Jeremaia 9:10 - Vakavakadewa Vou kei na iVola tale eso

¹⁰ A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Ai Vola Tabu (Vakadewa Makawa Vakavoutaki 2021)

¹⁰ “E na vuku ni veiulunivanua ka'u na ia na tagi kei na qoqolou, kei na lele e na vuku ni veikoro ni vanua lala, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

AI VOLA TABU

¹⁰ E na vuku ni veiulu-ni-vanua kaʼu na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena tawa rogoci kina na domo ni manumanu; a manumanu ni lomalagi kei na manumanu ni vanua sa dro; sa yali.

Vakavakadewa Makawa

¹⁰ E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Ai Vola Tabu Ena Vakavakadewa Vou

¹⁰ A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Jeremaia 9:10 Iomraidhean Croise

Aisea 41:15

Au na qisi kemuni mo ni vaka e dua na kau raraba. Me dau samu kina na sila, Ka sa ka vou, vakabatina ka gata. O ni na samuta na veiulunivanua, Ka talaraka sobu na veidelana me kuvu ni soso.

Aisea 49:19

Na nomu vanua ena vakacacani ka lala tu Ia oqo ena yaco me lailai ga Vei ira era lako mai me ra tawana, Kei ira era a vakacacani iko tu, Era na kau tani vakayawa sara mai vei iko.

Jeremaia 12:10

Sa vuqa na i liuliu ni veivanua tani Era sa vakacacana na noqu loganivaini; Era sa buturaka sobu na noqu vanua; Ka ra sa vukica na noqu vanua vinaka Me vanua lala.

Jeremaia 12:11

Era sa cakava na vanua me tawa yaga; Sa davo vakaloloma koto e mataqu. Sa yaco na vanua taucoko me vanua dravuisiga, Ka sega ni dua me kauwaitaka.

Jeremaia 12:4

Ena vakacava so na dede ni lauqa ni vanua, Ka mamaca na co ni veibuca? Era na mate na manumanu kei na manumanu vuka Baleta na nodra ca Na tamata era tiko kina, Ka ra kaya ni o ni sega ni raica Na nodra i valavala.

Jeremaia 14:6

Era sa tucake na asa kila ena veidelana, Me ra ceguva eso na cagi Me vaka na koli; Sa buwawa na matadra Baleta ni sa sega na kedra kakana.

Jeremaia 2:15

Era sa tagi vaka na laione ki vua; Era sa cakava na nona vanua me dravuisiga. Sa vakacacani sara vakaca nona veikoro, Ka sa lala tu.

Jeremaia 2:6

Era sa sega ni bau kauwaitaki au, Era sega ni bau vakataroga, Sa e vei o Jiova ka a kauti keimami tani Ka liutaki ira mai ena loma ni vanua dravuisiga, Ena vanua veidelana ka sukusukura, Ena vanua dravuisiga, vakadomobula, Na vanua e sega ni bau dau lakovi, Ka sega ni bau dua e tiko kina.

Jeremaia 23:10

Sa sinai na vanua Vei ira na tamata sega ni yalodina vei Jiova; Era sa vakayacora na veika ca, Ka vakayagataka cala na nodra kaukauwa. Sa tagi na vanua baleta na cudru ni Turaga Ka sa malai sara mai na veico.

Jeremaia 50:3

Sa lako mai e dua na matanitu mai na yasana vaka ki na vualiku me valuti Papiloni, ka na vukica me vanua lala. Era na dro tani na tamata kei na manumanu, ka na sega ni dua e tiko e kea.

Jeremaia 7:29

Mo ni tagi na lewenivanua e Jerusalemi; Ni kotiva na drau ni ulumuni ka viri yawa. Ena veidelana mo ni lagata na sere ni veibulu baleta ni'u sa cudru Na nomuni Kalou ka cati kemuni.

Jeremaia 8:18

Sa sega ni vakacegui rawa Na noqu rarawa; Sa tauvi mate na yaloqu.

Lele i Jeremaia 1:16

Ia ka'u sa tagi ena vuku ni ka oqo; Sa drodro vakayauyau na wai ni mataqu; Ni sa yawa mai vei au na dauveivakacegui, O koya me vakayaloqaqataki au tale; Era sa biu wale tu ga na luvequ Ni sa gumatua vei ira na kedra meca.

Lele i Jeremaia 2:11

Sa malumu sobu na mataqu ena levu ni tagi; Io sa rarawa vakalevu sara na yaloqu. Sa vakaocai au ga na noqu lomabibi Ena vuku ni noda vakarusai na noqu tamata. O ira na gone kei na gone dramidrami Era sa matabuto ena veisalatu ni koro.

Lele i Jeremaia 5:18

Ena vuku ni kena sa lala tu Na ulunivanua o Saioni, Era sa daulako voli kina na jekeli.

Isikeli 14:15

“Kevaka ka'u sa lewa me lakova na vanua na manumanu ca, ka ra vakacacana, me lala, ka sega na tamata me lako rawa kina ena vuku ni manumanu; ia kevaka mada ga e ratou tiko kina na tamata tolutolu oqo,

Isikeli 27:2

“Ia oqo o iko na luve ni tamata, me taurivaka na lele ena vuku i Taia,

Isikeli 29:11

Ena sega tale ni butuka e dua na yava ni tamata se manumanu. Ena sega na ka e bula kina me yabaki vasagavulu.

Isikeli 33:28

Ni'u sa na vakalala na vanua me rusa; ena mudu talega na nona kaukauwa na viavialevu; ena lala talega na veiulunivanua e Isireli, ka sega ni dua na tamata me curuma yani.

Isikeli 6:6

Ena rusa na veikoro ni nomuni i tikotiko kece sara ka vakacacani na nomuni yavu cecere; me rusa ka vakacacani kina na nomuni cabocabonisoro eso, ka na talaraki ka vorolaki na nomuni veimatakau, ka talaraki sobu na nomuni i cabocabonisoro ni ka boi vinaka, ka vakarusai laivi na nomuni veicakacaka eso.

Osea 4:3

O koya oqo sa tagi kina na vanua era sa vakacauoca na tiko kina, o ira kei na manumanu kila kei na manumanu vuka, na ika talega ni waitui era sa qeavu yani.

Joeli 1:13

Dou vakaisulu taga na bete ka tagi Oi kemudou na bete dauvakacaboisoro! Dou curu ki loma ni Valenisoro Ka vakaloloku ena bogi taucoko! Sa sega sara na sila se na waini Me i madrali vua na nomudou Kalou.

Joeli 1:19

Au sa tagi vei kemuni na Kalou Ni sa kania na bukawaqa Na veico kei na veikau, Ka sa vakama na yameyame Na veivunikau kecega ni vanua.

Emosi 5:1

Kemuni na Isireli, ni rogoca mada na qaqa ni sere ni vakaloloku oqo.

Emosi 5:16

O koya oqo, sa kaya kina o Jiova na Kalou ni lewe vuqa: “Ena yaco na tagi yaso ena veisaqata kecega ni koro; ia era na kaya ena veisalatu kecega, Ulei! Ulei! Era na kacivi ira na tamata me ra tagi, ka me ra tagi yaso na kena dau;

Maika 2:4

Ni sa yaco mai na gauna o ya, era na qai dautukuna na tamata na kemudou i talanoa me i vakaraitaki ni dua na veivakarusai ka yaco, era na lagata na sere ni rarawa kei na yaluma o ni sa curuma, me vakaoqo: Eda sa vakarusai vakadua! Sa kauta tani o Jiova na noda vanua, Ka sa solia vei ira sa tauri keda vakavesu.”

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.