Jeremaia 9:18 - Vakavakadewa Vou kei na iVola tale eso

¹⁸ Era sa qai kaya na tamata, “Tukuna vei ira Me ra totolo mai ka lagata E dua na sere ni veibulu vei keda, Me yacova ni sa sinai na matada Ena wai ni mata, Ka suasua na bekabeka ni matada Ena tagi.”

Ai Vola Tabu (Vakadewa Makawa Vakavoutaki 2021)

¹⁸ ia me ra kusarawa mai, me ia na tagi e na vukuda, me dave yani mai na matada na wai ni mata, ka tovure na wai mai na dreke-ni-matada.

AI VOLA TABU

¹⁸ ia me ra kusarawa mai, me ia na tagi e na vukuda, me dave yani mai na matada na wai-ni-mata, ka tavure na wai mai na dreke-ni-matada.

Vakavakadewa Makawa

¹⁸ ia me ra kusarawa mai, me ia na tagi e na vukuda, me dave yani mai na matada na wai ni mata, ka tovure na wai mai na dreke-ni-matada.

Ai Vola Tabu Ena Vakavakadewa Vou

¹⁸ Era sa qai kaya na tamata, “Tukuna vei ira Me ra totolo mai ka lagata E dua na sere ni veibulu vei keda, Me yacova ni sa sinai na matada Ena wai ni mata, Ka suasua na bekabeka ni matada Ena tagi.”

Jeremaia 9:18 Iomraidhean Croise

NA SAME 119:136

Sa drodro mai na wai ni mataqu me vaka na uciwai, Baleta ni ra sa sega ni muria na tamata na nomuni lawa.

Aisea 22:4

Ia au sa qai kaya: Ni laivi au mada me'u tu taudua, Ka me'u tagi vakalevu sara. Ni kakua ni via vakacegui au, Ni sa rui levu na noqu tamata era sa mate.

Jeremaia 13:17

Ia kevaka o ni na sega ni vakarorogo, Au sa na tagi vuni Baleta na nomuni qaciqacia; Au na tagi sara vakaukauwa, Ka na titiri na wai ni mataqu, Baleta ni ra sa kau tani vakabobula Na nona tamata na Turaga.”

Jeremaia 14:17

Jeremaia, tukuna vei ira na tamata oqo Na nomu rarawa; “Me drodro tu mada ga na wai ni mataqu Ena siga kei na bogi, Me kakua ni mudu na noqu tagi; Baleta ni ra sa mavoa vakaca sara na kai noqu, Era sa mokuti vakaca sara,

Jeremaia 3:24

Ia na qaravi Peali sa vakavuna me keimami vakayalia na veika kece sara era a cakacakataka na neimami qase mai na gauna keimami a gone kina; na qele ni sipi, na qele ni bulumakau, kei ira na luve i keimami tagane kei na yalewa.

Jeremaia 3:25

Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Jeremaia 4:20

Sa yaco veitarataravi na veika ca Ka sa rusa vakadua na vanua taucoko. Sa vakacacani vakasauri Na noqu valelaca, Ka kakadresudresu vakamatailalai Na kena i latilati.

Jeremaia 6:26

A sa kaya o Jiova, “Kemuni na noqu tamata, ni vakaisulu ena i sulu taga, ka vaqiqiqi ena dravusa. Mo ni ia na tagi me vaka e dua sa tagicaka na luvena e duabau ga ena tagi rarawa sara; o koya sa lako mai me vakarusai kemuni ena ravuravu sara vakidacala.

Jeremaia 7:29

Mo ni tagi na lewenivanua e Jerusalemi; Ni kotiva na drau ni ulumuni ka viri yawa. Ena veidelana mo ni lagata na sere ni veibulu baleta ni'u sa cudru Na nomuni Kalou ka cati kemuni.

Jeremaia 9:1

Au diva mada ga Me a dua na i keliwai Na uluqu Ka i vurevure ni wai ni mata Na mataqu, Ka me'u tagi kina ena bogi kei na siga; Me baleti ira na kai noqu era sa vakamatei.

Jeremaia 9:10

A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Jeremaia 9:20

A sa kaya o Jeremaia, “Ni vakarorogo mada na yalewa Ki na ka sa tukuna o Jiova, Ka rogoca vinaka na nona vosa. Ni vakavulici ira na luvemuni yalewa Ena tagi, Kei ira na wekamuni Ena lagata na sere ni veibulu.

Lele i Jeremaia 1:2

A sa tagi vakalevu ena bogi taucoko, Sa drodrova na baluna na wai ni matana; Ena kedra maliwa na nona daulomani Sa sega e dua me vakacegui koya rawa; Era sa liumuritaki koya na nona i tokani kece, Ka yaco me ra nona meca tale.

Lele i Jeremaia 2:11

Sa malumu sobu na mataqu ena levu ni tagi; Io sa rarawa vakalevu sara na yaloqu. Sa vakaocai au ga na noqu lomabibi Ena vuku ni noda vakarusai na noqu tamata. O ira na gone kei na gone dramidrami Era sa matabuto ena veisalatu ni koro.

Lele i Jeremaia 2:13

Isa Jerusalemi, o Jerusalemi lomani, A cava me'u na tukuna vei iko? Me'u na vakacegui iko li vakaevei? Sa sega e dua me bau vakacacani vakaoqo. Na nomu vakarusai sa rabailevu vaka na wasawasa; Sa sega sara na i nuinui ni bula.

Lele i Jeremaia 2:18

Tagi vakadomoilevu vei Jiova! O iko na bai ni koro o Jerusalemi! Laiva na wainimatamu me drodro sobu Me vaka na uciwai ena bogi kei na siga; Kakua ni cegu ka vakaogai iko voli ga Ena tagi kei na lolosi!

Lele i Jeremaia 3:48

Sa drodro vakayauyau na wainimataqu Baleta na nodra vakarusai na noqu tamata.

Emosi 5:16

O koya oqo, sa kaya kina o Jiova na Kalou ni lewe vuqa: “Ena yaco na tagi yaso ena veisaqata kecega ni koro; ia era na kaya ena veisalatu kecega, Ulei! Ulei! Era na kacivi ira na tamata me ra tagi, ka me ra tagi yaso na kena dau;

Luke 19:41

Ia ni sa toro voleka sara yani o Jisu, ka raica na koro, sa qai tagicaka,