Jeremaia 7:3 - Vakavakadewa Vou kei na iVola tale eso

³ Sa tukuna o Jiova ni lewevuqa na nodra Kalou na Isireli, ‘Ni veisautaka na nomuni vakarau kei na nomuni tovo, au na qai solia mo ni tiko ga ena vanua oqo.

Ai Vola Tabu (Vakadewa Makawa Vakavoutaki 2021)

³ Sa kaya vakaoqo ko Jiova-ni-lewevuqa, na Kalou ni Isireli, Dou cakava me vinaka na nomudou i tovo kei na nomudou i valavala, ka'u na qai lesia mo dou tiko ga e na yasana oqo.

AI VOLA TABU

³ Sa vosa vakaoqo ko Jiova ni lewe vuqa, na Kalou nei Isireli, Dou cakava me vinaka na nomudou sala kei na nomudoui valavala, kaʼu na qai cakava mo dou tiko e na yasana o qo:

Vakavakadewa Makawa

³ Sa kaya vakaoqo ko Jiova ni lewe vuqa, na Kalou ni Isireli, Dou cakava me vinaka na nomudou i tovo kei na nomudou i valavala, ka'u na qai lesia mo dou tiko ga e na yasana oqo:

Ai Vola Tabu Ena Vakavakadewa Vou

³ Sa tukuna ko Jiova ni lewevuqa na nodra Kalou na Isireli, ‘Ni veisautaka na nomuni vakarau kei na nomuni tovo, au na qai solia mo ni tiko ga ena vanua oqo.

Jeremaia 7:3 Iomraidhean Croise

2 Tui 17:13

A sa talai ira yani na nona tamata kei na parofita o Jiova me ra vakaroti ira na Isireli kei ira na Juta matua, ni a kaya, “Mo ni gole tani mai na nomuni valavala ca, ka vakabauta na noqu i vunau kei na noqu i lesilesi, me vaka na vunau kece ka'u a vakarota vei ira na nomuni qase, ka'u a tukuna tale vei kemuni ena gusudra na parofita na noqu tamata.”

Esera 10:11

Ia oqo mo ni vakatusa mai na nomuni i valavala ca vei Jiova, na Kalou ni nomuni qase, ka cakava na ka me yalovinaka kina o koya. Me da qai bula tawasei keda tani mai vei ira na tamata era tu oqo ena noda vanua, ka mo ni biuti ira laivi talega na yalewa tani era sa watimuni.”

Vosavakaibalebale 28:13

O na sega ni toro cake kevaka o vunia tiko na nomu i valavala ca. Mo vakatusa ga ka biuta tani, ena qai vakaraitaka kina vei iko na Kalou na nona yaloveivosoti.

Aisea 55:7

Laivi ira na tamata ca me ra biuta na nodra i valavala Ka veisautaka na i tovo ni nodra vakasama. Laivi ira me ra gole vei Jiova na noda Kalou, Sa yalololoma o koya ka dau totolo na nona veivosoti.

Jeremaia 17:25

Era na qai curu mai ena veimatamata kei Jerusalemi na tui kei na luvenitui, era na dabe ena i dabedabe vakatui nei Tevita. Era na lako vata mai kei ira na lewe i Juta kei Jerusalemi, ka ra na vodo mai ena kareti kei na ose ka na dau tawa tu ga na koro o Jerusalemi ena tamata.

Jeremaia 18:11

Ia oqo mo tukuna vei ira na Juta kei ira mai Jerusalemi ni'u sa nakita me'u cakava na veika me vorati ira ka vakarau me'u vakaitotogitaki ira. Tukuna vei ira me ra muduka na nodra i tovo ca, me ra veisautaka na nodra i tovo kei na nodra i valavala.

Jeremaia 18:8

Ia e qai biuta na matanitu o ya na nona i tovo ca, au sa na veisautaka na lomaqu me baleta na ka au a tukuna me'u na cakava.

Jeremaia 26:13

O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 35:16

O ira na kawa i Jonatapi era a talairawarawa ki na noqu i vakaro.

Jeremaia 4:1

Kemuni na Isireli, kevaka o ni lesu mai, ni lesu mai vei au,” sa kaya o Jiova. “Ni biuti ira laivi na matakau vakasisila, mo ni lesu mai ka yalodina vei au,

Jeremaia 6:16

A sa kaya o Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Jemesa 4:8

Toro voleka yani vua na Kalou, ka na toro voleka mai vei kemuni o koya. Ni vakasavasavataka na ligamuni, oi kemuni sa dau kitaka na i valavala ca! Ni vakasavasavataka na yalomuni, oi kemuni na dauveivakaisini!