Jeremaia 8:2 - Vakavakadewa Vou kei na iVola tale eso

² Era na mai tuvalaki tu me cilava na matanisiga, na vula, kei na veikalokalo era a dau lomana ka qarava. Era na sega ni kumuni vata se bulu tale, ia era na vaka na benu ena dela ni qele.

Ai Vola Tabu (Vakadewa Makawa Vakavoutaki 2021)

² Ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa dau lakova, oqori talega era sa soro kina. Ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

AI VOLA TABU

² a ra na veibiuyaka e na mata ni siga, kei na vula, kei na kalokalo ni lomalagi, o qori era sa lomana, o qori era sa qarava, o qori era sa muria, o qori era sa daulakova, o qori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Vakavakadewa Makawa

² ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa daulakova, oqori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Ai Vola Tabu Ena Vakavakadewa Vou

² Era na mai tuvalaki tu me cilava na matanisiga, na vula, kei na veikalokalo era a dau lomana ka qarava. Era na sega ni kumuni vata se bulu tale, ia era na vaka na benu ena dela ni qele.

Jeremaia 8:2 Iomraidhean Croise

2 Tui 17:16

Era a voroka kece na lawa i Jiova na nodra Kalou ka ra bulia e rua na i vakatakarakara ni luve ni bulumakau me ra cuva kina; era sa cakava talega na i vakatakarakara ni kalou yalewa ni veikau o Asera, ka ra cuva ki na kalokalo kecega ni lomalagi, ka ra qarava na kalou o Peali.

2 Tui 21:3

E a tara tale o Manasa na veitikina cecere ka sa vakacacana taumada o Esekaia na tamana; a tara cake eso na i cabocabonisoro vei Peali, ka cakava na i yaloyalo ni kalou yalewa o Asera me vaka sa kitaka o Eapi na tui Isireli. Sa dau cuva talega o Manasa ki na kalokalo eso ka qaravi ira.

2 Tui 21:5

Ena loma ni lomanibai ruarua ni Valenisoro, sa tara kina eso na i cabocabonisoro ni qaravi kalokalo.

2 Tui 23:5

A vakasivoi ira na bete vakatevoro na tui, kei ira ka ra lesia o ira na tui Juta me ra vakama na ka boi vinaka ena i cabocabonisoro ni kalou tani ena veikoro e Juta kei na veivanua e voliti Jerusalemi. E okati talega kina o ira era vakama na ka boi vinaka vei Peali, ki na matanisiga, na vula, na vuravura tale eso, kei na kalokalo ni lomalagi.

NA SAME 53:5

Era na qai rere vakalevu sara, Me vaka era se sega ni bau sota kaya e liu; Ni na veibiuyaka na Kalou na suidra na kemuni meca. Ena vakadrukai ira taucoko vakadua sara, Baleta ni sa sega ni taleitaki ira o koya.

NA SAME 83:10

Era a vakarusai mai Edoa, Ka sa vuca na yagodra e dela ni qele.

NA SAME 83:11

Mo ni vakayacora ga vei ira na nodra i liuliu na veika o ni a vakayacora vei rau o Orepi kei Siepi; Me vakarusai kece na nodra i liuliu me vakataki Sepa kei Salimuna,

Dauvunau 6:3

Kevaka e dua na tamata sa dua na drau na luvena ka balavu sara na nona bula. Ia ena sega ni dua na ka na balavu ni nona bula, kevaka e sega ni kunea na nona marau ka sega ni caka vua e dua na veibulu rakorako, au na qai kaya ni vinaka cake na nona sucu mate e dua na gone.

Jeremaia 14:16

Era na mate talega na tamata e tukuni vei ira na veika oqo ena i valu kei na dausiga. Na yagodra ena viritaka ena veigaunisala mai Jerusalemi, ka na sega e dua me na buluti ira. Na ka oqo ena yacovi ira kece, ena yacovi ira na watidra, na luvedra tagane kei na luvedra yalewa. Au na sauma vei ira na nodra i valavala ca.”

Jeremaia 16:11

Ia mo qai kaya vei ira ni, Sa tukuna o Jiova. Era a biuti au na nomuni qase ka ra qara ka sokalou ki na veikalou tani. Era vakanadakui au ka sega ni muria na noqu i vakaro.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 16:6

Era na mate vata na vutuniyau kei na dravudravua ena vanua oqo, ia ena sega e tagicaki ira se buluti ira. Ena sega e dua me na tavalaka na yagona se toroya na uluna me vakaraitaka na nona rarawa.

Jeremaia 19:13

Na veivale e Jerusalemi, na nodra veivale na tui Juta kei na veivale kece sa dau vakamai kina na ka boi vinaka ki na veikalokalo ka dau sova kina na i soro liviraki ki na veikalou tani ena dukadukali me vakataki Tofeci.”

Jeremaia 22:19

Ena bula me vaka e dua na asa, Ena yarataki tani; Ka viritaki Ena taudaku ni matamata kei Jerusalemi.”

Jeremaia 25:33

Ena siga o ya, Na yagodra na tamata mate ka vakamatei ira o Jiova, Ena ceburaki tu ena veiyasai vuravura kecega. Ena sega ni dua e tagicaki ira, Ena sega ni ka'u na yagodra me la'ki bulu. Era na biu tu me vaka na i benubenu.

Jeremaia 31:40

Ia na buca kece sara ni yago ni mate, na dravusa kei na vanua taucoko ena dela ni uciwai na Kitironi me yaco sara ki na Matamata ni Ose vaka ki na tokalau ena vakatabui me nona na Turaga. Ena sega tale ni basuraki na koro oqo se vakarusai ena dua na gauna.”

Jeremaia 36:30

Ia, oqo a kaya o Jiova me baleti Jo-akimi. A sega tale ni dua na nona kawa me na tiko ena i tikotiko vakatui i Tevita. Na yagona ena kolotaki tu me cilava na matanisiga ena siga ka na lutuma na tegu cevata ena bogi.

Jeremaia 9:20

A sa kaya o Jeremaia, “Ni vakarorogo mada na yalewa Ki na ka sa tukuna o Jiova, Ka rogoca vinaka na nona vosa. Ni vakavulici ira na luvemuni yalewa Ena tagi, Kei ira na wekamuni Ena lagata na sere ni veibulu.

Jeremaia 9:21

Sa curu mai na mate Ena nodra veikatuba leka, Ka curuma na noda veivale vakaturaga; Sa musuki ira sobu na gone Ena veigaunisala, Kei ira na cauravou Ena veivanua ni veivoli.”

Jeremaia 9:22

A sa kaya o Jiova, “Ena tayana na yago ni tamata mate Me vaka na maniwa ena dela ni qele, Me vaka na itei ni sila sa musu Ka ra vakavoca tu na dautatamusuki.”

Isikeli 29:5

Au na biuti iko tani ki na vanua lala, o iko kei na ika ni nomu uciwai. O na qai tutu mamaca ki dela ni vanua; ka sega tale ni kumuni vata me bulu. Ka'u na soli kemuni me kedra kakana na manumanu ni vanua kei ira na manumanu vuka e macawa.

Isikeli 39:5

O ni na bale ena dela ni vanua; oi au ka'u sa cavuta, sa kaya na Kalou o Jiova.

Isikeli 6:5

Au na veibiuyaka na yagodra mate na Isireli e matadra na nodra veimatakau; ka'u na ceburaka na suidra vakavolivolita na nodra i cabocabonisoro.

Isikeli 8:16

Sa qai kauti au o koya ki na lomanibai ni Valenisoro; ka raica, sa tiko ena katuba ni i tikotiko vakaturaga ena kedrau tadrua na i curucuru kei na i cabocabonisoro, era a tiko kina e rauta ni lewe 25 na tagane. Era a duri vakanadaku tu ki na i tikotiko vakaturaga, ka ra vakanamata vaka ki na tokalau ka sokalou ki na matanisiga.

Sefanaia 1:17

A qai kaya o Jiova, “Au na kauta mai na ka ni veivakaleqai oqo ki na kawa tamata me ra na qai vakayayamo voli me vakataka na tamata mataboko. Era sai valavala ca vei au, ia oqo ena sovaraki yani na nodra dra me vaka na wai, ka ra na dui vuca na yagodra mate ena dela ni qele.”

Sefanaia 1:5

Au na vakarusai koya ena cabe ki na delanivale me qarava na matanisiga, na vula, kei na veikalokalo. Au na vakarusai ira talega era sa dauqaravi au ka yalataka vei au na nodra yalodina, ia era sa qai vosa bubului tale ena yaca ni kalou o Moloke.

Cakacaka 7:42

Sa qai vakanadakui ira kina na Kalou ka laivi ira me ra sokalou ki na veikalokalo ni lomalagi, me vaka sa volai tu ena nodra i vola na parofita: ‘Oi kemuni na Isireli! Sa sega ni cabori vei au Na manumanu tabu o ni sa vakamatea me vakacabori Ena loma ni vasagavulu na yabaki mai na vanua lala.

Vakarua 17:3

ni ra sa qarava ka cuva ki na veikalou tani, se ki na matanisiga, se na vula, se na kalokalo, se ki na dua tale na ka sa tu mai lomalagi ka'u sa vakatabuya.

Vakarua 4:19

Ni qarauna mo ni kakua ni rawai mo ni qarava na veika o ni raica e lomalagi; na matanisiga, na vula, na veikalokalo kei na veika kece ni lomalagi. Na veika oqo sai solisoli ni noda Kalou vei ira na veimatatamata kecega e vuravura.