Jeremaia 7:9 - Vakavakadewa Vou kei na iVola tale eso

⁹ O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Ai Vola Tabu (Vakadewa Makawa Vakavoutaki 2021)

⁹ Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila,

AI VOLA TABU

⁹ Mo dou butako li, ka laba, ka ia na veibutakoci, ka vosavavakini vakailasu, ka vakacaudreva na ka boi vinaka vei Peali, ka muria na kalou tani e kemudou sa sega ni kila;

Vakavakadewa Makawa

⁹ Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila;

Ai Vola Tabu Ena Vakavakadewa Vou

⁹ O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Jeremaia 7:9 Iomraidhean Croise

1 Tui 18:21

A toro voleka vei ira kecega na tamata o Ilaijia, ka kaya, “Ena vica tale li na dede ni gauna mo ni lomalomarua tiko kina? Kevaka sa Kalou o Jiova, mo ni muri koya; ia kevaka kina o Peali, ia mo ni muri koya.” Era a sega ni tukuna vua e dua na ka na tamata.

Lako Yani 20:3

Mo ni kakua ni sokalou vua e dua tale na kalou, ia vei au duadua ga.

Aisea 1:13

Au sa sega tale ni vinakata na nomuni i soro tawa yaga, Ka'u sa vakasisilataka na nomuni ka boi vinaka. Au sa sega ni vosota rawa na nomuni solevu ni vulavou. Siga ni Vakacecegu kei na nomuni veisoqoni vakalotu. Era sa vakacacani kece ena nomuni i valavala ca.

Aisea 58:2

Era sa vakasaqarai au ena veisiga Ka kaya ni ra sa muria na noqu lawa Ka cakava na ka dodonu. Era sa kerei au me'u vakalougatataki ira Ka me'u solia vei ira na lewa dodonu.”

Jeremaia 1:16

Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 11:13

Ni sa tautauvata na levu ni wiliwili ni nodra kalou na kai Juta kei na levu ni wiliwili ni nodra veikoro ka ra sa tara na lewe i Jerusalemi e vuqa na i cabocabonisoro ni i madrali vakasisila vei Peali, me vaka na i wiliwili ni gaunisala ena nodra koro.

Jeremaia 11:17

E a tei Isireli kei Juta o Jiova ni lewevuqa, ia oqo sa tukuna mo ni rusa. Era sa vakavuna ga vaka i ira na ka oqo baleta ni ra sa kitaka na veika ca; era sa vakacudrui au ena nodra vakacaboisoro vei Peali.”

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 18:15

Ia o ira na noqu tamata Era sa guilecavi au; Era sa vakama na ka boi vinaka Ki na veimatakau. Era sa tarabe ena sala e dodonu Me ra lako kina, Era sa sega tale ni qai muri Ena veisala makawa, Era sa lako Ena veigaunisala a sega ni bau lakovi.

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 32:29

O ira na kai Papiloni era samuta tiko oqo na koro era na lako mai ka vakama ena buka. Era na vakama yavu vata kei na veivale era sa vakacudrui au kina na tamata ena nodra vakama na ka boi vinaka vei Peali ena delavuvu ni nodra vale na i soro liviraki vei ira na veikalou tani.

Jeremaia 44:3

Au na cakava na ka oqo baleta ni ra a vakayacora na veika vakasisila na lewena ka vakacudrui au kina. Era vakacaboisoro ki na veikalou tani, ka ra qarava na veikalou era sega ni kila, ka sokalou kina, oi kemuni kei ira na nomuni qase.

Jeremaia 44:8

A cava o ni vakacudrui au kina ena nomuni matakau kei na nomuni vakacaboisoro ki na veikalou tani ena vanua oqo o Ijipita, na vanua o ni sa mai tiko kina oqo? O ni cakava na ka oqo mo ni vakarusai kemuni kina, ia me ra dredrevaki kemuni kina na veimatanitu, ka vakayagataka na yacamuni me yaca ni veivakamaduataki?

Jeremaia 44:9

O ni sa guilecava na veika vakasisila era a vakayacora na nomuni qase kei ira na tui Juta kei ira na watidra vata kei kemuni kei ira na watimuni ena veikoro e Juta kei na veigaunisala mai Jerusalemi?

Jeremaia 48:35

Au na tarovi ira na lewe i Moapi mai na nodra vakacaboisoro ena veivanua cecere kei na nodra vakacaboisoro ki na nodra veikalou,” a sa kaya o Jiova.

Jeremaia 5:2

E dina ga o ni bubului Ena yaca i Jiova, O ni sa sega ni kauwaitaka Na ka o ni sa tukuna.

Jeremaia 5:7

A sa kaya o Jiova, “A cava me'u vosota kina Na nodra i valavala ca na noqu tamata? Era sa biuti au na luvedra, Ka ra bubului ki na veika sa sega ni kalou. Au a vakani ira na noqu tamata Me yacova ni ra sa mamau, Ia era sa ia na veibutakoci, Ka vakaotia na nodra gauna Vata kei ira na yalewa dautagane.

Jeremaia 7:6

Me kakua na i valavala veivakaisini vei ira na vulagi, na luveniyali kei ira na yada. Me mudu na vakamatei ira na tamata yalo dodonu ena vanua tabu oqo. Me kakua talega na qarava na veikalou tani de'u na qai vakarusai kemuni.

Isikeli 18:18

Ia na tamana, ena vuku ni nona dauveivakasaurarataki, butakoca na i yau i tacina, ka cakava na veika tawa dodonu vei ira na kai nona, raica, ena mate vakaidina o koya ena vuku ni nona caka cala.

Isikeli 20:30

O koya oqo, mo kaya kina ki na mataqali i Isireli, Sa kaya vakaoqo na Kalou o Jiova: O ni sa vakadukadukalitaki kemuni li me muria na nodra i valavala na nomuni qase, ka cici muria na nodra kalou matakau?

Isikeli 23:39

E rau sa bau la'ki vakamatei ira na luvedrau me vakacabori vei ira na nodra matakau, ena siga vata ga ka rau curuma kina na noqu Valenisoro me vakavelavelataka. Ia raica, oqo na ka e rau a cakava ena noqu loma ni vale.

Isikeli 5:11

O koya oqo, me vaka ni sa dina na noqu bula, a kaya na Kalou o Jiova, Me baleta ni o sa vakadukadukalitaka na noqu Valenisoro ena nomu veitovo velavela ka vakasisila kecega, au na muduki iko sobu vakaidina, o na sega ni dro bula rawa e mataqu, ka'u na sega talega ni vosoti iko, se yalololoma vei iko.

Osea 2:13

Au na cudruvi koya talega baleta ni sa guilecavi au ena veigauna ni nona solevu vei Peali, ni sa ia kina o koya na vakamai ni ka boi vinaka, sa ukutaki koya ena mama kei na i ukuuku talei ka sa daumuri ira ga na nona veidomoni eso. Sa kaya vakaoqo o Jiova.

Osea 6:9

O ira na bete era sa vaka na lawalawa daubutako sa waraka vakavuni e dua me ra mokuta. Era sa ia sara tale mada ga na veivakamatei ena gaunisala ki na vanua tabu mai Sikemi, ka ra sa nakita na nodra vakayacora na i tovo lolovira vakaoqo!

Emosi 4:5

Ni vakacabora talega me i madrali ni vakavinavinaka na madrai vakatubu. Ni kacivaka raraba na i madrali sa vakacabori wale ga; ni cakava sara ni sa dau malele kina na lomamuni!”

Sefanaia 1:5

Au na vakarusai koya ena cabe ki na delanivale me qarava na matanisiga, na vula, kei na veikalokalo. Au na vakarusai ira talega era sa dauqaravi au ka yalataka vei au na nodra yalodina, ia era sa qai vosa bubului tale ena yaca ni kalou o Moloke.

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Roma 2:2

Eda sa kila ni sa dina tiko na Kalou ena nona cudruvi ira era sa vakayacora na ka oqo.

Vakarua 32:17

Era sa vakacaboisoro ki na veikalou lasu, na veikalou era a sega ni bau kila o ira na nodra qase, na veikalou ka sega ni bau rokovi e Isireli.

Vakatakila 21:8

Ia o ira sa dadatuvu, na tawa vakabauta, o ira sa vakasisila na nodra i vakarau, o ira sa daulaba, na dautagane kei na dauyalewa, na dauvakatevoro, na dauqaravi kalou tani kei ira kece sa daulasulasu — sa nodra i votavota ga na drano buka kei na sulifure. Sa i koya oqo na i karua ni mate.”

Vakatakila 22:15

Ia e taudaku ni koro, era sa tu kina o ira era sa dauvakatanitaka na bula, na dauvakatevoro, na dauyalewa kei na dautagane, na daulaba, na dauqaravi kalou matakau, kei ira na daulasu.

Dauveilewai 5:8

A sa qai yaco na i valu mai vanua ena gauna era qaravi kalou tani kina na Isireli. Mai na 40,000 na tagane e Isireli, e dua li e bau tauri sasabai se moto?