Jeremaia 7:6 - Vakavakadewa Vou kei na iVola tale eso

⁶ Me kakua na i valavala veivakaisini vei ira na vulagi, na luveniyali kei ira na yada. Me mudu na vakamatei ira na tamata yalo dodonu ena vanua tabu oqo. Me kakua talega na qarava na veikalou tani de'u na qai vakarusai kemuni.

Ai Vola Tabu (Vakadewa Makawa Vakavoutaki 2021)

⁶ kevaka dou sa sega ni vakasaurarataki iratou na vulagi, kei na luveniyali, kei na yada, ka sega ni vakadavea na dra e sega ni cala e na yasana oqo, ka sega ni muria na kalou tani mo dou ca kina,

AI VOLA TABU

⁶ kevaka dou sa sega ni vakasaurarataki iratou na vulagi, kei na luveniyali, kei na alewa dawai, ka sega ni vakadavea na dra tawa cala e na yasana o qo, ka sega ni muria na kalou tani mo dou ca kina:

Vakavakadewa Makawa

⁶ kevaka dou sa sega ni vakasaurarataki iratou na vulagi, kei na luveniyali, kei na yada, ka sega ni vakadavea na dra e sega ni cala e na yasana oqo, ka sega ni muria na kalou tani mo dou ca kina:

Ai Vola Tabu Ena Vakavakadewa Vou

⁶ Me kakua na i valavala veivakaisini vei ira na vulagi, na luveniyali kei ira na yada. Me mudu na vakamatei ira na tamata yalododonu ena vanua tabu oqo. Me kakua talega na qarava na veikalou tani de'u na qai vakarusai kemuni.

Jeremaia 7:6 Iomraidhean Croise

2 Tui 21:6

A sa vakacabora o Manasa na luvena me i soro kama. E a qarava na cakacaka ni vakacuru ka veitokani kei ira na daurairai. A sa vakayacora o koya na i valavala ca e vuqa ena mata i Jiova, ka sa vakacudruya.

2 Tui 24:4

ka vakabibi na nona vakamatei ira na tamata e sega ni dua na nodra cala. A sa sega ni rawa ni vosoti Manasa o Jiova ena vuku ni veika oqo.

NA SAME 106:38

Era sa vakamatei ira na tamata dodonu oqo, na luvedra tagane kei na luvedra yalewa, Me ra i soro vei ira na kalou ni Kenani; Ka sa vakadukadukalitaki na vanua ena veivakamatei oqo.

Vosavakaibalebale 23:10

Kakua sara ni tosoya e dua na i yalayala ni vanua makawa se taura na vanua era sa taukena na luveniyali.

Aisea 59:7

Na yavamuni sa ciciva na ca, ka vakusakusa mo ni vakadavea na nodra dra na tamata dodonu. O ni sa vakasamataka ga ena nomuni vakasama na i valavala ca, Ka laiva tu na veika ca kei na veika sa rusa ena veivanua o ni lakova.

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 2:30

Au a totogitaki ira na luvemuni, ia sa sega ni yaga, era sa sega ni vulica rawa e dua na ka. O ni sa vakamatei ira na nomuni parofita ena i seleiwau me vaka na laioni cudrucudru.

Jeremaia 2:34

Sa dukadukali tu na nomu i sulu ena nodra dra na dravudravua kei na yalododonu, na nodra dra era sega ni bau mai butako ena nomu vale. Ia, e veitalia ga na veika kece sara oqo, o sa kaya tikoga,

Jeremaia 26:15

Ia mo ni kila tiko kevaka o ni vakamatei au, o ni sa cala ka vakakina o ira na lewe ni koro oqo ni o ni vakamatea e dua na tamata yalo dodonu, baleta ni a talai au mai na Turaga me'u tukuna na ka kece oqo vei kemuni.

Jeremaia 26:23

E ratou a kauti Uraia lesu mai vei Jo-akimi na tui ka vakamatei koya, ena i seleiwau ka viritaka na yagona ena kedra i bulubulu na tamata wale.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 5:28

Era sa levulevu ka lumilumisa. Sa sega ni vakaiyalayala na nodra caka ca ka ra sa sega ni vakatulewa ena lewa dodonu, ena vu ni leqa ni luveniyali me tuberi ira cake, era sega talega ni taqomaka na nodra dodonu na dravudravua.

Jeremaia 7:5

Ni veisautaka na nomuni vakarau kei na nomuni tovo. Me dodonu na ka o ni dau cakava vei ira na tani.

Jeremaia 7:9

O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Lele i Jeremaia 4:13

Sa yaco ga ena vuku ni i valavala ca Mai vei ira na nona parofita kei na bete, O ira sa vakadavea na nodra dra na yalododonu Ena loma ni vanua.

Isikeli 18:6

ka sega ni la'ki kana ena veiulunivanua, se tacake ki na nodra matakau na mataqali i Isireli, se veibutakoci vata kaya na watina na kai nona, se mocera e dua na yalewa sa tauva na kena mate vakamarama,

Isikeli 22:7

Era sa beci na tama kei na tina ka ra tiko vei iko; ka ra sa vakasaurarataki ira na nomu vulagi; ka ra sa vakacalai na yada kei ira na luveniyali, era sa tiko kei iko.

Vunau ni Soro 19:33

“Ia kevaka sa tiko vulagi kei kemuni ena nomuni vanua eso na kai tani, mo ni kakua ni vakasosataki ira.

Vunau ni Soro 25:17

Mo ni kakua ni cakava vakalawakica, ia mo ni rerevaka ga na nomuni Kalou; Ni sai au o Jiova na nomuni Kalou.

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Maciu 27:25

Era sa qai sauma mai o ira kecega na tamata ka ra kaya, “Laiva me baleti keimami kei ira na luve i keimami na nona mate!”

Maciu 27:4

ka kaya, “Au sa cala ni'u sa bukiveretaka e dua na tamata sa tawa cala me mate.” Era sa qai kaya ga, “A cava oqori vei keimami? Oqori sa baleti iko ga!”

Vakarua 11:28

Ia o ni na rusa, kevaka o ni sega ni muria na i vunau kece oqo, ka vuki tani mo ni qarava na veikalou tani o ni a sega mada ni bau qarava e liu.

Vakarua 24:17

Mo ni kakua ni kauta tani na nodra dodonu na kai matanitu tani kei ira talega na luveniyali. Kua sara ni kauta na nona i sulu e dua na yada me i vakadei ni ka sa kerea.

Vakarua 27:19

“ ‘Ena yaco na cudru ni Kalou vei koya sa tabaka sobu na nodra dodonu na vulagi, na luveniyali kei na yada.’ “Me ra na qai sauma kece na tamata, ka kaya, ‘Emeni!’

Vakarua 8:19

Ni kakua sara ni guilecavi Jiova na nomuni Kalou, mo ni vuki tani kina ki vei ira na veikalou tani ka qaravi ira, au sa tukuna rawa vei kemuni edaidai, ni o ni na vakarusai vakaidina.

Jemesa 1:27

Ia oqo na veika sa raica na Kalou o Tamada ni dusia na lotu dina ka savasava: me ra kauwaitaki ka qaravi o ira na luveniyali kei ira na yada ena nodra rarawa, ka me qarauni vinaka na bula yadua me kakua ni vakadukadukalitaki ena veika vakavuravura.