Jeremaia 7:13 - Vakavakadewa Vou kei na iVola tale eso

¹³ O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Ai Vola Tabu (Vakadewa Makawa Vakavoutaki 2021)

¹³ Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

AI VOLA TABU

¹³ Ia o qo, e na vuku ni dou sa cakava na cakacaka kece o qo, sa kaya ko Jiova, io, niʼu a vosa tikoga vei kemudou, ka sou e na sabogibogi me vosa vei kemudou, dou a sega ga ni rogoca; ia kaʼu a kaci yani, dou a sega ga ni rogo mai;

Vakavakadewa Makawa

¹³ Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Ai Vola Tabu Ena Vakavakadewa Vou

¹³ O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 7:13 Iomraidhean Croise

Vosavakaibalebale 1:24

Ena noqu kaci ni veisureti yani, o ni a bese ga; ka'u a dodo liga yani ka sega e malele mai kina.

Aisea 50:2

A cava au sa sega ni kunea kina e dua na tamata Ena noqu lako yani me'u vakabulai ira? A cava era sega ni rogo mai kina ni'u kaci yani? Au sa rui malumalumu beka me'u ia na veivakabulai? Sa rawa vei au me'u vakamamacataka na wasawasa ena noqu vosa ga, Ka'u vukica na veiuciwai me vanua dravuisiga Me ra mate kina na ika ni sa sega na wai.

Aisea 65:12

Na nomuni voravora mo ni mate ena i seleiwau Baleta ni o ni sega ni rogo mai Ni'u kacivi kemuni, se vakarorogo ni'u vosa yani. Ia o ni sa cakava ga na ka vakasisila e mataqu Ka digitaka na ka au sega ni taleitaka.

Aisea 66:4

Oi au talega au sa digitaka me ra sota kei na veika ni leqa Na veika sara ga era rerevaka, Baleta ni'u a kacivi ira A qai sega ni dua e rogo mai. Era sa digitaka me ra talaidredre vei au Ka vakayacora na veika ca.”

Jeremaia 11:7

Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Jeremaia 11:8

Ia era sa sega ni rogoca se muria. Era sa dui muria ga na yalodra kaukauwa. O koya oqo au sa kauta mai kina vei ira na veitotogi kece sara e vakamacalataki kina.”

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 13:11

Me vaka na kena qaqaco vinaka na beleti ena tolona e dua na tamata, sa vakakina na noqu nanuma me baleti ira kece na lewe i Isireli kei na lewe i Juta, me ra kabi matua vei au,” a kaya o Jiova. Au na cakava na ka oqo me ra yaco kina me ra noqu tamata, me dokai ka vakarokorokotaki kina na yacaqu, ia era sa sega ni via vakarorogo.”

Jeremaia 25:3

Ena loma ni ruasagavulu katolu na yabaki, mai na i katini katolu ni yabaki sa tui kina e Juta o Josaia na luve i Amoni me yacova na siga edaidai e a vosa kina vei au o Jiova, ka'u sa ia tikoga na tukuna vei kemuni na nona vosa. Ia o ni a sega sara ni bau kauwaitaka.

Jeremaia 26:5

ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Jeremaia 29:19

Oqo na ka ena yaco vei ira, baleta ni ra sega ni muria na noqu vosa au sa talai ira tikoga yani kina na noqu parofita me ra tukuna,’ sa kaya o Jiova.

Jeremaia 32:33

Era na gole tani ka vakanadakui au; e dina au na ia tikoga na vakatavulici ira, era sa sega ni via rogoca se via vakadodonutaki.

Jeremaia 35:14

O ira na kawa i Jonatapi era a muria na nona i vakaro me ra kakua ni gunu waini, a sega sara ni dua vei ira a bau gunu waini me yacova na siga edaidai, baleta ni ra muria na i vakaro ni nodra qase. Ia oi au, au a vosa tikoga vei kemuni, o ni a sega sara ni vakarorogo vei au.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 44:23

Sa yaco vei kemuni edaidai na veivakarusai oqo, baleta na nomuni vakacaboisoro vei ira na veikalou tani ka i valavala ca vei Jiova. O ni sega ni muria na nona i vakavuvuli, nona i vakaro, kei na nona i vunau.”

Jeremaia 44:4

Au sa talai ira kece tikoga mai na noqu dauveiqaravi na parofita era tukuna vei kemuni mo ni kakua ni cakava na ka rerevaki oqo, ni'u cata.

Jeremaia 5:21

Mo rogoca oqo, oi kemuni na i yavu tamata tawa yaga ka sesewa, e tu na matamuni ia o ni sega ni rai, e tu na daligamuni, ia e sega ni rogo.

Jeremaia 6:10

Au qai kaya, “O cei ena via vakarorogo vei au, Ke'u vosa vei ira ka vunauci ira? Era sa sogota na daligadra Ka ra sega ni rogoca. Era bese ni rogoca na nomuni vosa; Ka beca na ka o ni sa tukuna.

Jeremaia 7:25

Me tekivu mai na siga era a lako tani kina mai Ijipita na nomuni qase ka yacova mai na siga oqo, au sa talai ira tikoga mai vakaveitaravi na noqu tamata na parofita vei ira.

Osea 11:2

Ia na levu ga ni noqu kacivi koya, Na levu talega ni nona vuki tani mai vei au. Na noqu tamata era sa vakacaboisoro vei Peali; Era sa vakama na ka boi vinaka ki na matakau eso.

Osea 11:7

O ira na noqu tamata era sa nakita ga me ra vuki tani mai vei au. Era na tagi vakalevu ena vuku ni i vua sa vakataqari e domodra, ia ena sega ga ni dua ena laveta tani mai vei ira.

Osea 9:17

Na Kalou au sa qarava ena biuti ira na nona tamata, baleta ni ra sa sega ni vakarorogo vua. Era na dui veiseyaki ki na veivanua.

Sakaraia 7:13

Ena vuku ni nodra a sega ni vakarorogo ena gauna au a vosa kina, au a sega ni rogoci ira kina ni ra sa masuti au.

Maciu 23:37

“Isa, Jerusalemi, i Jerusalemi! O iko o a vakamatei ira na parofita, ka vakaviriki ira ena vatu na tamata era talai yani vei iko! Sa vakavuqa na noqu tovolea me'u vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia dou a sega ni vinakata!