Jeremaia 7:26 - Vakavakadewa Vou kei na iVola tale eso

²⁶ Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Ai Vola Tabu (Vakadewa Makawa Vakavoutaki 2021)

²⁶ Ia era sa sega ni vakarorogo vei au, se vakatu daligadra, era vakadomoqataki ira ga. Era siviti ira na nodra qase e na caka ca.

AI VOLA TABU

²⁶ a ra sa sega ni vakarorogo vei au, se vakatu daligadra, era vakadomoqataki ira ga: era cakava vakalevu na ca ka vakalailai ko ira na nodra qase.

Vakavakadewa Makawa

²⁶ ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Ai Vola Tabu Ena Vakavakadewa Vou

²⁶ Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Jeremaia 7:26 Iomraidhean Croise

1 Tui 14:22

Era sa caka ca na Juta ena mata i Jiova; era a vakavuna me cudru vakalevu ka vuvutaki ira ena vuku ni nodra i valavala ca ni sa uasivi mai na kena era a cakava na nodra qase.

1 Tui 14:9

Ia o a cakava na ka ca ka uasivia na nodra i valavala ca kecega era bula e liu vei iko; ni o sa cakava eso na kalou tani kei na veimatakau eso sa vakawaicalataki, ka me vakacudrui au, ka sa biuti au tani kina ki dakumu.

2 Tui 17:14

Ia era a qai sega ni vakarorogo ka ra sa vakadomoqataki ira me vaka era a kitaka na nodra qase, ni ra sa sega ni vakabauti Jiova na nodra Kalou.

2 Tui 17:15

Era sa beca na nona i lesilesi kei na nona veiyalayalati ka a cakava o koya kei ira na nodra qase, kei na i vakaro ka a solia vei ira. Era a muria na veimatakau ceuceu tawayaga ka ra sa tawayaga vakakina; era a muria na i tovo ni veimatanitu e voliti ira, ka ra talaidredre kina ki na i vakaro i Jiova me ra kakua ni vakamurimuri ira.

2 Veigauna 30:8

Ia mo ni kakua ni domo qa kina, me vakataki ira na nomuni qase, mo ni soli kemuni vei Jiova, ka curuma na nona vale tabu, a vakatabuya tu o koya me tawa mudu, ka qaravi Jiova na nomuni Kalou, me gole tani kina mai vei kemuni na nona cudru waqawaqa.

2 Veigauna 33:10

A vosa vei Manasa o Jiova vei ira talega na nona tamata; ia era a bese sara ni rogoca.

2 Veigauna 33:23

A sega ni vakamalumalumutaki koya ena mata i Jiova, me vaka ni a vakamalumalumutaki koya o Manasa na tamana, ia o Amoni oqo, a qai toro cake ga na nona i valavala ca.

Niemaia 9:29

O ni a qai vakasalataki ira tale me rawa kina ni ra vakalesui ki na nomuni Lawa. Ia era a viavialevu ga ka sega ni talairawarawa ki na nomuni vakaro ka ra i valavala ca tikoga ki na nomuni lawa - o koya ena bula kina na tamata ke muria vakadodonu. Era a vakaduduile tikoga ka vakadomoqataki ira ka sega sara ni bau talairawarawa.

Vosavakaibalebale 29:1

Na tamata dau yalokaukauwa ena veigauna kece e vakadodonutaki kina, ena mavoa ena dua na siga ka sa na sega ni rawa ni bula tale.

Aisea 48:4

Au sa kila ni o ni na vakadrecike Na domomuni ena kaukauwa me vaka na kaukamea Kei na yadremuni ena kaukauwa me vaka na parasa.

Aisea 5:4

A cava tale beka au a sega ni cakava ena noqu loganivaini Ka dodonu me'u a cakava? Ia ni'u sa vakaraica tiko me vuataka na vuana, A cava sa qai vuataka ga kina na qerepi ca?

Jeremaia 11:8

Ia era sa sega ni rogoca se muria. Era sa dui muria ga na yalodra kaukauwa. O koya oqo au sa kauta mai kina vei ira na veitotogi kece sara e vakamacalataki kina.”

Jeremaia 16:12

Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Jeremaia 17:23

Era a sega ni vakarorogo, se talairawarawa vei au na nodra qase. Ia era a yalo kaukauwa; era sega ni via talairawarawa vei au se vuli mai vei au.

Jeremaia 19:15

Ni sa kaya na Turaga o Jiova ni lewevuqa na nodra Kalou na Isireli. “Au na kauta mai ki na koro levu oqo kei na kena veikoro kece na i totogi au a tukuna ni'u na cakava baleta ni o ni sa rui yalo kaukauwa ka sega ni via rogoca na noqu vosa.”

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 25:3

Ena loma ni ruasagavulu katolu na yabaki, mai na i katini katolu ni yabaki sa tui kina e Juta o Josaia na luve i Amoni me yacova na siga edaidai e a vosa kina vei au o Jiova, ka'u sa ia tikoga na tukuna vei kemuni na nona vosa. Ia o ni a sega sara ni bau kauwaitaka.

Jeremaia 25:7

Na Turaga sara ga vakataki koya e kaya ni o ni bese ni vakarorogo vua. Ia o ni sa vakacudruya na Turaga ena nomuni matakau, ka sa vakavuna me yaco kina vei kemuni na ka ca.”

Jeremaia 26:5

ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Jeremaia 29:19

Oqo na ka ena yaco vei ira, baleta ni ra sega ni muria na noqu vosa au sa talai ira tikoga yani kina na noqu parofita me ra tukuna,’ sa kaya o Jiova.

Jeremaia 3:13

Vakadinadinataka ga ni o sa cala. Ni o sa talaidredre vua na nomu Kalou. Tusanaka nomu cala ena ruku ni veivunikau drokadroka ni o sa la'ki qaravi ira kina na kalou tani, ka ni o sa sega ni muria na noqu vosa. Oi au, o Jiova, sa vosa vakaoqo.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 34:14

Ni oti e yavitu na yabaki me ra qai sereki ira na Iperiu yadua e a volitaki vei ira ka qaravi ira ena ono na yabaki. Ia era a sega ni vakarorogo vei au na nomuni qase se muria na noqu vosa.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 44:16

Ena yaca ni Turaga, “Keimami sega ni via rogoca na ka o tukuna vei keimami se yalataka me keimami cakava.

Jeremaia 5:3

E dina sa vaqara na yalodina o Jiova. Sa mokuti kemuni, Ia o ni sa sega ni via vakadodonutaki. O ni sa rui yalo kaukauwa Ka bese ni gole tani Mai na nomuni valavala ca.

Jeremaia 6:10

Au qai kaya, “O cei ena via vakarorogo vei au, Ke'u vosa vei ira ka vunauci ira? Era sa sogota na daligadra Ka ra sega ni rogoca. Era bese ni rogoca na nomuni vosa; Ka beca na ka o ni sa tukuna.

Jeremaia 6:17

Au sa lesia eso me ra yadra, ka vakarogoca na domo ni davui. Ia era qai kaya, “Keimami na sega ni via vakarorogo.”

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 9:13

A qai kaya o Jiova, “Sa yaco na ka oqo baleta ni ra sa biuta na noqu tamata na noqu i vunau au a solia vei ira. Era sa sega ni talairawarawa vei au se cakava na ka au tukuna vei ira me ra cakava.

Isikeli 12:2

“Luve ni tamata, o sa tiko ena kedra maliwa na tamata talaidredre. E tiko na matadra, ia era sa sega ga ni rai; e tiko na daligadra, ia era sa sega ga ni rogo; ni ra sa kawatamata dautalaidredre.

Isikeli 12:3

Ia oqo, o iko na luve ni tamata, mo vakarautaka na nomu i yaya ni toki vakabobula, ka vakayacora oqo e matadra ni se bera ni bogi na vanua. Me ra raici iko ni o sa biu vanua ka lako yani ki na dua tale na vanua. De ra na qai kila kina o ira ni ra sa tamata talaidredre.

Isikeli 20:30

O koya oqo, mo kaya kina ki na mataqali i Isireli, Sa kaya vakaoqo na Kalou o Jiova: O ni sa vakadukadukalitaki kemuni li me muria na nodra i valavala na nomuni qase, ka cici muria na nodra kalou matakau?

Taniela 9:6

Keimami sega sara ni bau vakarorogo vei ira na nomuni tamata na parofita, o ira era a vosa ena yacamuni vei ira na neimami tui, na neimami turaga, na neimami i tubutubu kei na neimami vanua.

Osea 11:7

O ira na noqu tamata era sa nakita ga me ra vuki tani mai vei au. Era na tagi vakalevu ena vuku ni i vua sa vakataqari e domodra, ia ena sega ga ni dua ena laveta tani mai vei ira.

Sakaraia 7:11

“Ia era sa bese ga ni via vakarorogo na noqu tamata. Era a sogota ga na yalodra

Malakai 3:7

O kemuni, o ni sa vakataki ira na nomuni qase era liu vei kemuni, ni o ni sa vuki tani mai na noqu lawa ka sega ni muria. Ni lesu tale mai vei au, ka'u na qai lesu yani vei kemuni. Ia o ni sa taroga, ‘A cava me keimami cakava me keimami lesu yani kina vei kemuni?’

Maciu 21:38

Ia ni ra sa raica na luvena o ira na tauri qele, era sa qai kaya vakai ira, ‘Sa i koya oqo ena qai kena i taukei e muri. Mai, me da vakamatea, me da suguta na veika ena taukena!’

Maciu 23:32

Dou ia sara yani, ka vakaotia na ka era a tekivuna na nomudou qase!

Cakacaka 7:51

“Ni yavu tamata yalo kaukauwa! Sa duatani na butobuto ni lomamuni kei na didivara ni daligamuni! O ni sa ucui ira vinaka sara ga na nomuni qase, ena nomuni dau vorata na Yalo Tabu!

Roma 2:5

Ia sa kaukauwa ga ka rui dredre na yalomu, ka o sa binia tikoga kina na nomu i totogi me bibi cake sara ena Siga sa na vakaraitaki mai kina na cudru kei na lewa dodonu ni Kalou.

Vakarua 8:20

Me vaka na nona vakarusai ira na veimatanitu tani o Jiova e matamuni, ena vakarusai kemuni talega vakakina o Jiova kevaka o ni na talaidredre ki na nona vosa.