Jeremaia 7:23 - Vakavakadewa Vou kei na iVola tale eso

²³ Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Ai Vola Tabu (Vakadewa Makawa Vakavoutaki 2021)

²³ Ia na ka ga oqo ka'u a vakarota vei ira, ka kaya, ‘Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata. Dou muria kece talega nai valavala ka'u a vakarota vei kemudou, mo dou vinaka kina.’

AI VOLA TABU

²³ ia na ka ga o qo kaʼu a vakarota vei ira, ka kaya, Dou vakarorogo ki na domoqu, kaʼu na qai nomudou Kalou, ia kemudou, dou na yaco me noqu tamata: dou muria kece talega na sala kaʼu a vakarota vei kemudou, mo dou vinaka kina:

Vakavakadewa Makawa

²³ ia na ka ga oqo ka'u a vakarota vei ira, ka kaya, Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata: dou muria kece talega nai valavala ka'u a vakarota vei kemudou, mo dou vinaka kina:

Ai Vola Tabu Ena Vakavakadewa Vou

²³ Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Jeremaia 7:23 Iomraidhean Croise

Jope 36:11

Kevaka era sa vakarorogo ka qaravi koya, Era na vakacavara vinaka na nodra bula Ena tiko vinaka kei na sautu.

NA SAME 119:3

Era sa sega ni cakava e dua na ka ca; Ni ra sa muria voli ga na sala i Jiova.

NA SAME 40:6

O ni sa sega ni vinakata na i soro kei na i soro kama: O ni sa sega ni gadreva me vakamai taucoko ena i cabocabonisoro na veimanumanu; Era vakacabori ena i cabocabonisoro se na i soro me bokoci kina na i valavala ca. Ia, o ni sa solia ga vei au na daliga me'u rogoci kemuni kina.

NA SAME 81:13

Kevaka era a vakarorogo mada ga vei au na noqu tamata Au diva me ra talairawarawa vei au.

Lako Yani 15:26

A sa kaya, “Kevaka o ni na vakarorogo vakavinaka vei Jiova na nomuni Kalou, ka cakava na ka e dodonu e matana, ka vakayacora na nona i vunau ka muria na nona i vakaro, au na sega ni totogitaki kemuni ena mate ca au a vakatauva vei ira na kai Ijipita; Ni sai au o Jiova rafa.”

Lako Yani 16:32

A sa kaya o Mosese, “Sa vakaroti keda o Jiova me da maroroya e dua na i wase ni mana, ka me maroroi oqo me baleti ira na noda kawa ena veigauna mai muri, me rawa kina ni ra raica na kakana sa solia vei keda o Jiova me da kania ena vanua lala, ena nona kauti keda tani mai na vanua o Ijipita.”

Aisea 3:10

Tukuna vei ira na yalo dodonu, Ni na daumaka na veika kecega vei ira, Ni ra na kania na vua ni nodra cakacaka.

Jeremaia 11:4

O koya ka'u a vakarota vei ira na nodra qase ena gauna au a kauti ira tani kina mai Ijipita, na vanua sa vaka na lovo kaukamea vei ira. Au a tukuna vei ira me ra muria na noqu vosa ka cakava na ka kecega au a vakarota vei ira me ra cakava. O ni na qai yaco mo ni noqu tamata, ka'u na qai nomuni Kalou.

Jeremaia 11:7

Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Jeremaia 13:11

Me vaka na kena qaqaco vinaka na beleti ena tolona e dua na tamata, sa vakakina na noqu nanuma me baleti ira kece na lewe i Isireli kei na lewe i Juta, me ra kabi matua vei au,” a kaya o Jiova. Au na cakava na ka oqo me ra yaco kina me ra noqu tamata, me dokai ka vakarokorokotaki kina na yacaqu, ia era sa sega ni via vakarorogo.”

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 22:3

Sa kaya o Jiova mo ni cakava na ka dodonu kei na ka savasava. Ni taqomaka na tamata sa vakaisini mai vei koya sa veivakaisini, kakua ni cakava e dua na ka ca se vakasosataki ira na vulagi, se vei ira na luveniyali, se na yada; ni kakua ni vakamatei ira na tamata yalododonu ena vanua tabu oqo.

Jeremaia 24:7

Au na solia vei ira na Yaloqu me ra kila ni sai au o Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

Jeremaia 31:33

Na veiyalayalati vou au cakava vata kei ira na Isireli. Au na tugana na noqu i vunau ena nodra vakasama ka vola sara e yalodra. Au na yaco me nodra Kalou, ka ra na yaco me ra noqu tamata. Sa kaya o Jiova.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 38:20

A qai kaya o Jeremaia, “O ni na sega ni soli vei ira. Au vakamasuti kemuni mo ni muria na vosa i Jiova me vaka au a tukuna oti vei kemuni; ena qai lako vakavinaka na veika kece vei kemuni ka na maroroi na nomuni bula.

Jeremaia 42:6

Veitalia se vinaka vei keimami se sega, keimami na talairawarawa ga vei Jiova na neimami Kalou ka keimami sa talai iko vua.”

Sefanaia 3:2

A sa sega tiko ni dau vakarorogo vei Jiova se ciqoma na nona veivakavulici. Sa sega ni dau vakararavi vei Jiova se me daukerea na nona veivuke.

Sakaraia 6:15

Era na qai lako mai o ira era sa tu vakayawa me ra mai veivuke ena tara vou tale ni Valenisoro i Jiova. Ia ni sa tara oti, o ni sa na qai kila kina ni a talai au yani vei kemuni o Jiova ni lewevuqa Ena yaco dina na ka kecega oqo kevaka e taucoko sara ga na nomuni talairawarawa ki na i vakaro kecega i Jiova na nomuni Kalou.

Sakaraia 7:7

Oqo na i tukutuku vata ga sa dau vosa oti kina o Jiova vei ira na parofita e liu, ena gauna a vutuniyau tu kina o Jerusalemi ka sinai tu kina na tamata, ka ra tu na tamata ena veikoro era tu wavokita ka vakakina ena yasayasa mai na ceva kei na veibuca mai na ra.

Roma 16:26

Ia sa qai vakaraitaki mai na ka dina oqo ena nodra volavola na parofita; ka sa vakatakilai ki na veimatanitu kecega mai na lewa ni Kalou tawamudu, me rawa ni ra vakabauta ka talairawarawa kina na tamata kecega.

2 Korinica 10:5

Keitou sa vakarusa na veile lasu ka talaraka sobu na veibai cecere ni qaciqacia me voroka na kilai ni Kalou ka vagolea na veivakasama sa vesuki me talairawarawa vei Karisito.

Vakarua 11:27

Ena yaco vei kemuni na kalougata kevaka o ni talairawarawa ki na i vunau kece i Jiova na nomuni Kalou au sa solia vei kemuni edaidai.

Vakarua 13:4

Mo ni muri Jiova ka rokovi koya; mo ni talairawarawa vua ka maroroya na nona i vunau; mo ni qaravi koya ni dou sa sokalou ka yalodina ki vua.

Vakarua 13:5

Ia mo ni vakamatei ira na dautadra se parofita era tukuna vei kemuni mo ni vorati Jiova na nomuni Kalou, o koya ka kauti kemuni tani mai Ijipita na vanua o ni a bobula kina. Sa vu ni ca na tamata o ya ni sa tovolea me kauti kemuni tani mai na sala ni bula sa vakarota vei kemuni o Jiova mo ni bula kina. E dodonu me vakamatei na mataqali tamata vaka o ya me oti kina na ca vei kemuni.

Vakarua 30:2

Ia kevaka o ni lesu tale vei Jiova o kemuni kei ira na luvemuni, ka muria na nona i vakaro au sa solia vei kemuni edaidai, ena qai lomani kemuni o Jiova ka na vakasukai kemuni mai na veimatanitu sa vakasavi kemuni kina, ka vakavuna tale mo ni tiko vinaka.

Vakarua 30:20

Ni lomani Jiova na nomuni Kalou, ni talairawarawa ka yalodina vua me na dede kina na nomuni bula kei ira na nomuni kawa ena vanua ka yalataka o koya vei ira na nomuni qase, vei Epara-ama, Aisake, kei Jekope.

Vakarua 30:8

O ni sa na qai talairawarawa tale vei Jiova ka muria na nona i vunau kece au sa vakarota vei kemuni edaidai.

Vakarua 4:10

Nanuma na siga o ni a tu kina ena mata i Jiova mai Ului Saineai, ni a kaya vei au, “Soqoni ira mai na tamata vei au me ra rogoca na noqu vosa me ra vulica kina me ra rerevaki au ena veigauna kece sara era bula kina e vuravura, ka me ra vakavulici ira talega kina na luvedra.”

Vakarua 4:40

Ni talairawarawa ki na nona i vunau kei na i vakaro kecega au sa vakarota vei kemuni edaidai ena qai daumaka kina vei kemuni na veika kece, vei ira talega na nomuni kawa. O ni na qai tiko ga kina ena vanua sa solia vei kemuni o Jiova na nomuni Kalou me nomuni ka sega ni mudu.

Vakarua 5:16

“Mo vakarokorokotaka na tamamu kei na tinamu, me vaka sa vakarota o Jiova na nomu Kalou, me yaco kina vei iko na vinaka ka dede kina na nomu bula ena vanua sa solia vei iko o Jiova na nomu Kalou.

Vakarua 5:29

Kevaka mada ga ena dau vaka tu ga oqo na nodra vakanananu me ra rerevaki au ka talairawarawa ki na noqu vunau me na rawa ni ra vinaka kina kei ira na nodra kawa ka tawa mudu.

Vakarua 5:33

Mo ni muria na veika kece sa vakarota vei kemuni o Jiova na nomuni Kalou mo ni na qai bula, ka vinaka kina, ka tiko vakadede ena vanua o ni sa la'ki taukena.

Vakarua 6:3

O koya oqo kemuni na Isireli, mo ni vakarorogo ka talairawarawa kina. Ena qai vinaka mai na ka kecega vei kemuni, ka o ni na yaco me matanitu levu, ka taukena na vanua vinaka sa dave kina na sucu kei na oni, me vaka sa yalataka o Jiova na nodra Kalou na nomuni qase.

Iperiu 5:9

Ni sa vakayacori oti o koya me vinaka taucoko sara, a sa yaco me vu ni bula tawamudu vei ira kecega sa talairawarawa vua,

1 Samuela 15:22

A sa kaya o Samuela, “A cava li e vinakata o Jiova: na talairawarawa se na i madrali kei na vakacaboisoro? Sa uasivi cake na talairawarawa mai na kena cabori vua na sipi digitaki.