Jeremaia 9:16 - Vakavakadewa Vou kei na iVola tale eso

¹⁶ Au na vakasavi ira yani ki na veimatanitu ka ra sa sega ni bau rogoca, se kila se o ira na nodra qase. Au na tala mai na veimatanitu me valuti ira me yacova ni'u sa vakarusai ira vakadua.”

Ai Vola Tabu (Vakadewa Makawa Vakavoutaki 2021)

¹⁶ Ka'u na dui vakasevi ira talega ki na veimatanitu, sa ra sega ni kila, se ko ira se na nodra qase; ia ka'u na lewa me muri ira e dua nai seleiwau, me'u vakaoti ira mada ga.”

AI VOLA TABU

¹⁶ kaʼu na dui vakasevi ira talega ki na veimatanitu, sa ra tawa kila, se ko ira se na nodra qase: ia kaʼu na talamuri ira e dua nai seleiwau, meʼu vakaoti ira mada ga.

Vakavakadewa Makawa

¹⁶ ka'u na dui vakasevi ira talega ki na veimatanitu, sa ra sega ni kila, se ko ira se na nodra qase: ia ka'u na lewa me muri ira e dua nai seleiwau, me'u vakaoti ira mada ga.

Ai Vola Tabu Ena Vakavakadewa Vou

¹⁶ Au na vakasavi ira yani ki na veimatanitu ka ra sa sega ni bau rogoca, se kila se o ira na nodra qase. Au na tala mai na veimatanitu me valuti ira me yacova ni'u sa vakarusai ira vakadua.”

Jeremaia 9:16 Iomraidhean Croise

Niemaia 1:8

Mo ni nanuma mada na vosa o ni a vakadreti Mosese kina na nomuni tamata, ena nomuni a kaya vakaoqo, ‘Kevaka dou sa sega ni dina vei au na Isireli, au na dui biubiuti kemudou ena veivanua tani.

NA SAME 106:27

ka vakasevi ira na nodra kawa ki na veimatanitu, Me ra na mate ena veimatanitu tani.

Dauvunau 12:5

O na rerevaka na veivanua cecere, ka domobulataka na veilakoyaki. Ena sika mai na ulumu; ena dredre mai vei iko na veitosoyaki, ka seavu vakadua yani na veika o dau gagadre tu kina. Eda sa lako yani ki na i otioti ni noda vanua ni vakacegu ka sa na yaco tu mai na veitagicaki ena gaunisala.

Jeremaia 13:24

Ena kaburaki kemuni o Jiova me vaka na qa ni sila sa cagina tani ena cagi ni vanua dravuisiga.

Jeremaia 24:10

Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”

Jeremaia 25:27

A qai kaya vei au o Jiova, “Tukuna vei ira na tamata ni oi au na Kalou Qaqa na Kalou ni Isireli, ni'u sa vakarota me ra gunu, mateni ka lua, me yacova sara ni ra sa lutu ki ra, ka sega ni rawa ni tucake tale me baleta na i valu au sa tala yani vei ira.

Jeremaia 29:17

A sa kaya na Turaga Qaqa, ‘Au na kauta mai vei ira na i valu, na viakana kei na mate ca. Au na cakava me ra vaka na lolo sa luca ka sa sega ni rawa ni laukana.

Jeremaia 44:27

Au na raica tiko mo ni kakua sara ni toro cake, ia mo ni vakarusai ga. O ni na mate kece sara na lewe i Juta o ni tiko e Ijipita ena i valu se ena mate ca me yacova ni sa sega ni vo e dua vei kemuni.

Jeremaia 7:29

Mo ni tagi na lewenivanua e Jerusalemi; Ni kotiva na drau ni ulumuni ka viri yawa. Ena veidelana mo ni lagata na sere ni veibulu baleta ni'u sa cudru Na nomuni Kalou ka cati kemuni.

Jeremaia 8:19

Rogoca na nodra tagi Na noqu tamata Sa rogo ena loma ni vanua taucoko “Sa sega dina ni tiko mai Saioni o Jiova? Sa sega ni tiko dina mai Saioni na kena tui? A cava era sa vakacudrui au kina Ena nodra matakau, Kei na nodra matakau tawa yaga Na kai tani?

Isikeli 11:17

Mo qai kaya kina, ‘Sa kaya vakaoqo na Kalou o Jiova: Au na vakasoqoni kemuni mai vei ira na tamata, kei ira na veivanua ka'u a vakasavi kemuni kina, ia ka'u na solia vei kemuni na vanua o Isireli.’

Isikeli 12:15

“Era na kila ni sai au o Jiova, ni'u sa vakasavi ira ki na veimatanitu.

Isikeli 14:17

“Ia kevaka ka'u sa vakayacora ki na vanua na i seleiwau, ka kaya, Laiva na i seleiwau me lako voli yani ki na loma ni vanua; ka me'u muduka tani mai kina na tamata kei na manumanu;

Isikeli 20:23

Ia ka'u a bubului kina vei ira ena vanua lala ni'u na cakava me ra veiseyaki ena dela ni vuravura.

Isikeli 27:2

“Ia oqo o iko na luve ni tamata, me taurivaka na lele ena vuku i Taia,

Isikeli 5:12

E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.

Isikeli 5:2

E dua na kena i katolu mo vakama ena bukawaqa e lomadonu ni koro, ni sa cava na siga ni buku na druadrua. E dua tale na kena i katolu mo taura ka musumusuka ena i seleiwau vakavolivolita na koro. E dua tale na kena i katolu mo qai veibiuyaka ki na mata ni cagi, ia ka'u na ucuna na i seleiwau me muri ira.

Vunau ni Soro 26:33

Au na vakavuna mo ni valuti ka vakasavi kemuni tani yani ki na kedra maliwa na veimatanitu; ia na nomuni vanua ena dravuisiga mai, ka na lala na nomuni veikoro.

Emosi 5:16

O koya oqo, sa kaya kina o Jiova na Kalou ni lewe vuqa: “Ena yaco na tagi yaso ena veisaqata kecega ni koro; ia era na kaya ena veisalatu kecega, Ulei! Ulei! Era na kacivi ira na tamata me ra tagi, ka me ra tagi yaso na kena dau;

Maika 2:4

Ni sa yaco mai na gauna o ya, era na qai dautukuna na tamata na kemudou i talanoa me i vakaraitaki ni dua na veivakarusai ka yaco, era na lagata na sere ni rarawa kei na yaluma o ni sa curuma, me vakaoqo: Eda sa vakarusai vakadua! Sa kauta tani o Jiova na noda vanua, Ka sa solia vei ira sa tauri keda vakavesu.”

Sakaraia 7:14

Au a vakavukaci ira tani me vaka na liwa ni dua na cagilaba me ra la'ki tu mai na veivanua tani. A mani yaco me lala tu ga kina na vanua vinaka oqo, ka sega e vakatawana.”

Vakarua 28:25

“Ena vakavuna o Jiova me ra vakadrukai kemuni o ira na kemuni meca. O ni na valuti ira mai na dua na yasana, ia o ni na dro lesu ki na veiyasana kecega; ka ra na rere na veimatanitu kecega e vuravura ni ra sa raica na ka e yacovi kemuni.

Vakarua 28:36

“Ena kauti kemuni kei na nomuni tui o Jiova ki na dua na vanua tani o ni a sa sega mada ni bau bula kina e liu, se o ira na nomuni qase. O ni na qarava mai kea na veimatakau caka ena kau kei na vatu.

Vakarua 28:64

“Ena vakasavi kemuni o Jiova ki na veimatanitu kecega, ki na i yalayala kei vuravura ka dua me yaco tale ki na yasana ka dua. O ni na qarava mai kea na kalou matakau caka ena kau kei na vatu. Na veikalou o ni a sega ni sa bau qarava vakadua o kemuni, se, o ira na nomuni qase.

Vakarua 32:26

Sa rawa vei au me'u vakarusai ira vakadua sara, me kakua kina ni dua tale e nanumi ira.

Vakarua 4:27

Ena cakava o Jiova mo ni talabusese ki na veimatanitu, ia ena qai vo wale ga vei kemuni e lewe vica ena veivanua ka biuti kemuni kina.

Jemesa 1:1

Mai vei Jemesa, na dauveiqaravi ni Kalou kei na Turaga o Jisu Karisito: Au sa veikidavaki yani vei kemuni na yavusa e tinikarua o ni dui veiseyaki tu e vuravura: