Jeremaia 8:22 - Vakavakadewa Vou kei na iVola tale eso

²² Sa sega li Na wai ni mate mai Kiliati? Sa sega beka Na vuniwai mai kea? A cava era sega ni vakabulai kina Na kai noqu?

Ai Vola Tabu (Vakadewa Makawa Vakavoutaki 2021)

²² Sa sega beka nai lumu wainimate mai Kiliati? Sa sega beka na vuniwai mai kea? A cava sa qai sega kina ni vakabulai mai na nona mate na goneyalewa ni noqu tamata?

AI VOLA TABU

²² Sa sega beka na wai-ni-mate mai Kiliati; sa sega beka na vu-ni-wai maikea? a cava sa qai sega kina ni bula na nona vue na gonealewa ni noqu tamata?

Vakavakadewa Makawa

²² Sa sega beka nai botani mai Kiliati; sa sega beka na vuniwai maikea? a cava sa qai sega kina ni vakabulai mai na nona mate na goneyalewa ni noqu tamata?

Ai Vola Tabu Ena Vakavakadewa Vou

²² Sa sega li Na wai ni mate mai Kiliati? Sa sega beka Na vuniwai mai kea? A cava era sega ni vakabulai kina Na kai noqu?

Jeremaia 8:22 Iomraidhean Croise

Vakatekivu 37:25

Ni ratou sa kana tiko, e ratou sa raica eso na luve i Isimeli, ni ra sa lako mai Kiliati vaka ki Ijipita. Era usana tiko mai na nodra kameli na drega me vakamai, na i saluwaki, kei na mura ka ra kauta tiko ki Ijipita.

Vakatekivu 43:11

Sa qai kaya vei iratou o tamadratou, “Kevaka e sa vakaoqori, dou cakava na ka oqo: dou kauta eso na vuata vinaka sara ni vanua oqo me i loloma vua na kovana: me vakalailai na i lumu wainimate, na oni, na drega, na mura, na ivi, kei na amodi.

Jeremaia 14:19

Kemuni Jiova, O ni sa vakanadakui Juta sara beka ga vakadua? O ni sa cati ira dina li na lewe i Saioni? A cava o ni sa mokuti keimami sara kina vakaca Me keimami kakua ni vakabulai rawa? Keimami a nuitaka na sautu, Ia sa sega ni yaco e dua na ka vinaka. Keimami nuitaka ni keimami rawa ni vakabulai, Ia sa qai kena i sosomi na rere vakaitamera.

Jeremaia 22:6

Vei au, na i tikotiko vakatui e Juta sa tautauvata kei na vanua o Kiliati kei na ulunivanua o Lepanoni ena kena rairai vinaka, ia au na vukica me dua na vanua lala sa sega ni dua e bula kina.

Jeremaia 46:11

Kemuni mai Ijipita, Ni lako ki Kiliati Ka vakasaqara na wainibula! Sa tawa yaga kece na nomuni wainibula; Sa sega na ka ena vakabulai kemuni rawa.

Jeremaia 51:8

Sa rusa vakasauri o Papiloni, ka vakarusai! Ni tagicaki koya! Ni kauta mai na wai ni bula me baleta nona mavoa, de na rawa ni vakabulai.

Jeremaia 6:7

Me vaka na kena maroroya e dua na i keliwai na kena wai sa maroroya vakakina o Jerusalemi na nona ca me kakua ni malai. Au sa rogoca na i valavala kaukauwa kei na veivakarusai ena koro; ka'u sa raica kecega na mate ca kei na mavoa.

Jeremaia 9:1

Au diva mada ga Me a dua na i keliwai Na uluqu Ka i vurevure ni wai ni mata Na mataqu, Ka me'u tagi kina ena bogi kei na siga; Me baleti ira na kai noqu era sa vakamatei.

Jeremaia 9:11

A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Lele i Jeremaia 2:13

Isa Jerusalemi, o Jerusalemi lomani, A cava me'u na tukuna vei iko? Me'u na vakacegui iko li vakaevei? Sa sega e dua me bau vakacacani vakaoqo. Na nomu vakarusai sa rabailevu vaka na wasawasa; Sa sega sara na i nuinui ni bula.

Isikeli 27:17

E rau dau veivoli kei iko o Juta kei na vanua o Isireli; era volitaka na nomu i yau ni veivoli, o ya na witi, na oni, na waiwai olive, kei na i saluwaki eso.

Tiko mai na Lekutu 32:1

O ira na luve i Rupeni kei na luve i Kata, era taukena e dua na i wiliwili ni manumanu yava i va vakaitamera; era sa raica na vanua o Jaseri kei na vanua o Kiliati, ni sa vanua vinaka ni susu manumanu yava i va.

Luke 8:43

A sa tiko ena kedra maliwa e dua na yalewa sa tauvi turudrabalavu tu me yabaki tinikarua, ka sa sega ni dua e vakabulai koya rawa.