Jeremaia 7:30 - Vakavakadewa Vou kei na iVola tale eso

³⁰ Era sa cakava e dua na ka ca na tamata e Juta. Era sa vakadukadukalitaka na noqu vale tabu ni ra la'ki vakatikora kina na nodra matakau au sevaka.

Ai Vola Tabu (Vakadewa Makawa Vakavoutaki 2021)

³⁰ “Ni ra sa cakava na ka ca e mataqu ko ira na Juta, sa kaya ko Jiova. Era sa vakaduria na nodra ka vakasisila e na vale sa vakatokai e na yacaqu, me vakadukadukalitaka.

AI VOLA TABU

³⁰ Ni ra sa cakava na luve i Juta na ka ca e mataqu, sa kaya ko Jiova: era sa vakaduria na nodra ka vakasisila e na vale sa vakatokai kina na yacaqu, me vakadukadukalitaka;

Vakavakadewa Makawa

³⁰ Ni ra sa cakava na ka ca e mataqu ko ira na Juta, sa kaya ko Jiova: era sa vakaduria na nodra ka vakasisila e na vale sa vakatokai e na yacaqu, me vakadukadukalitaka;

Ai Vola Tabu Ena Vakavakadewa Vou

³⁰ Era sa cakava e dua na ka ca na tamata e Juta. Era sa vakadukadukalitaka na noqu vale tabu ni ra la'ki vakatikora kina na nodra matakau au sevaka.

Jeremaia 7:30 Iomraidhean Croise

2 Tui 21:3

E a tara tale o Manasa na veitikina cecere ka sa vakacacana taumada o Esekaia na tamana; a tara cake eso na i cabocabonisoro vei Peali, ka cakava na i yaloyalo ni kalou yalewa o Asera me vaka sa kitaka o Eapi na tui Isireli. Sa dau cuva talega o Manasa ki na kalokalo eso ka qaravi ira.

2 Tui 21:4

A sa bulia talega eso na i cabocabonisoro ki na veikalou tani ena loma ni Valenisoro, oqori ena vanua sa kaya o Jiova ni sa vakatikori kina na yacana me qaravi kina.

2 Tui 21:7

A vakatikora na matakau ni kalou yalewa o Asera ena loma ni Valenisoro; oqori ena vanua sa tukuna kina o Jiova vei rau o Tevita kei Solomoni na luvena na vosa oqo: “Ena i tikotiko oqo e Jerusalemi, na Valenisoro sai koya na vanua digitaki mai na nodra vanua raraba na mataqali i Isireli e tinikarua, me vanua me'u na dauqaravi kina.

2 Tui 23:12

A basuraka sobu na tui na i cabocabonisoro sa tu mai na i taba vale e cake i Easi era a cakava na tui Juta; a talaraka sobu na i cabocabonisoro a cakava o Manasa ena rara vakabai ruarua ni Valenisoro, ka biuta na kedra kuvu ki na Buca o Kitironi.

2 Veigauna 33:15

A kauti ira tani na kalou tani kei na matakau ceuceu mai na vale i Jiova, kei na veicabocabo ni soro kecega ka tara o koya ena ulunivanua ni vale i Jiova, kei Jerusalemi talega, ka sa biuti ira tani ki na taudaku ni koro.

2 Veigauna 33:3

A tara vou tale o koya na veitikina cecere ka a basuraka sobu o Esekaia na tamana, a sa vakaduria tale na i cabocabonisoro me nodra na Peali, ka cakava na kalou yalewa ni veikau, a soro ka qaravi ira talega na kalokalo ni lomalagi.

2 Veigauna 33:7

A sa vakaduria e dua na matakau ceuceu ka cakava ga o koya ena loma ni Valenisoro, na vanua ka sa vosa oti kina na Kalou vei rau o Tevita kei Solomoni na luvena, ni sa kaya vakaoqo, Na koro o Jerusalemi ena Valenisoro oqo sai koya na tikina ka'u sa digitaka mai na nodra vanua na veimataqali kecega e tinikarua e Isireli me vanua me'u na dau qaravi kina.

Aisea 66:4

Oi au talega au sa digitaka me ra sota kei na veika ni leqa Na veika sara ga era rerevaka, Baleta ni'u a kacivi ira A qai sega ni dua e rogo mai. Era sa digitaka me ra talaidredre vei au Ka vakayacora na veika ca.”

Jeremaia 16:18

Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Jeremaia 23:11

Sa kaya ga vakaoqo o Jiova, “O ira na parofita kei na bete Era sa sega ni kila na Kalou; Au sa toboka na nodra i tovo ca Era sa dau kitaka ena Valenisoro.

Jeremaia 32:34

Era sa bau vakacuruma na veimatakau au cata ena Valenisoro ka a tara ena yacaqu, ka ra sa vakadukadukalitaka.

Jeremaia 32:35

Era sa tara na veicabocabonisoro vei Peali ena Buca o Inomi me ra vakacabora kina na luvedra tagane kei na luvedra yalewa vua na kalou o Moloke. Au a sega ni vakaroti ira me ra cakava na ka oqo, e a sega mada ga ni'u bau vakasamataka ni ra na cakava na ka vakasisila vakaoqo, ka vakavuna na nodra i valavala ca na lewe i Juta.”

Isikeli 7:20

Ia na nodra i ukuuku rairai totoka ka ra tokara me ra qaciqacia kina, na nodra matakau vakasisila kei na ka velavela era sa cakava kina; au na saumaka me ra na vakasisilataka.

Isikeli 8:3

A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Taniela 11:31

Eso vei ira na nona matasotia era na la'ki tawana ka vakacacana na Valenisoro kei na kena veitikotiko ni yadra. Era na muduka na i soro ni veisiga ka ra vakatikora na Matakau Vakasisila.

Taniela 9:27

Na i liuliu oqo ena ia na veiyalayalati kei na lewe vuqa na tamata, o koya sa na dei ka yabaki vitu. Sa na qai vakavuna o koya na muduki ni vakacaboisoro kei na i madrali ka tolu veimama na yabaki. Ena tikina cecere duadua ni Valenisoro, sa na la'ki vakatikori kina na Matakau Vakasisila, me yacova ni sota kaya o koya ka vakatikora kina na i otioti ni ka sa vakarautaka na Kalou me nona.”