Jeremaia 8:6 - Vakavakadewa Vou kei na iVola tale eso

⁶ Au a vakarorogo vinaka sara, ia o ni sega ni tukuna na ka dina. E sega ni bau dua vei kemuni e veivutunitaka na nona ca; e sega ni bau dua e taroga, A cava beka na cala au cakava? Era dui lako na tamata yadua ena nona sala me vaka e dua na ose sa cici ki na i valu.

Ai Vola Tabu (Vakadewa Makawa Vakavoutaki 2021)

⁶ Au a vakatu daligaqu ka vakarorogo, ka sega ni ra vosa dodonu; sa sega na tamata e veivutunitaka na nona ca, ka me kaya, ‘A cava ka'u sa cakava?’ Era sa dui lesu ki na nodra i lakolako, me vaka na ose sa cici ki nai valu.

AI VOLA TABU

⁶ Au a vakatu daligaqu ka vakarorogo, ka sega ni ra vosa dodonu: sa sega na tamata e veivutunitaka na nona ca, mo kaya, A cava kaʼu sa cakava? era sa dui lesu ki na dui nonai lakolako, me vaka na ose sa rika ki nai valu.

Vakavakadewa Makawa

⁶ Au a vakatu daligaqu ka vakarorogo, ka sega ni ra vosa dodonu: sa sega na tamata e veivutunitaka na nona ca, ka me kaya, A cava ka'u sa cakava? era sa dui lesu ki na nodra i lakolako, me vaka na ose sa cici ki nai valu.

Ai Vola Tabu Ena Vakavakadewa Vou

⁶ Au a vakarorogo vinaka sara, ia o ni sega ni tukuna na ka dina. E sega ni bau dua vei kemuni e veivutunitaka na nona ca; e sega ni bau dua e taroga, A cava beka na cala au cakava? Era dui lako na tamata yadua ena nona sala me vaka e dua na ose sa cici ki na i valu.

Jeremaia 8:6 Iomraidhean Croise

Jope 10:2

Kemuni na Kalou, mo ni kakua ni tukuna wale tikoga ni'u cala. Na ka sara ga au cala kina, mo ni vakaraitaka.

Jope 34:31

I Jope, o sa vakatusa oti beka vua na Kalou na nomu i valavala ca, Ka o sa yalataka oti tale beka ga Ni o sa na sega ni valavala ca tale?

Jope 34:32

O a sa kerea oti beka vua na Kalou Me vakaraitaka vei iko na nomu cala, Ka o a sa vakadonuya tale beka ga Ni o sa na muduka na cakava na ka ca?

NA SAME 14:2

Sa raici ira sobu mai na tamata o Jiova mai lomalagi, Me raica se bau dua beka e vuku, Ka me qaravi koya.

Aisea 30:18

Ia sa wawa tikoga o Jiova me yalololoma vei kemuni. Sa vakarau tu me lomani kemuni, Ni sa Kalou Yalo Dodonu o koya. Era marau o ira kecega era vakanuinui vua.

Aisea 57:17

Au a totogitaki ira ena noqu cudru Ka'u biuti ira sara. Ia era sa qai yalo kaukauwa ka muria ga na lomadra.

Aisea 59:16

Sa kurabui sara ni sa sega ni raica E dua na tamata me vukei ira era vakararawataki. Ia sa na vakayagataka ga na nona kaukauwa Me vakabulai ira kina Ka me qai qaqa talega kina.

Jeremaia 23:25

Au sa kila na veika era sa tukuna na parofita oqori era sa dau vosa lasu ena yacaqu, ka ra kaya ni'u sa vosa vei ira ena raivotu.

Jeremaia 3:5

O ni cudru tiko li ka tawa mudu, ka na sega ni oti rawa li na nomuni rarawa? Isireli, sai koya o ya na vakatutusa ni gusumu, ia o sa cakava tikoga na ka ca kecega o cakava rawa.”

Jeremaia 5:1

Kemuni e Jerusalemi, Ni vaqaqara mada Ena nomuni veigaunisala! Ni vakararai wavoki! Mo ni raica vakataki kemuni! Ni vaqara ena loma ni veimakete! Ni tovolea mo ni kunea E dua na tamata sa kitaka na ka dodonu, Ka vakasaqara na ka dina, Kevaka o ni rawata, Sa na vosoti Jerusalemi o Jiova.

Isikeli 18:28

Ni sa vakasamataka, ka saumaki mai na nona i valavala ca kecega, ena bula vakaidina o koya; ena sega ni mate.

Isikeli 22:30

Ia ka'u sa qara e dua na tamata vei ira, o koya ka na viria na bai, ka me tu ena tiki ni bai sa basuki e mataqu ena vuku ni vanua, me'u kakua ni vakarusa; ia ka'u sa sega ni kunea e dua.

Taniela 9:11

Sa voroka na nomuni lawa o Isireli taucoko ka bese ni vakarorogo ki na ka o ni tukuna. Keimami a caka cala vei kemuni ka o ni a vakatauca vei keimami na kena i sau sa tukuni tu ena Lawa i Mosese, na nomuni tamata.

Maika 7:2

Sa sega sara ni dua na tamata dina e vo tu ena vanua oqo, sa sega sara ni dua e dina vua na Kalou. Era sa mate oti kecega. Na tamata kecega sa waraka voli ga na gauna vinaka me laba kina. Na tamata kecega sa dui vakasasataka tale na wekana.

Sefanaia 3:7

Au a nanuma ga ni ra na qai rerevaki au kina na noqu tamata ka ciqoma na noqu i vakavuvuli, ka sega ni guilecava na veika ka'u a vakatavulica vei ira. Ia sa qai leqa ga vakalevu na nodra bula ni sa ca vakalevu sara na nodra i valavala.

Akeai 1:5

Ni bau raica mada na veika sa yaco tiko vei kemuni!

Akeai 1:7

Ni raica na veika sa yaco tiko vei kemuni!

Malakai 3:16

Era sa qai veivosaki vakai ira o ira na tamata sa rerevaka na Turaga, ka sa vakarorogo o Jiova ka rogoca na veika era sa veivosakitaka. A sa volai e dua na vola ni vakananumi ena mata i Jiova me maroroi kina na yacadra vakayadua era sa rerevaki Jiova ka dokai koya.

2 Pita 3:9

Sa sega ni berabera na Turaga ni vakayacora na nona vosa ni yalayala, me vaka era sa nanuma eso. Ia sa vosoti kemuni ga vakadede, baleta ni sa sega ni vinakata o koya me rusa e dua, ia me ra veivutunitaka ga na nodra i valavala ca na tamata yadua.

Vakatakila 9:20

Na vo ni kawa tamata, o ira ka sega ni vakamatei mai na ka ni veivakararawataki oqo, era sa sega ni vuki tani mai na veika era sa rawata mai na cakacaka ni ligadra. Era sa sega talega ni biuta na qaravi tevoro, se na qaravi kalou matakau eso sa buli ena koula, ena siliva, ena parasa, ena vatu, kei na kau, a veika ga sa sega ni rai rawa, se rogo, se lako.