Jeremaia 8:10 - Vakavakadewa Vou kei na iVola tale eso

¹⁰ O koya oqo au na solia kina na watidra vei ira na tani kei na nodra vanua vei ira eso me ra taukena. Na tamata kece sara, o ira na cecere kei ira na lolovira era sa via rawa i lavo ena sala veivakaisini. O ira sara mada ga na parofita kei na bete, era sa veivakaisini kecega.

Ai Vola Tabu (Vakadewa Makawa Vakavoutaki 2021)

¹⁰ E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena, ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete.

AI VOLA TABU

¹⁰ E na vuku ni ka o qo kaʼu na solia na watidra vei ira na tani, kei na nodra veiwere vei ira era na taukena: ni sai ira na kaisi ka yacovi ira talega na turaga era sa daukocokoco kecega, a ra sa cakacaka vakailasu kecega na parofita ka yacovi ira talega na bete:

Vakavakadewa Makawa

¹⁰ E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena: ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete:

Ai Vola Tabu Ena Vakavakadewa Vou

¹⁰ O koya oqo au na solia kina na watidra vei ira na tani kei na nodra vanua vei ira eso me ra taukena. Na tamata kece sara, o ira na cecere kei ira na lolovira era sa via rawa i lavo ena sala veivakaisini. O ira sara mada ga na parofita kei na bete, era sa veivakaisini kecega.

Jeremaia 8:10 Iomraidhean Croise

Jope 31:10

Ia me qai vakalaivi sara na watiqu Me la'ki vakasaqa kena kakana e dua na tagane tani Ka mani moce sara ena i mocemoce ni tagane tani.

Aisea 28:7

O ira talega oqo sa vakacalai ena waini Ka vakasesei ena gunu kaukauwa; Oi rau na bete kei na parofita erau sa vakacalai ena gunu kaukauwa, Ka rawai rau na waini, Era sa vakasesei ena gunu kaukauwa; Ka rau sa cala ena raivotu, E rau sa yatayata ena lewa.

Aisea 57:17

Au a totogitaki ira ena noqu cudru Ka'u biuti ira sara. Ia era sa qai yalo kaukauwa ka muria ga na lomadra.

Jeremaia 14:14

Ia sa qai kaya o Jiova, “Era sa vosataka na veika lasu na parofita ena yacaqu. Au a sega ni talai ira, au sega ni vakaroti ira se vosa vei ira. Era sa tukuna vei kemuni na veiraivotu lasu, na veivosa yalayala tawa yaga kei na veika ga era nanuma.

Jeremaia 14:18

Ni'u lako yani ki na veibuca, Au sa raica na yago ni tamata era vakamatei ena i valu, Ni'u lako yani ki na loma ni koro Au sa raici ira na tamata era sa mate ena viakana. Era ia tikoga na cakacaka na parofita kei na bete, Ia era sega ni kila na ka era cakava tiko.”

Jeremaia 17:11

Na tamata e rawata na i lavo ena sala ca E vaka na manumanu vuka e saulaka na yaloka ni manumanu tani; Ni bera ni veimama na nona bula, Sa na vakayalia na nona i yau Ia na kena i otioti, Ena kune ga ni lialia.

Jeremaia 22:17

Ia o iko O sa raica ga na ka o gadreva vakataki iko; O sa vakamatei ira na tamata yalododonu, Ka tabaki ira sobu vakaukauwa na nona tamata. Sa vosa ga vakaoqo o Jiova.

Jeremaia 32:32

Baleta na veika ca era cakava na lewe i Isireli kei Juta vata kei ira na nodra tui, nodra turaga, nodra bete, nodra parofita kei ira na kai Juta kei Jerusalemi.

Jeremaia 38:22

Raica! O ira kece sara na yalewa ni Juta era sa vo ena valenitui, era sa kau vei ira na vakailesilesi ni tui Papiloni. Rogoca mada na ka era kaya ni ra a lako. Era a vakacala na tui na nona i tokani vinaka, Ni ra sa vakatulewa vakataki ira ga. Ia oqo sa lobo na yavana ena soso ka ra sa laivi koya na nona i tokani.”

Jeremaia 42:1

Era a qai lako mai vei Jeremaia na parofita na turaganivalu kece, kei Jonani na luve i Karea, kei Asaraia na luve i Osaia vata kei ira na tamata, me tekivu vei ira era cecere, ka yacovi ira na lalai sara,

Jeremaia 5:31

Era sa parofisai vakailasu na parofita kei ira na bete era sa veiliutaki ena i vakasala ni parofita, ia o ira na noqu tamata era sa vinakata na veika oqo, ia a cava o na cakava ni sa yaco mai na kena i otioti?”

Lele i Jeremaia 4:13

Sa yaco ga ena vuku ni i valavala ca Mai vei ira na nona parofita kei na bete, O ira sa vakadavea na nodra dra na yalododonu Ena loma ni vanua.

Isikeli 33:31

Era a lako mai vei ira me vaka era lako mai na tamata, ka mai tiko e matamu me vakataki ira na noqu tamata, ka ra rogoca na nomu vosa, ia era sega ni muria se cakava, ni sa tu e tebe ni gusudra na vosa vakayalo loloma, ia na lomadra sa muria ga na nodra kocokoco.

Emosi 5:11

O ni sa dau vakasosataki ira na dravudravua ka kovea tani mai vei ira na kedra kakana. Ena ka oqo, o ni na sega kina ni tiko ena veivale totoka sa tara ena vatu o ni sa cakava ka sega talega ni gunu waini mai na veiloganivaini totoka o ni a teivaka.

Maika 2:4

Ni sa yaco mai na gauna o ya, era na qai dautukuna na tamata na kemudou i talanoa me i vakaraitaki ni dua na veivakarusai ka yaco, era na lagata na sere ni rarawa kei na yaluma o ni sa curuma, me vakaoqo: Eda sa vakarusai vakadua! Sa kauta tani o Jiova na noda vanua, Ka sa solia vei ira sa tauri keda vakavesu.”

Maika 3:11

O ira na dauveiliutaki era sa veiliutaki ga ena vuku ni i lavo ni veitemaki se veivaqumi era sa saumi kina, o ira na bete era sa vakamacalataka ga na i balebale ni lawa ena vuku ni kedra i sau, o ira na parofita era sa dauvakatakila ga na ka ena vuku ni i lavo — ka ra sa kaya kecega ni sa tiko vata kei ira o Jiova. Era sa kaya ga vakaoqo, “Ena sega sara ni yacovi keda e dua na leqa. Sa tiko vata ga kei keda o Jiova.”

Maika 3:5

Era sa vakacalai na noqu tamata mai vei ira na parofita era dau yalataka na tiko vinaka kei na sautu vei ira era sa saumi ira, ia era sa veivakarerei ga ni ra na valuti o ira sa sega ni saumi ira. Sa kaya vei ira na parofita vakaoqo o Jiova,

Apakuki 1:6

Au sa na laveti ira cake na kai Papiloni ki na i tutu ni kaukauwa, o ira na tamata rerevaki oqo ka ra sega ni dautiko dei. Era sa lako yani ki na veiyasa i vuravura me ra valuti na veivanua eso.

Sefanaia 1:13

Ena kovei vakaukauwa na nodra i yau, ka vakarusai na nodra veivale. Era na sega ni tawana na veivale era sa tara tiko, se gunuva na waini mai na veivaini era sa tea tu.”

Vei Taito 1:11

Sa dodonu me ra vagalui ni ra sa vakacacani ira kece na veivuvale e vuqa ena nodra vakatavuvulitaka na veika e sega ni dodonu me rawa ga kina na i lavo.

Vei Taito 1:7

Sa dodonu me kakua ni beitaki ena dua na ka o koya e veiliutaki ena lotu me vaka ni sa dauniyau ni Kalou, ka sa sega ni dodonu me qaciqacia se yalototolo se dau mateni se i tovo kaukauwa se kocokoco.