Jeremaia 9:2 - Vakavakadewa Vou kei na iVola tale eso

² Au diva Me dua na vanua Me'u tiko kina Ena vanua dravuisiga Me rawa ni'u lako tani kina Mai vei ira na kai noqu. Era sa sega kecega ni yalodina, E dua na i vavakoso dauveivakaisini.

Ai Vola Tabu (Vakadewa Makawa Vakavoutaki 2021)

² Me sa noqu mada mai na vanua dravuisiga e dua na bure ni vulagi; me'u vakalaivi ira tu na noqu tamata, ka lako tani vei ira; ni ra sa tamata dauyalewa kecega, nai soqosoqo ni daulawaki.

AI VOLA TABU

² Me noqu mada mai na veikau e dua na bure vakavulagi; meʼu vakalaivi ira tu na noqu tamata, ka lako tani vei ira! ni ra sa tamata dauyalewa kecega, nai soqosoqo ni daulawaki.

Vakavakadewa Makawa

² Me sa noqu mada mai na veikau e dua na bure ni vulagi; me'u vakalaivi ira tu na noqu tamata, ka lako tani vei ira! ni ra sa tamata dauyalewa kecega, nai soqosoqo ni daulawaki.

Ai Vola Tabu Ena Vakavakadewa Vou

² Au diva Me dua na vanua Me'u tiko kina Ena vanua dravuisiga Me rawa ni'u lako tani kina Mai vei ira na kai noqu. Era sa sega kecega ni yalodina, E dua na i vavakoso dauveivakaisini.

Jeremaia 9:2 Iomraidhean Croise

Aisea 59:3

O ni sa cala ena vuku ni nomuni vosa lasu, Kei na i tovo kaukauwa kei na laba.

Jeremaia 12:1

Kemuni na Turaga Kevaka au veileti kei kemuni, O ni sa dodonu ga. Ia sa dodonu me'u tarogi kemuni mada ga Baleta na lewa dodonu. A cava era toso cake kina na tamata ca? A cava era tiko vinaka kina na dauveivakaisini?

Jeremaia 12:6

O ira sara mada ga na tacimu Kei na lewe ni nomu vuvale Era sa cakitaki iko, Era sa wili talega Me ra saqati iko Kakua sara ni vakadinati ira, Veitalia ga Kevaka era vosa vakavinaka vei iko.”

Jeremaia 13:22

Kevaka o ni taroga, se cava e yaco kina na ka oqo vei kemuni? A cava sa dresulaki kina na nomuni sulu, ka vakacacani kina? E baleta ga na rerevaki ni nomuni valavala ca.

Jeremaia 23:10

Sa sinai na vanua Vei ira na tamata sega ni yalodina vei Jiova; Era sa vakayacora na veika ca, Ka vakayagataka cala na nodra kaukauwa. Sa tagi na vanua baleta na cudru ni Turaga Ka sa malai sara mai na veico.

Jeremaia 4:22

A sa kaya o Jiova, “Era sa lialia na noqu tamata; Era sa sega ni kilai au. Era sa vaka na gone yalo wai, Sa sega na nodra vakasama. Era sa matai ni cakava na ka ca, Ia era sa sega ni kila Na cakava na ka dodonu.”

Jeremaia 5:1

Kemuni e Jerusalemi, Ni vaqaqara mada Ena nomuni veigaunisala! Ni vakararai wavoki! Mo ni raica vakataki kemuni! Ni vaqara ena loma ni veimakete! Ni tovolea mo ni kunea E dua na tamata sa kitaka na ka dodonu, Ka vakasaqara na ka dina, Kevaka o ni rawata, Sa na vosoti Jerusalemi o Jiova.

Jeremaia 5:11

O ira na Isireli kei ira na Juta Era sa cakitaki au vakadua sara ga.” A sa kaya ga oqo o Jiova.

Jeremaia 5:2

E dina ga o ni bubului Ena yaca i Jiova, O ni sa sega ni kauwaitaka Na ka o ni sa tukuna.

Osea 4:2

Sa levu na vosavosa ca, na vosa lasu, na laba, na butako, na veibutakoci; na vakadave dra sa veitarataravi.

Osea 5:7

Era sa sega ni yalodina vei Jiova; era sa sega ni okata na luvedra me nona na Kalou. O koya oqo era na vakarusai kina vata kei na nodra vanua.

Osea 6:7

“Ia ena gauna ga era sa curuma kina na vanua mai Atama, era a qai voroka tale na veiyalayalati ka'u a vakayacora kei ira mai kea.

Osea 7:4

Era sa tamata dauveidabui kecega ka dauveibutakoci. Na nodra yalo ca e sa vaka na lovo katakata, na kena e se bera ni qisa o daunivavavi me yacova na gauna sa vakarautaki oti kina na valawa droka me vavi.

Maika 6:12

O ira na nomuni tamata vutuniyau era sa dau rawa-ka mai vei ira na dravudravua ena veivakalolomataki, ka o ni sa tamata lasulasu kecega.

Sefanaia 3:4

O ira na kena parofita sa sega ni dinata na nodra i tavi ka dauveivakaisini; o ira na bete era sa vakacacana na veika sa vakatabui, ka vakatanitaka na Lawa ni Kalou me ganiti ira ga vakai ira.

Malakai 2:11

Era sa voroka oti na kai Juta na nodra yalayala vua na Kalou, ka ra sa cakava na ka vakasisila sara mai Jerusalemi kei na veivanua raraba. Era sa vakadukadukalitaka na Valenisoro sa dau lomana o Jiova. Era sa veiwatini na nodra tagane kei ira na yalewa sa dau qarava na veikalou tani.

Malakai 2:14

O ni qai vakataroga na vuna sa sega kina ni ciqoma. Ia sa baleta ga ni sa kila o koya na nomu sa voroka o iko na tagane vakawati na nomu yalayala vua na watimu o a vakamautaka ni o a se cauravou. A nomu i tokani o koya, o sa voroka na nomu vosa ni yalayala vua, ka dina ga ni o a sa yalataka ena mata ni Kalou ni o na dau yalodina vua na watimu.

Jemesa 4:4

Ni yavu tamata dauveidabui! O ni sega beka ni kila ni sa veimecaki kei na Kalou o koya yadua sa via veitokani kei vuravura?

Dauveilewai 2:10

Ia o ira na i tabatamata ka ra soqoni vata kei ira na nodra qase, kei na i tabatamata taravi ira era sa sega ni kilai Jiova se na cakacaka a cakava e Isireli o koya.