Jeremaia 9:3 - Vakavakadewa Vou kei na iVola tale eso

³ Era sa dau vakarau tu ga Me ra dautukuna na ka lasu; Sa yali na dina, Sa kaukauwa na veika lasu Ena loma ni vanua.” A sa kaya o Jiova, “Era sa vakayacora vakaveitarataravi Na veika ca na noqu tamata; Ka ra sa sega ni kilai au.

Ai Vola Tabu (Vakadewa Makawa Vakavoutaki 2021)

³ A ra sa lokata na yamedra me nodra dakai ni vosa lasu; ka sa sega ni qaqa me ra totaka na ka dina e vuravura; ni ra sa vakaikuritaka na ca e na ca, ia era sa sega ni kilai au, sa kaya ko Jiova.

AI VOLA TABU

³ A ra sa lokata na yamedra me nodra dakai ni vosa lasu: a sa sega ni ka dina era qaqa kina e vuravura; ni ra sa lako mai na ca ki na ca, a koi au era sa sega ni kila, sa kaya ko Jiova.

Vakavakadewa Makawa

³ A ra sa lokata na yamedra me nodra dakai ni vosa lasu: ka sa sega ni qaqa me ra totaka na ka dina e vuravura; ni ra sa vakaikuritaka na ca e na ca, ia era sa sega ni kilai au, sa kaya ko Jiova.

Ai Vola Tabu Ena Vakavakadewa Vou

³ Era sa dau vakarau tu ga Me ra dautukuna na ka lasu; Sa yali na dina, Sa kaukauwa na veika lasu Ena loma ni vanua.” A sa kaya ko Jiova, “Era sa vakayacora vakaveitarataravi Na veika ca na noqu tamata; Ka ra sa sega ni kilai au.

Jeremaia 9:3 Iomraidhean Croise

Vakatekivu 39:16

A sa taura tikoga na nona kote me yacova ni sa lesu mai i vale na nona turaga.

Vosavakaibalebale 12:5

Na tamata yalododonu ena caka vinaka vei iko, ia na tamata ca ena gadreva tikoga me vakaisini iko.

Aisea 1:3

Na bulumakau sa kila na kena i taukei, Ka kila na asa na bai ni nona turaga. Ia o ira na Isireli sa sega ni kila, Era sa sega sara ni raica rawa na noqu tamata.

Aisea 3:5

Era na veivakasaurarataki vakai ira na tamata yadua, Ka vakakina na tamata yadua kei na kai nona. O ira na i taba gone era na sega ni dokai ira na qase, Kei ira na tamata wale era na beci ira na nodra turaga.

Aisea 6:5

Au a qai kaya, sa sega na ka au vakanuinui kina! Sa na yacovi au na veika ca. Au sa tamata tebe ni gusu qeleqelewa, ka'u sa tiko talega kei ira na tamata i valavala ca ka dukadukali. Ia oqo au sa raica ena mataqu dina na Tui, o Jiova ni lewevuqa.

Aisea 9:18

Ni sa waqa na i valavala ca me vaka na buka, Ka sa vakama yavu na kau vakavotona kei na soni; Sa vakama me vaka na veigasau mai veikau, Ka kuvu cake me vaka na duru o na kena kubou.

Jeremaia 12:6

O ira sara mada ga na tacimu Kei na lewe ni nomu vuvale Era sa cakitaki iko, Era sa wili talega Me ra saqati iko Kakua sara ni vakadinati ira, Veitalia ga Kevaka era vosa vakavinaka vei iko.”

Jeremaia 22:16

Sa lewa vakadodonu sara Ena vukudra na dravudravua, Ka sa vinaka na ka kecega e vukuna. Oqori ga na ka sa vakatokai ‘Me da kilai Jiova ga.’

Jeremaia 31:34

Ena sega ni dua me na vakavulica na wekana ka na sega ni dua ena tukuna vua na kai nona, ‘Mo kila na Turaga.’ Era na kilai au kece sara, me tekivu mai vei ira na cecere sara ka yaco vei ira na lalai sara. Au na vosota na nodra ca ka sega tale ni nanuma tiko na nodra i valavala ca.’

Jeremaia 4:22

A sa kaya o Jiova, “Era sa lialia na noqu tamata; Era sa sega ni kilai au. Era sa vaka na gone yalo wai, Sa sega na nodra vakasama. Era sa matai ni cakava na ka ca, Ia era sa sega ni kila Na cakava na ka dodonu.”

Jeremaia 5:4

Au a qai nanuma, “Era sa tamata lecaika ga oqo. Era sa sesewa; Ka ra sega ni kila na loma ni Turaga Se na ka e vinakata na nodra Kalou.

Jeremaia 5:5

Au na lako vei ira era vakaitutu cecere, Ka veivosaki kei ira. Era kila dina na loma i Jiova; Ka ra kila na ka e vinakata na nodra Kalou.” Ia era sa vakanadakuya kecega na Kalou; Ka ra bese ni muri koya.

Jeremaia 6:28

Era tamata talaidredre; ka dau kudruvaka na vosa i Jiova. Era sa domoqa me vaka na parasa kei na kaukamea; era sai valavala vakasisila.

Jeremaia 7:26

Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Jeremaia 9:5

Era sa dau vakaisini kecega na wekana, Ka sega e dua me tukuna na ka dina; Era sa vakavulica na yamedra Me ra dau lasu, Era sai tovo ca, Era sa sega ni lesu tani Mai na nodra i tovo ca.

Jeremaia 9:8

Na yamedra sa ka rerevaki Ni ra sa dau lasulasu. Sa tauca ga na vosa vinaka na tamata Vei ira na wekadra, Ia era sa tuvana dina ga Na ka ni veivakatarabetaki.

Isikeli 8:13

A sa kaya tale vei au o koya, “O na raica e levu cake sara na veika vakasisila era sa vakayacora.”

Taniela 11:27

Era na qai dabe ka kana ena dua ga na teveli, oi rau na tui ruarua, ia, e tiko ena dui lomadrau ruarua na ca ka yaco kina me rau veilasulasuti. E rau na sega ni rawata na ka e rau dui vinakata baleta ni sa sega ni yaco na kena gauna dodonu.

Vunau ni Soro 19:11

“Mo ni kakua ni butako, se cakacaka vakailasu, se vosa lasu vua e dua tale na tamata.

Marika 8:38

Kevaka e dua na tamata sa madualaki au vata kei na noqu vosa ena i tabatamata dauveibutakoci ka i valavala ca oqo, ena madualaki koya talega na Luve ni Tamata ni sa lako mai ena i serau nei Tamana vata kei ira na agilosi yalosavasava.”

Joni 17:3

Sa i koya oqo na bula tawamudu, me ra kilai kemuni na Kalou dina duadua ga, kei Jisu Karisito, o koya o ni sa tala mai.

Cakacaka 24:9

Era a tokona na Jiu na veibeitaki o ya ka ra kaya ni sa dina kece sara.

Roma 1:16

Ni'u sa sega ni maduataka na i Tukutuku Vinaka; ni sai koya oqo na kaukauwa ni Kalou me vakabulai kina o ira kecega sa vakabauta; sa liu vei ira na Jiu, vei ira talega na kai matanitu tani.

Roma 1:28

Ia ni ra sa bese ni kila na tamata na veivakavuvuli dina e baleta na Kalou, sa mani laivi ira kina na Kalou me ra kitaka na veika ca vakasisila kecega era rawa ni vakasamataka.

Roma 3:13

“Sa vaka na i bulubulu sa tadola tu na nodra i tilotilo; Era sa vakayagataka na yamedra me ia kina na veivakaisini.” “Na weli gaga ni gata sa tiko ena ruku ni tebenigusudra.

1 Korinica 15:34

Mo ni kilai yalomuni tale mada ka tarovi kemuni mai na i valavala ca; ka tiko talega eso vei kemuni era se sega ni kila na Kalou. Au sa vosa vakaoqo mo ni madua kina.

Filipai 1:28

Ni kakua ni rerevaki ira na nomuni meca; ni tamata yaloqaqa ga, ni oqo ena vakadinadinataka vei ira ni ra na druka o ira ka ni o ni na qaqa oi kemuni, baleta ni sai koya na Kalou ka sa solia vei kemuni na qaqa.

2 Timoci 3:13

Ia ena toso cake ga vakalevu na nodra veidabui kei na veivakacalai o ira na tamata ca kei ira na dauvosalasu, ni ra sa vakacalai ira eso ka vakacalai ira vakai ira talega.

Ai Vola I Juta 1:3

Oi kemuni na noqu i tokani, au a tovolea taumada me'u vola yani vei kemuni na veika me baleta na veivakabulai ni Kalou sa noda kecega, ka'u sa qai vakauqeti tale me'u sa volavola ga yani kina oqo me'u vakayaloqaqataki kemuni mo ni vala tikoga ena vuku ni vakabauta sa solia na Kalou vei ira na nona tamata.

Vakatakila 12:11

O ira na wekada era sa vakadrukai koya ka ra sa rawata na qaqa ena vuku ni dra ni Lami kei na dina era sa kacivaka; ka ni ra sa loma rawarawa me ra solia na nodra bula, ka bole mate.

Dauveilewai 14:17

A tagi tiko vei Samisoni na watina ena gauna taucoko ni soqo ni kana magiti me siga vitu. Ia ena i ka vitu ni siga, a tukuna vei watina o Samisoni na i balebale ni ba, ka ni a cikeva wasoma tikoga. A sa qai tukuna o yalewa vei ira na kai Filisitia.

Dauveilewai 2:10

Ia o ira na i tabatamata ka ra soqoni vata kei ira na nodra qase, kei na i tabatamata taravi ira era sa sega ni kilai Jiova se na cakacaka a cakava e Isireli o koya.

1 Samuela 2:12

Ia o rau na luvei Ilai e rau tamata sega na kedrau yaga; e rau sega ni dau vakarorogo vei Jiova.