na yadra koto ga me yacova ni ra sa vakacacana oti e dua na tamata.

Vosavakaibalebale 4:17

Na i tovo ca kei na i tovo kaukauwa sa vaka na kakana kei na waini vei ira.

Vosavakaibalebale 6:16

E ono na ka sa cata o Jiova; io, e vitu sa ka vakasisila vua:

Vosavakaibalebale 6:19

na i vakadinadina lasu sa cala na nona i tukutuku, kei na tamata sa vakavuna na veivala vei ira na wekana.

Aisea 59:13

Keimami sa dau saqati kemuni, Ka dau vakanadakui kemuni, Ka dau bese ni muri kemuni. Keimami sa dau vakararawataki ira na tani Ka dau saqati kemuni. Sa ka lasu na neimami vakasama kei na neimami vosa.

Aisea 9:16

O ira era liutaki ira oqo sa vakasesei ira, Ka ra sa veilecayaki kina o ira era liutaki.

Jeremaia 12:6

O ira sara mada ga na tacimu Kei na lewe ni nomu vuvale Era sa cakitaki iko, Era sa wili talega Me ra saqati iko Kakua sara ni vakadinati ira, Veitalia ga Kevaka era vosa vakavinaka vei iko.”

Jeremaia 6:28

Era tamata talaidredre; ka dau kudruvaka na vosa i Jiova. Era sa domoqa me vaka na parasa kei na kaukamea; era sai valavala vakasisila.

Jeremaia 9:8

Na yamedra sa ka rerevaki Ni ra sa dau lasulasu. Sa tauca ga na vosa vinaka na tamata Vei ira na wekadra, Ia era sa tuvana dina ga Na ka ni veivakatarabetaki.

Isikeli 22:9

Era sa tiko vei iko na tamata daukakase me ra vakadavea kina na dra, kei ira na tamata sa kana voli ena veiulunivanua, ka ra i valavala vakasisila vei kemuni.

Vunau ni Soro 19:16

Mo kakua ni veilakoyaki voli me vaka e dua na daukakase ena kedra maliwa na kai nomu; ka mo kakua ni vakaleqa na nona bula na kai nomu: Sai au, o Jiova.

Malakai 2:10

A sega li ni sa dua vata ga na tamada? A sega beka ni buli keda kecega na Kalou e duabau? Ia na cava ga eda dauvoroka tiko kina na noda veiyalayalati vakai keda, ka cava eda beca kina na vosa ni yalayala sa cakava na Kalou vata kei ira na noda qase e liu?

Maciu 10:17

Ia, mo dou qarauni ira na tamata, ni ra na soli kemudou yani ki na mataveilewai, ka ra na vakanakuitataki kemudou ena nodra veivalenilotu.

Maciu 10:21

“Ena dui solia yani na tuakana se tacina me mate, ka na solia yani na luvena o tamana, era na vorati ira na nodra i tubutubu na gone, ka vakamatei ira;

Luke 21:16

Ia era na soli kemudou yani na nomudou qase, kei ira na tacimudou, kei ira na wekamudou kei ira na nomudou i tokani, ka ra na vakamatei eso vei kemudou.

1 Cesalonaika 4:6

Ena vuku ni ka oqo me kakua ni dua na tagane me caka cala kina se via la'ki siova na ka e nona na wekana, ni sa dau veivakatotogitaki na Turaga ena veika oqo. Keitou a sa tukuna oti na ka oqo ka vakaroti kemuni kina vakabibi e liu.