Jeremaia 7:11 - Vakavakadewa Vou kei na iVola tale eso

¹¹ O ni nanuma beka ni nodra i vunivuni na daubutako na noqu vale? Au sa raica na ka o ni cakava tiko.

Ai Vola Tabu (Vakadewa Makawa Vakavoutaki 2021)

¹¹ A vale oqo, sa vakatokai e na yacaqu, sa qai vuki beka me qara ni daubutako vei kemudou? Io, koi au, ka'u sa vakararai talega, sa kaya ko Jiova.

AI VOLA TABU

¹¹ A vale o qo, a ya sa vakatokai kina na yacaqu, sa qai yaco beka me nodra qara na daubutako e na matamudou? Io, koi au, raica, kaʼu sa kunea, sa kaya ko Jiova.

Vakavakadewa Makawa

¹¹ A vale oqo, sa vakatokai e na yacaqu, sa qai vuki beka me qara ni daubutako vei kemudou? Io, koi au, raica, ka'u sa kunea, sa kaya ko Jiova.

Ai Vola Tabu Ena Vakavakadewa Vou

¹¹ O ni nanuma beka ni nodra i vunivuni na daubutako na noqu vale? Au sa raica na ka o ni cakava tiko.

Jeremaia 7:11 Iomraidhean Croise

2 Veigauna 6:33

mo ni qai rogoca mai lomalagi ena yasana o ni sa tiko kina, ka mo ni cakava me vaka na ka kecega sa tagi kina vei kemuni na kai tani; me ra kila kina na yacamuni o ira kecega na kai vuravura, me ra rokovi kemuni, me vakataki ira na nomuni tamata na Isireli, ka me ra bau kila na vale oqo ka'u tara ni sa vakatokai ki na yacamuni.

Aisea 1:12

O cei sa tukuna vei kemuni na veika oqo, Mo ni lako mai mo ni mai qaravi au? O cei sa tukuna vei kemuni mo ni buturaka na noqu lomanibai?

Aisea 56:7

“Au na kauti kemuni mai ki noqu ulunivanua tabu, Ka solia vei kemuni na reki ena noqu vale ni masu. Na nodra i soro kama kei na i madrali Ka'u na vakadonuya ena noqu i cabocabonisoro; Na noqu vale ena vakatokai Me nodra vale ni masu na veimatanitu kecega.”

Jeremaia 2:34

Sa dukadukali tu na nomu i sulu ena nodra dra na dravudravua kei na yalododonu, na nodra dra era sega ni bau mai butako ena nomu vale. Ia, e veitalia ga na veika kece sara oqo, o sa kaya tikoga,

Jeremaia 23:24

Ena sega ni dro rawa na tamata me na vunitaki koya ena dua na vanua me'u na sega ni kunei koya kina. O ni sega beka li ni kila ni'u sa tiko oi au ena veiyasana kecega mai lomalagi kei vuravura?

Jeremaia 29:23

Ni sa ka ca sara e Isireli na ka e rau cakava. E rau sa ia na veibutakoci kei na watidra na wekadra na wekadrau ka vosataka na veika lasu au sega ni talai rau kina ena yacaqu. Au sa kila; ka'u rawa ni vakadinadina kina,’ sa kaya o Jiova.

Jeremaia 7:10

Ia o ni qai lako mai ka mai tu e mataqu ena noqu Vale ni Soro, ka kaya, ‘Keimami sa vagalalataki mai na neimami i valavala ca!’ ni oti ga, o ni lesuva tale.

Isikeli 35:13

Ia o ni sa vosa bolebole ka vakalevulevui kemuni ena vosa ca mai na gusumuni, ka vakalevutaka na nomuni vosa ca vei au; ia ka'u sa rogoca oi au.”

Taniela 9:18

Ni vakatudaliga vei keimami na Kalou; ni raici keimami kei na leqa keimami sa tu kina, ka bau raica na leqa ni koro levu sa vakayacani vei kemuni. Keimami sa masu tiko vei kemuni ena vuku ni o ni sa yalo loloma, ka sega ena vuku ni neimami caka dodonu.

Maciu 21:13

ka kaya vei ira, “Sa volai tu, ‘Ena vakatokai na noqu vale me vale ni masu,’ ia dou sa cakava me nodra qara na daubutako.”

Marika 11:17

Sa qai vakavulici ira, ka kaya, “E sega li ni volai tu ena i Vola Tabu, ‘A noqu vale ena vakatokai me nodra vale ni masu na veimatanitu kecega’? Ia o ni sa cakava ga me nodra qara na daubutako.”

Joni 2:16

ka kaya vei ira na volitaki ruve, “Dou kauti ira tani sara eke! Kakua tale ni dou cakava na vale nei Tamaqu me makete ni veivoli!”

Iperiu 4:13

Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.