Jeremaia 8:11 - Vakavakadewa Vou kei na iVola tale eso

¹¹ Era sa sega ni kauwaitaka na mavoa ni lomadra na noqu tamata, era kaya, ‘Sa yaco na vakacegu, sa yaco na vakacegu,’ ia e sega ga ni kune na vakacegu.

Ai Vola Tabu (Vakadewa Makawa Vakavoutaki 2021)

¹¹ Ka ra sa vakamavotaka vakaca ga na nona mavoa na goneyalewa ni noqu tamata, ni ra kaya, ‘Dou vakacegu, dou vakacegu’, ni sa sega na vakacegu.

AI VOLA TABU

¹¹ a ra sa vakamavotaka na nona vue na gonealewa ni noqu tamata me vakaca, ni ra kaya, Na vakacegu, na vakacegu; ni sa sega na vakacegu.

Vakavakadewa Makawa

¹¹ ka ra sa vakamavotaka vakaca ga na nona mavoa na goneyalewa ni noqu tamata, ni ra kaya, Dou vakacegu, dou vakacegu; ni sa sega na vakacegu.

Ai Vola Tabu Ena Vakavakadewa Vou

¹¹ Era sa sega ni kauwaitaka na mavoa ni lomadra na noqu tamata, era kaya, ‘Sa yaco na vakacegu, sa yaco na vakacegu,’ ia e sega ga ni kune na vakacegu.

Jeremaia 8:11 Iomraidhean Croise

1 Tui 22:13

A vosa vei Maikaia, na i talai ka la'ki kaciva, ka kaya, “Raica, sa duavata na nodra vosa na parofita, ni ra sa vosataka na ka vinaka vua na tui; me tautauvata mada na nomu vosa e dua vei ira, ka mo cavuta ga na ka vinaka.

1 Tui 22:6

A sa vakasoqoni ira vata na parofita o Eapi, era sa volekata na 400 na kedra i wiliwili, ka tarogi ira, “Me'u lako sobu li ki Rimoci mai Kiliati ka la'ki vala kina, se me kua?” Era a kaya, “Mo ni valuta ga. Ena solia o Jiova vei kemuni na qaqa.”

Jeremaia 14:13

Ia au a qai kaya, “Kemuni na Turaga na Kalou, o ni sa kila ni ra sa tukuna na parofita vei ira na tamata ni na sega na i valu se na dausiga, baleta ni o ni sa yalataka, era kaya, ni sa yaco ga na sautu ena neimami vanua.”

Jeremaia 23:17

Era tukuna tikoga vei ira na tamata era sega ni via rogoca na noqu vosa, ni na vinaka na veika kece ena yacovi ira, ka ra tukuna vei ira kece era dui muria ga na loma kaukauwa ni na sega na ka ca ena yacovi ira.

Jeremaia 6:14

Era sa okata na mavoa ni lomadra na noqu tamata me sega ni dua na ka, era kaya, ‘Sa vinaka tu na ka kece,’ ni sega ni dina.

Jeremaia 8:15

Eda nuitaka na sautu, ia sa sega ni yaco mai e dua na ka vinaka; me dua na gauna ni veivakabulai, ia sa kena i sosomi na rere.

Lele i Jeremaia 2:14

O ira na nomu parofita eso era sa solia Vei iko na veiraivotu lasulasu. Sa vakacalai iko na nodra i vunau Ni ra sega ni vakatakila kina na nomu i valavala ca. Era sa vakayacora na ka mo nanuma kina Ni sa sega ni yaga mo veivutuni.

Isikeli 13:22

“Ena vuku ni nomuni a vakayalolailaitaki ira na yalo dodonu ena nomuni lasu, ka vakauqeti ira na tamata ca, me kakua ni ra gole tani mai na nodra sala ca me ra vakabulai ira kina;

Maika 2:11

“O ira na tamata oqo era sa vinakata ga na mataqali parofita sa lako wavoki ka sinai tu ena lasu kei na veivakalaboci, ka vakatukuna voli, ‘Au sa parofisaitaka ni na drodro vakalevu yani vei kemuni na waini kei na gunu kaukauwa ni mateni eso.’

1 Cesalonaika 5:3

Ena gauna era na kaya kina na tamata, “Eda sa qai vakacegu ka tiko vinaka,” ena qai yaco vakidacala vei ira na rusa me vaka na kena yaco na mosi ni kete vua e dua na yalewa bukete sa taratara, ka na sega ni dua e dro tani rawa kina.