Jeremaia 9:15 - Vakavakadewa Vou kei na iVola tale eso

¹⁵ O koya oqo sa kaya kina o Jiova ni lewevuqa na nodra Kalou na Isireli. “Au sa solia vei ira na tamata oqo na kau gaga me ra kania kei na wai gaga me ra gunuva.

Ai Vola Tabu (Vakadewa Makawa Vakavoutaki 2021)

¹⁵ O koya oqo sa kaya kina vakaoqo ko Jiova-ni-lewevuqa, na Kalou ni Isireli: Raica, koi au ka'u na vakani ira na tamata oqo e na kau gaga, ka vagunuvi ira e na wai gaga.

AI VOLA TABU

¹⁵ o koya o qo sa vosa vakaoqo kina ko Jiova ni lewe vuqa, na Kalou nei Isireli; Raica, oi au kaʼu na vakani ira na tamata o qo e na kau gaga, ka vagunuvi ira e na wai gaga:

Vakavakadewa Makawa

¹⁵ o koya oqo sa kaya kina vakaoqo ko Jiova ni lewe vuqa, na Kalou ni Isireli; Raica, koi au ka'u na vakani ira na tamata oqo e na kau gaga, ka vagunuvi ira e na wai gaga:

Ai Vola Tabu Ena Vakavakadewa Vou

¹⁵ O koya oqo sa kaya kina ko Jiova ni lewevuqa na nodra Kalou na Isireli. “Au sa solia vei ira na tamata oqo na kau gaga me ra kania kei na wai gaga me ra gunuva.

Jeremaia 9:15 Iomraidhean Croise

Jeremaia 8:14

A cava e da sa dabe vakadua kina? Ni lako mai me da mai cici ki na veikoro vakabai ka mate mai kea. Sa vakararawataki keda o Jiova me da mate, sa solia vei keda na wai gaga me da gunuva baleta ni da sai valavala ca vua.

Lele i Jeremaia 3:15

A sa solia ga vei au na rarawa mosimosi, Me kequ kakana kei na mequ wai ni gunu.

NA SAME 80:5

O ni sa solia vei keimami me keimami kania Ka gunuva e dua na bilo levu na wai ni mata.

Jeremaia 23:15

O koya oqo Sa kaya kina o Jiova ni lewevuqa Me baleti ira na parofita ni Jerusalemi: Au na solia vei ira na co gaga me ra kania Kei na wai gaga me ra gunuva, Baleta ni ra sa vakateteya na veitovo ca Ki na loma ni vanua taucoko.”

Vakatakila 8:11

Na yaca ni kalokalo o ya o “Duvagaga”. A sa gaga kina na i katolu ni wasewase ni wai, ka ra sa mate e lewe vuqa na tamata sa gunuva, baleta ni sa gaga vakalevu na kena i gunugunu.

Lele i Jeremaia 3:19

Na vakanananu ni noqu rarawa ka sega na vale Sa vaka ga na duva kei na wai wiwi.

Jeremaia 25:15

A tukuna vei au na Turaga o Jiova na nodra Kalou na Isireli, “Oqo e dua na bilo ni waini sa sinai ena noqu cudru. Kauta ka la'ki vagunuvi ira kece kina na veimatanitu au sa talai iko kina.

Aisea 2:22

Ni kakua ni vakararavi ki na tamata Ni sa vaka ga na i cegu sa tiko e ucuna. Na cava sa yaga kina o koya?

Aisea 2:17

Sa na qai vakamalumalumutaki na viavialevu ni tamata Ka buturaki sobu na nodra dokadoka. Ia ena siga o ya, Sa na qai vakacerecerei taudua ga kina o Jiova,

NA SAME 75:8

Sa taura tu e dua na bilo o Jiova e ligana, Ka sa sinai tu ena waini kaukauwa ni nona cudru. Sa sova yani o koya, ka ra sa gunuva na tamata ca kecega; Era sa gunuva ka vakamacara vakadua.

NA SAME 69:21

Ni'u a viakana, era a qai solia vei au na ka gaga; Ni'u a viagunu, era a qai solia vei au na wai wiwi.

NA SAME 60:3

O ni sa vakavuna me ra vakaloloma na nomuni tamata; Ka keimami sa taceba wavoki ga me vaka na mateni.

Vakarua 29:18

Mo ni qarauna vinaka me kakua ni dua na tagane, se yalewa, se vuvale, se dua na mataqali e tu eke edaidai me na gole tani mai vei Jiova na noda Kalou ka qarava na nodra veikalou na veimatanitu tani. Na ka oqo ena vaka e dua na wakanikau sa tubu cake me yaco me vuataka na vuanikau gaga.

Vakarua 28:36

“Ena kauti kemuni kei na nomuni tui o Jiova ki na dua na vanua tani o ni a sa sega mada ni bau bula kina e liu, se o ira na nomuni qase. O ni na qarava mai kea na veimatakau caka ena kau kei na vatu.

Jeremaia 24:10

Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”

Jeremaia 44:27

Au na raica tiko mo ni kakua sara ni toro cake, ia mo ni vakarusai ga. O ni na mate kece sara na lewe i Juta o ni tiko e Ijipita ena i valu se ena mate ca me yacova ni sa sega ni vo e dua vei kemuni.

Jeremaia 49:37

Au na cakava me ra rerevaki ira na kedra meca na kai Ilama, o ira era via vakamatei ira. Au na vakarusai ira ena noqu cudru levu ka tala na veimataivalu me ra valuti ira me yacova ni ra sa qeavu vakadua.

Isikeli 5:2

E dua na kena i katolu mo vakama ena bukawaqa e lomadonu ni koro, ni sa cava na siga ni buku na druadrua. E dua tale na kena i katolu mo taura ka musumusuka ena i seleiwau vakavolivolita na koro. E dua tale na kena i katolu mo qai veibiuyaka ki na mata ni cagi, ia ka'u na ucuna na i seleiwau me muri ira.

Isikeli 5:12

E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.